其他親子社群

收藏本版
發帖
返回列表
跳至頁

首頁
23456

尾頁
   0
Blythemia


大宅

積分: 4462


101#
發表於 08-9-27 19:03 |顯示全部帖子
我覺得傳統學校岩個d規行矩步既學生.上堂唔傾偈,唔會挑戰權威,成績好既學生,會得到老師欣賞.相反,無論你幾聰敏,若然冒犯到權威,就會成為老師眼中既問題學生,佢跟住既日子會比較難過.我講緊既係極端既例子.有朋友個女讀某傳統名校,因小事令老師唔高興,朋友打個電話問下詳情,老師都唔係好客氣......當然唔係個個老師都會咁,不過一般來講,傳統學校既老師平均來講年紀相對較大,教學年資長,作風亦相對保守.你同新概念學校比較下,就立竿見影.後者輸經驗,不過就贏衝勁,相對開明一D..

悠悠係一個順從權威既小朋友,佢唔一定同意老師既意見或睇法,但係唔會用行動或語言表現出來.亦會喜歡同人衝突(佢係一個好典型既九號仔),所以佢接受到傳統教學既模式.

我都唔贊成落手落腳同小朋友做功課,雖然我唔做到百分百唔理佢d,不過都叫做有九成放手.如果叫你唔睇唔理,你係咪忍得.我驚你一邊做一邊想鬧,但係又可以o係個女面對講學校既不是,會相當痛苦.

至於你話係咪升左上小學就冇時間做其他野.我又覺得睇人.如果本身自律,時間管理得好.又唔一定話乜都要捨棄.君不見年年會考狀元都係三頭六臂,文武雙全,動靜皆能?當然,呢點要視乎學校既功課量.你唔返工,對mi來講,已經比其他夜晚八九點至見到媽咪既小朋友好上百倍.

少少題外話,最近發近有個相識多年既朋友做人好有問題,為左自己利益(都未必係好明顯既著數,)唔講事實,多次講大話,陷人於不義.佢本身係叻女,又係我地一班人之中唯一一個係本地最top名校畢業.但係咁aggressive,將名利睇得比誠信重好多,令人心寒.我比較老套,篤信品學兼優,係以品先行,成績成就唔應該凌駕人既操守.

其實我提出呢一點,係想話,講競爭既學校,如果要樣樣要贏人至算係叻,好容易令人迷失善良本性.到頭來,即使有名有利,仍然唔係一個完全既人.


(長氣得滯,下一格再續.....)
私人傳訊

Blythemia


大宅

積分: 4462


102#
發表於 08-9-27 19:06 |顯示全部帖子
你有冇諗過悠悠中學集團既小學?口碑似乎相當好,係校舍較舊.我琴晚去家長會,雖然中學同小學會有唔同,但係大方向一致.坦白講我相當impressed.如果自己個女肯出力用心去做,依循學校既方向,我會好放心佢將來可以安然立足於呢個世界..

凡事冇完美,只可盡量平衡.為小mi揀學校,你要問自己 : 讀書所為何事?乜野係最緊要?當魚與熊掌不可兼得既時候,你只能取最重要既野.

[ 本文章最後由 Blythemia 於 08-9-28 10:44 編輯 ]
私人傳訊

Blythemia


大宅

積分: 4462


103#
發表於 08-9-28 10:51 |顯示全部帖子
原文章由 balltsang 於 08-9-28 00:08 發表
mia
你既回應好發人深省，我一看再看，反思自己ops:" />


講下波仔小一生活(無人想知都要講下)
暫時來講我過去一年既堅持係正確的....

人家問波仔返學點呀?佢會答「開心到爆炸」
星期五晚就期待快d星期一
三號波 ...


鄧你開心呢!冇咩好得過小朋友鍾意返學.對家長來講,亦冇野開心得過自己冇揀錯.你會唔會都諗下過來同我人做街坊唧?

我都有問悠悠,開學咁耐覺得點.佢話OK啦.(家陣D青少年好貧乏,咩都係OK啦),一班16人,男女同學人數平均,D女仔都好玩得埋.功課算少,不過唔易做架,因為要用腦諗.以前只要勤力就可以應付(雖然勤力冇佢份),而家真係可以訓練下個腦.

[ 本文章最後由 Blythemia 於 08-9-28 10:52 編輯 ]
私人傳訊

Blythemia


大宅

積分: 4462


104#
發表於 08-9-30 09:10 |顯示全部帖子
原文章由 小米米 於 08-9-29 23:30 發表
ops:" />
唉, 打左一大段, 不知怎的, 一下子唔見晒

咩呀,
我同米生好多謝你的意見。
其實, 我們兩老真的很怕學校會覺得我們的女兒是問題兒童ops:" />
哪有更多老師會細細了解不同學生的需要?
我們的家庭教育 ...


我都成日打一大段然後唔知點到邊個甪掣就唔見左,所以有時會去word打完至貼上來.

九型我唔係特登去睇親子關係,而且想多了解自己同身邊既人,雖然唔係話有咩具體幫助,但係知多d都係好,其實我同悠悠骨子裏都係九仔,不過表現出來我好勤力佢好散漫,幾有趣架.佢中哂所有九仔既特點,人緣好,唔鍾意衝突,有得坐唔會企,有得瞓唔會坐.內心平靜自得.漫散而冇動力.所以我好清楚佢係冇競爭好勝既心,一定要去個d唔係你死我活既學校.

小mi好抵鍚 .天性純良,而且好家教.

平心而論,你地唔係普通家長,小mi亦唔係普通小朋友 (冇褒貶意思,只係少有既意思),傳統學校未必符合到你地既要求.香港教育制度好多荒謬唔合理之處,存在係傳統學校裏面.若然你選擇傳統學校,要有心理準備,要有好大包容.

波:
我重以為d租金跌左添.可能我由好遠搬到好近,覺得真係慳左好多時間.

[ 本文章最後由 Blythemia 於 08-9-30 09:15 編輯 ]

私人傳訊

Blythemia


大宅

積分: 4462


105#
發表於 08-10-13 00:40 |顯示全部帖子
原文章由 小米米 於 08-10-12 21:30 發表
應承左mimi,如果佢努力做好面試, 就帶佢睇……武俠梁祝

mi細細聲 : 媽媽, Sa 姐姐扮男孩子
米媽媽: 係呀

等到悶場……
mimi : 媽媽, 大師兄無理由唔知Sa 姐姐扮男孩子
米媽媽:……
mimi: Sa 姐姐 搽 ...


面試係咪暫告一段落?你倆既心頭好係咪一樣?

一語中的,幾歲小朋友都觀察到,導演冇理由認為觀眾會信服.
佢感動就已經係一個得著.岩唔岩小朋友睇已經唔重要.
其實梁祝協奏曲除左最後化蝶o個段好優美之外,前面同窗共讀個段都好輕快悅耳.
私人傳訊

Blythemia


大宅

積分: 4462


106#
發表於 08-10-16 13:58 |顯示全部帖子
原文章由 小米米 於 08-10-16 00:41 發表

咩呀

mi佢好喜歡聽梁祝協奏曲, 以前給她聽過都未有咁上心, 依家佢成日哼著首曲, 仲自動自覺走去練小提琴, 佢話要快d 學識拉首歌

面試, 係走入中段o乍

睇完套梁祝, 佢滿腦子問題, 問如果大師兄唔知 ...


佢咁佳咁勤力,好快就會學識:lol:
咩生好似有譜,要唔俾小mi拉兩句?

佢面試對答得好好丫.有小孩子既真率,又有獨特既個性,高尚既品味,重好可愛抵錫添.如果唔收都只係對方冇眼光,唔識貨,同小mi無關.
私人傳訊

Blythemia


大宅

積分: 4462


107#
發表於 08-10-21 08:55 |顯示全部帖子
原文章由 Dau 於 08-10-21 08:51 發表
mimi,你好可愛呀,豆ee愛屎你!
米你京唔京第日有好多男孩子圍住mimi?:lol

講個低俗屎尿屁笑話比大家聽:

在商場內哥哥跟著我上厠所........
哥哥好興奮地拍著手又跳又叫 : 嘩嘩嘩!!!媽媽all屎，好嘢好嘢!!!
( ...


HAHAHAHA
私人傳訊

Blythemia


大宅

積分: 4462


108#
發表於 09-4-3 21:42 |顯示全部帖子
hello ))))))))
仁仁都幾好嗎?
私人傳訊

Blythemia


大宅

積分: 4462


109#
發表於 09-4-8 23:36 |顯示全部帖子
原帖由 Dau 於 09-4-8 09:07 發表
各仁好

呢幾日心情非常差,豆生的表弟,半年前發現有心臟病,之後經常出入醫院,穿梭於深切治療部!

情況時好時壞,一星期前又病發,今次好可能要換心!:cry:

她是阿姨的獨子,在我和豆生認識那年出生,今年才14歲! ...


咁大個至發現,真係晴天霹靂.唔知點安慰你好.叫你唔好擔心咁多,講就易做就難.唯有寄望事情向好個方面發展.
私人傳訊

Blythemia


大宅

積分: 4462


110#
發表於 09-8-4 13:55 |顯示全部帖子
原帖由 小米米 於 09-7-6 18:39 發表
停課, 我真係人都癲


大家點呀?小mi係咪已經一年級?momo應該返學喇呵?
悠悠升中二喇,係咪覺得時間過得好快呢?佢都讀得好開心,算係冇乜壓力.亦識到好多老友記.

佢差唔多有我咁高/咁矮.都有好少女feel.不過性格依然冇變,行為差唔多,重係要攬下我至瞓覺,係然係要攬住pooh pooh,只係間唔中話自己低,同埋開始受友誼之類既問題困擾.

唔知幾時杏仁屋會變番以前咁熱鬧呢?
私人傳訊


首頁
23456

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見