0-6個月

收藏本版
發帖
返回列表
跳至頁

首頁
1

尾頁
   3
之緣


子爵府

積分: 10507


1#
發表於 17-12-11 15:53 |顯示全部帖子
我BB五個月大，我坐月後返工就交比嫲嫲湊，嫲嫲係日頭上來我地屋企(15分鐘步行過來)，之前坐月時，佢日日上來幫。一路我都不贊成BB抱住瞓覺，或者一喊即抱起，因為咁樣好痴身，而我未生之前奶奶講左起碼10次話唔好抱咁多。
點知，我返工後，基本上佢有3/4時間抱住佢行來行去，抱住佢瞓，結果個仔就愈來愈痴身，我放工5點半左右回家，至到夜晚唔放得低，同老公輪流抱，有時食飯要分頭尾圍用膳。

我暗示過，奶奶死唔認，但我媽媽下午回去探孫和幫我買餸，佢話奶奶係抱到好誇張，仲要自私到如果佢自己去廁所放低孫都唔比我媽媽抱，去完廁所自己抱返。咁我唔出聲免得佢話媽媽打佢報告。其實媽咪講我都知，日日返到去都係抱住瞓。

星期日，基本上BB一起身，我地唔會得閒，因為要抱住行，仲要係坐住手臂咁抱，我地唔咁抱BB就喊 (居然試過奶奶話我地無人識抱BB，因為BB要坐住手臂咁抱)。情況似乎愈來愈嚴重。

昨天星期日，我地尤得BB喊，佢喊左15分鐘，真係大喊果種，一抱就唔喊，坐低都唔得，要坐手臂行住抱。我地TIME OUT佢在BB床仔，佢之後瞓左2個鐘，其間醒過我抱住(唔係坐手臂咁抱)10分鐘又瞓。

我唔知點好，BB好細，想人抱一定，但我唔想習慣左，因為晚上我和老公試過IGNORE佢10分鐘2天，之後宜家準時10點在床仔瞓天光，間中醒一醒。但6點至10點，仍然咁，我盡量同佢玩下，佢就笑，但唔肯自己聽兒歌，我有時覺得好辛苦。

我知好衰，我內心係怪我奶奶，佢咁搞，明知係唔WORK但為滿足自己抱，試過BB自己玩，佢見佢玩到手仔郁郁下，竟話:一定要嫲嫲抱，之後抱起。

宜家基本上每日下午抱住瞓3小時，佢又唔係真係抱(因為累)，只用隻手臂托頭，身體在佢大脾，佢話咁等於瞓床仔，手臂係枕頭大脾係床，我媽咪出過聲話咁不如瞓床佢唔出聲。我講明要抱唔該真係正經抱，唔好咁，因為對佢脊柱唔好，如果無力咁抱3個鐘就瞓床，又係死唔聽。

唔知點算好...我深日後一定會追飯餵...
私人傳訊

之緣


子爵府

積分: 10507


2#
發表於 17-12-11 16:42 |顯示全部帖子
回覆 RubyYu07 的帖子

我講過對脊柱唔好，佢唔出聲...


所以佢係錫孫，但唔識湊，淨識抱，抱住行來行去飲奶...死未?

我唔知佢係扮聽唔到對脊柱唔好定覺得無問題，暫時只滿足自己要抱GE慾望，話知個孫脊柱有問題，定唔信...

仲成日問個5個月大孫:嫲嫲咁辛苦，第日你比嫲嫲食骨定食肉...
私人傳訊

之緣


子爵府

積分: 10507


3#
發表於 18-1-1 16:26 |顯示全部帖子
pigpiglamlam 發表於 18-1-1 02:00
你要返工其實冇辦法，一係搵第2個凑。bb識行嗰陣99就冇得咁抱啦我抱我仔一陣都手攰，唔信你99臂力好 ...

佢宜家都有d頂唔順
私人傳訊

之緣


子爵府

積分: 10507


4#
發表於 18-1-5 14:28 |顯示全部帖子
本帖最後由 之緣 於 18-1-5 14:29 編輯

回覆 NP128 的帖子

其實係架...佢成日覺得淨佢先識湊，佢幫到食瞓疴呢3樣，其他真係零知識基礎。
不過我開始同情佢，因為佢宜家咁努力都可能是一搏第日可以靠孫，成日問我個當時3個月大的BB第日比肉定骨佢食呀、又話宜家辛苦第日BB要比錢佢買花膠呀、又話最緊要有錢養埋佢等等...證明佢無安全感 ! 佢三個仔女，我老公對佢算最好，但佢應該驚老公錫晒我，唔理佢。

所以佢好自私，我返左工唔比我媽咪抱個BB，只比我老爺叔仔抱，我媽咪同我講返唔開心。呢樣我最嬲，我不在家時，我爸爸媽媽或者細佬去我家探BB佢都唔比佢地抱，自己抱實，去廁所放BB床，去完再抱。佢咁做其實係唔想BB識我果邊人，覺得係內孫。我媽咪個人好客氣，唔會主動出聲。最近我暗示BB開始大要比返婆婆抱下，佢直頭在我地返工時，帶佢返佢自己家等媽咪唔可以來我家見下BB。呢樣真係好自私 ! 於是我就話好，咁我放工帶BB返家探婆婆，佢即刻唔出聲 ! (其實唔LIKE)
真係太太太自私 ! 不過我無同老公講，其實佢呀媽思想好唔要得，邊可能咁自私，個BB係人地個女好辛苦生出黎 ! 而我老公就OK，會好尊重我媽咪，又會教BB同婆婆玩、同舅父仔玩下，我真心APPRECIATE我老公，所以更加唔同老公講。


我遲D會自己湊，唔洗佢幫，唔比佢抱，佢就知我媽咪果個感受幾唔好。

不過，我同媽咪講，唔好爭，湊B一D都唔輕鬆，亦無多勞多得(BB唔會記得一歲前的事可能宜家痴佢，但好多客同我講，BB一返學就鐘意痴返爸爸媽媽甚至婆婆果邊，反宜唔痴照顧者)，佢輕輕鬆鬆同BB玩下，可能BB仲喜歡佢。而且我兩個細佬好錫BB，遲D大大下我相信BB都會好鍾意婆婆果邊。

如果佢唔係咁自私，我都唔會有咁暗黑的想法 !













私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見