吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 小朋友大脾氣,可以點教 Part II

少年成長今日: 1|主題: 15865

收藏本版

發帖

返回列表

跳至頁

樓主: SandraLo

積分: 2350

1^#

發表於 09-6-22 11:01 |顯示全部帖子

SandraLo:

又有問題要請敎你啦!

囡囡宜家15個月，之前食粥都好地地，但係呢個月開始，食粥有好大問題，成日扭計又大喊，都唔肯食，但係我知佢又唔係唔肚餓喎，有時氹一輪佢又可以食晒一大碗，之後我地食飯佢又要食都仲食得落。

平日麻麻餵，爺爺麻麻會用盡方法不停氹，氹到佢好開心就會食得晒，但係佢要求就愈來愈過份，初初係咁二氹下就ok，宜家就要出盡法寶，連唔比得佢玩既野都比晒佢先得，好唔想繼續咁樣。

尋日我放假自己餵(午餐)，佢又大喊，氹都冇用，唔知點做好，諗住ignore佢喊，等佢喊一輪先再食，喊左半個鐘就停左，但係一提起食粥又再喊過，試左幾次都係咁，只係喊少左。終於決定收碗唔比佢再食。下午茶時間飲奶，明顯合作左，或者因為真係好肚餓。點知晚餐又來過，食左半碗又開始扭，但係冇乜點喊，只係唔肯張開口，終於又要氹一輪總算食晒。

尋日咁樣餵真係好失敗，但係我真係唔知應該點。收碗唔知對佢係咪真係有效，因為佢好硬頸，就算好肚餓，佢寧願啜手指都唔會話要食野。同埋如果真係收碗，應該點樣收，係限定時間就收，定係佢唔食就收?個過程又係點，中間我可唔可以氹佢，定唔食就由得佢?如果唔收碗又有冇其他方法?

thx!

私人傳訊

jj032008

大宅

積分: 2350

2^#

發表於 09-6-23 11:13 |顯示全部帖子

原帖由 SandraLo 於 09-6-22 22:44 發表

jj032008 :

你先要知清楚收碗的意義, 才可進行……
你有冇試過粥以外的食物？他會不會是突然喜歡吃粥？
若你知道他不是不喜歡吃粥, 那他會不會是不夠餓？所以吃得慢？而爺爺嫲嫲又心急了些, 做盡一切要佢短時間內食晒？ ...

有試過食字母粉，以前都好鐘意，宜家情況同粥一樣，我地食飯，佢會鐘意食少少，但都只限於幾啖，比得多就唔食，食奶又係麻麻地，由於食人奶，佢只喜歡埋身食，不過都食唔多，二個月大起，佢已經唔肯用奶樽，麻麻冇佢辦法只好用匙羹餵。

我諗有時或者真係唔係太餓，但係有時訓覺過左成個鐘先食，一樣係唔肯食，就算肯食，一兩啖之後就開始扭。

之前一般合作既話，10分鐘左右就會食晒，宜家又要氹又要食，要成半個鐘，我前兩日就攪左個半鐘都食唔晒。

麻麻氹係會比玩具佢玩，初初係比佢自己既玩具，宜家連玻璃公仔/指甲鉗都比，總之要乜比乜。我氹會係比多支匙羹佢，佢好鐘意餵我食，所以係佢一啖我一啖(佢唔會'畢'所以我果啖其實係冇野既)，佢食得好我會讚佢叻。

我唔會鬧/嚇佢，基本上收左碗之後我會好似平時一樣，唔會再提起呢件事，亦唔會比餐以外既野佢食。其實，佢從bb開始，都從來唔會喊要食野，冇野食對佢來講好似冇乜所謂。

私人傳訊

jj032008

大宅

積分: 2350

3^#

發表於 09-6-25 10:07 |顯示全部帖子

原帖由 SandraLo 於 09-6-24 19:23 發表

jj032008 :

如此說來, 他可能真的冇食嘢「癮」, 但點都好, 試咗隔耐d 先食一餐先(因為要先知佢係咪唔餓), 同埋記得要食兩啖就要讚啦！

多謝你回覆，我會試下或者遲半個鐘先食，睇下會唔會好d。不過我仲想問，其實食野既時候，我應該要佢專心食野，定係都可以比野佢一玩一路食。

thx!

私人傳訊

jj032008

大宅

積分: 2350

4^#

發表於 09-7-3 10:11 |顯示全部帖子

Sandralo,

呢幾日都係遲左半個鐘比囡囡食粥，好似冇乜進展，終於我奶奶頂唔順，放佢落地唔理佢(食粥時坐係high chair)，佢大喊捉住我奶奶隻腳，我奶奶就抱返佢上high chair要佢繼續食，佢又唔肯食又放佢落地，終於來回左幾次之後佢就乖乖地食晒碗粥。宜家食粥比之前乖左，一唔食我奶奶就會話放落地唔理佢，佢就會食。我想問咁樣食有冇問題，算唔算靠嚇。

私人傳訊

jj032008

大宅

積分: 2350

5^#

發表於 09-7-4 13:55 |顯示全部帖子

原帖由 SandraLo 於 09-7-3 19:21 發表

jj032008 :

其實放佢落地佢唔制係乜嘢意思呢？代表佢唔係唔想食, 係驚住冇得食所以要求坐番上去？
如果囡囡大喊, 嫲嫲先至按佢意願俾嗰樣嘢佢, 咁囡囡會學咗用喊嚟要求！
都想問埋, 如果囡囡冇話要上番high chair, 嫲嫲 ...

其實放佢落地，佢唔係怕冇得食，係怕麻麻走左去唔理佢。囡囡冇話要番上去hair chair，佢只係要求麻麻唔好走，但係佢只得兩個選擇，一係麻麻走，一係食野，所以要麻麻唔走=佢要乖乖食野。咁算唔算用喊來要求一樣野，還是只係用喊來表達自己既選擇。

我唔知有一日如果佢唔介意麻麻走，麻麻會點做，但係我估麻麻唔會比佢唔食，一定另外諗方法要佢食。

其實如果佢選擇左比麻麻走，係咪都應該跟佢選擇做，唔理佢幾耐先叫做左。

私人傳訊

jj032008

大宅

積分: 2350

6^#

發表於 09-7-6 13:33 |顯示全部帖子

原帖由 SandraLo 於 09-7-4 23:13 發表

jj032008 :

「我唔知有一日如果佢唔介意麻麻走，麻麻會點做，但係我估麻麻唔會比佢唔食，一定另外諗方法要佢食。」~~ 唔……即係話嫲嫲見到囡囡唔願意佢走, 就用呢樣嘢嚟「要脅住」佢先.
長遠嚟講, 囡囡係會學咗用番同 ...

"咁佢有冇用讚呢？唔係得先讚喎！" - 唔係好明，即係幾時讚同點樣讚呀?

私人傳訊

jj032008