自由講場今日: 530|主題: 1303069

收藏本版

發帖

返回列表

跳至頁

樓主: 黃啤啤

半年過去了

[複製鏈接]

黃啤啤

大宅

積分: 2945

1^#

發表於 16-5-3 16:41 |顯示全部帖子 |倒序瀏覽 |打印

老公辭左職全職搞生意
http://www.baby-kingdom.com/forum.php?mod=viewthread&tid=16538274&fromuid=1781872

半年前我老公辭左份工，叫我俾半年時間佢，佢想全職搞生意！半年過去了，我有少少感想同大家分享。好多謝各位jm 既意見同支持，大部份jm 都建議我支持老公，放手俾佢試下，我亦接納左jm 既意見，呢半年不斷支持佢，鼓勵佢。

呢半年黎，佢一直都好努力，做左好多好多野，亦好自律，無因為自己唔駛返而懶散落黎。但創業其實真係唔容易，尤其是對於我地呢啲新手黎講，創業當中遇到既困難比我地多好多好多，剛開始真係 0 收入，只靠我一份糧支持家庭，我覺得好大壓力，好辛苦，而且眼見經濟似乎愈來愈差，好擔心將來，同埋個女愈大個，要返playgroup，遲啲返 n 班，駛費愈來愈多，所以心入面三番四次想叫我老公放棄，出去搵番份工，起碼穩穩定定，唔駛成日擔驚受怕！但我同自己講，當初應承得老公俾佢試，就應該兌現自己既承諾，唔應該半途而廢。

好啦，半年過去了，究竟我老公成唔成功呢？答案係：見到曙光，但仍需努力！而家生意上面既收入都叫穩定，但暫時仲未搵得番之前份糧。人工雖然係少左，但從呢件事我領悟到一樣野，夫妻之間既互相信任同支持好重要，係呢半年入面，我見到我老公既另一面，我好耐無見過佢咁專注，咁有動力去做一樣野，每次做成生意，佢都好興奮咁同我講佢點樣做成呢單生意，啲客點樣讚佢，有幾多回頭客，下一步點樣再做好啲等等‧‧見到佢咁開心，咁有動力，我覺得我當初既決定係無錯！而且透過呢件事，我同我老公感情比以前更好，佢都話，多謝我咁支持佢，如果唔係佢連尋夢既機會都無！

再次多謝各位jm 當初既鼓勵，將來唔知係點架，但我相信人生慢慢長路，千祈唔好俾一時三刻既失敗而打倒，再相信自己，亦都要相信身邊人，明天一定會更好啲！