吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 考慮緊生唔生第二胎

夫婦情感今日: 9|主題: 42454

收藏本版

發帖

返回列表

跳至頁

查看: 41152 | 回覆: 40

考慮緊生唔生第二胎

[複製鏈接]

12 3

AAV

男爵府

積分: 5391

1^#

發表於 18-7-12 13:45 |顯示全部帖子 |倒序瀏覽 |打印

本帖最後由 AAV 於 18-7-12 13:47 編輯

雖然唔係好關「夫妻關係」事，但都算「家庭關係」吧，借呢到問下各位意見。本人33歲，已經有一個2歲半女，最近諗緊生唔生多個。想生原因：1）鍾意湊小朋友，我女出世時我有少少未準備好心態，自覺錯過左好多美好時光，想再湊多次。（雖然生多個都可能有情緒影響都係enjoy唔到。）2）覺得有手足一起成長係幸福事（雖然都唔保證他們會相處得好。）我自問呢兩個想生原因都好薄弱。而唔想生既原因：1）經濟壓力：我地兩公婆而家搵4萬頭，老公之後會有人工加，會多而家$10000左右。有層樓供緊$15000左右。而家無請工人，如果生多個一定要請。呢幾年都會幾大壓力。亦覺得會影響到將來培育小朋友資源，會由1個緊緊地變成2個都無得培育。2）屋企唔夠住：屋企2房，一大一細，細房得6尺x7尺，如兩小朋友加工人太迫，要搬大少少，但邊有錢搬呢？3）老公唔叻湊小朋友：老公有幫手，但唔太叻唔放心佢湊，一個小朋友已影響到我地關係，唔知2個會點。（雖然有工人的話應該會解決一部分家務、湊小朋友壓力）。4）唔知點湊2個小朋友，怕第二個難湊。亞女好好湊
。
都就33歲，要生就要快，大家可俾意見我嗎，想了一排仍未想通。我所考慮的都正常正確嗎？多謝大家。

0 0 0

私人傳訊

AAV

男爵府

積分: 5391

2^#

發表於 18-7-12 18:03 |顯示全部帖子

Nancy20090615 發表於 18-7-12 14:36
錢咁緊, 你老公大過你? 都開始要諗退休儲備. 不如優質培育个女算, 否則, (當你生多个) 佢兩个大左你地用 ...

係，原本我心只想生一個，可以優質培育集中資源。亦都覺得生多個好似就剝奪左亞女既資源。我都唔相信他日退左休，2個小朋友會比1個小朋友既負擔輕。因為原本我養一個會有錢淨留俾自己洗。生多個無曬錢反而要仔女養，佢地負擔仲重。連屋都分兩份分唔掂。

私人傳訊

AAV

男爵府

積分: 5391

3^#

發表於 18-7-12 18:12 |顯示全部帖子

ncp 發表於 18-7-12 14:59
唔生，因為遲d個女大勁多洗費。依家d幼稚園好少少都4仟幾以上，要重點栽培。雖則話貴有貴養，平有平養但兩 ...

係呀，我女而家間N成$5000幾，第二個都咁貴就真係負擔好重。將來雖然都有心儀津小，但都唔一定入到，都要諗下直資（私小都唔敢諗喇）。如果生兩個就咩都唔洗諗，一齊學卷加津小。唔係話學卷津小唔好，只係覺得要改亞女計劃會對亞女唔公平。貴養平養真係好唔同。但而家行緊貴養，從來儉入奢易，奢入儉難。

私人傳訊

AAV

男爵府

積分: 5391

4^#

發表於 18-7-12 18:17 |顯示全部帖子

stella^^ 發表於 18-7-12 16:52
比我就吾會再生點解有自吾在？裸苦來辛一個易安排、錢銀又鬆動啲何況屋又細又巴閉！除非想生仔一個好字啦 ...

唔想生仔，覺得唔識教男仔，夫家福建人唔想生個仔會好似賴巴閉俾人拎去演野又拜祖先又跟族譜咁。而且屋企兩房兩女比較易處理（雖然生仔生女生唔生到都無辦法控制）

私人傳訊

AAV

男爵府

積分: 5391

5^#

發表於 18-7-12 18:25 |顯示全部帖子

咁其實我都想聽下，獨仔獨女既心聲，會唔會覺得好寂寞？會唔會覺得大壓力？會唔會好享受是獨仔獨女？有無人唔生好後悔？

私人傳訊

AAV

男爵府

積分: 5391

6^#

發表於 18-7-12 18:31 |顯示全部帖子

gilgil39 發表於 18-7-12 18:07
我生咗兩個，幾後悔，當初只係諗佢哋有個伴，將來冇咁慘！但係而家係我慘！我大的勁難湊，第二個出世老公唔 ...

唉，無老公支持真係好可憐，咩都女人（亞媽）揹起曬。可能你第日見到兩個相親相愛會覺得自己選擇正確呢。小朋友而家幾大呀？兩個係咪好難搞。

私人傳訊

AAV

男爵府

積分: 5391

7^#

發表於 18-7-12 19:09 |顯示全部帖子

QY08040408 發表於 18-7-12 18:47
你老公咩意見？最緊要兩公婆有共識呀

我老公想要兩個，但都同意經濟係緊既，所以佢都無話俾壓力我。

私人傳訊

AAV

男爵府

積分: 5391

8^#

發表於 18-7-12 21:55 |顯示全部帖子

KILW 發表於 18-7-12 18:54
我自己嘅想法係生2個今日辛苦嘅係你同老公，生1個將來辛苦嘅係你個女。
今日你2個大人養2大1細，將來係你個 ...

情感上，手足可能會有一點支持。但我好懷疑係咪「生2個今日辛苦既係大人，生一個將來辛苦既係我女」。因為呢，我地理想係老左自己養自己，盡量安排好財政，唔希望女長大需要養我地，當然都需要佢酌量俾少少付少少責任。我地粗略計過，如生一個，退休後攞到既野應該都夠我地慳慳地洗。生一個就可能比較多資源去栽培佢，留俾佢既又可以多d. 但如生兩個，即係而家要用多左錢，咁積蓄都應該好有限，儲唔到錢，咁佢地咪反而要養我地？所以係生兩個係有機會比生一個更令子女將來負擔重。加上得一層樓，層樓仲要對分，咁一定係一個著數過兩個啦。

私人傳訊

AAV

男爵府

積分: 5391

9^#

發表於 18-7-13 07:35 |顯示全部帖子

KILW 發表於 18-7-12 22:08
其實唔只講財政呀，當見到身邊有朋友A老公cancer，而佢媽媽長期病經常要覆診，但仲有個讀小學嘅女要湊，另 ...

係既，我再諗下，但真係諗唔通。

私人傳訊

AAV

男爵府

積分: 5391

10^#

發表於 18-7-13 07:55 |顯示全部帖子

SVbaby 發表於 18-7-13 03:22
最主要老公同自己點睇。如果老公好想，咁大家就配合丶分工，要佢明白兩個小朋友就算有工人佢唔可能唔幫手。 ...

老公唔敢成日講出口話好想，但知佢心底想。男人真係比較隨心隨緣，唔會好似我咁諗東諗西。家務、分工，我就算今日同佢傾要點分點分，我都唔會信佢自動自覺會做到，佢而家算叫時都肯做，有工人就更加覺得唔洗做。亞女初生時，佢覺得我好似當佢工人咁洗，叫佢做呢樣果樣，其實佢係負責做跑腿買野、洗奶樽等，我就主要負責埋身照顧，當時仲要已經搬左去我媽到住有我媽幫手同包辦左所有家務，但我地兩公婆當時關係好差。而家亞女大左叫好返好多。有時都會諗：有工人幫手係咪就會解決因繁瑣家務引起既磨擦？致於手足分擔照顧父母擔子，我真係要認真再諗諗。

私人傳訊

AAV