Baby Kingdom - 親子王國 香港 討論區 › 首頁 › 心聲留言› .......

心聲留言

收藏本版
發帖
返回列表
跳至頁

首頁
1

尾頁
   3
beebee67890


男爵府

積分: 9622


1#
發表於 18-6-1 10:37 |顯示全部帖子
本帖最後由 beebee67890 於 20-8-20 17:18 編輯

樓主你朋友多唔多，舊同學多唔多來往的？我屋企五兄弟姊妹，其中有一個妹，脾氣好差，小氣計較，好多野都容易睇唔順眼，於是好容易同人爭執同發脾氣，以前都仲有一齊出嚟食嘢，但食完之後好多時佢都會有不滿，於是就搵其他兄弟姊妹呻同埋鬧，食餐飯搞到是非多多，所以後尾大家都怕怕，唔係話嬲佢，但人大左有時出嚟只係想開開心心風花雪月，有個成日發脾氣又咁多野睇唔過眼，連食飯都變成負擔，漸漸就冇人想再同佢食，而家約食飯，都冇通知佢冇俾佢知的，同埋其實佢唔係淨係同屋企人疏離，朋友同舊同學，佢都好容易睇唔順眼，所以而家都40幾歲，冇乜人來往的，我唔係話樓主你一定有問題，但如果一個人唔鍾意你唔出奇，但個個都唔鍾意你，真係有需要諗一諗會唔會有啲咩問題，或者係平時出嚟嘅時候你係金錢分擔方面唔係咁好？要人就你多？定還是講嘢方面有啲嘢令人難受等等，例如尖酸、招積、挑釁、挑剔⋯⋯諸如此類？我個妹見人哋講開心野就會搵位挑剔，總之佢係比較少鄧人開心的人，佢自己本身都係一個負面唔開心嘅人，咁你話呢啲人點樣帶快樂俾人，我個妹到而家都覺得自己冇問題的，佢覺得係其他人唔好唔啱，佢到而家都冇諗過點解屋企人同朋友同學全部都相處唔到，個個都唔鍾意佢，諗一諗會唔會有啲咩問題，或者搵你傾得埋嗰個問一問佢，其他人其實有咩不滿，做兄弟姊妹有今生無來世，有時啲嘢唔使太計較，開心見誠傾傾，自己又改一改，睇下會唔會有改善，退一步做啲野睇睇或者自己都真係有唔啱，我個妹個人好固執我係比較同佢傾得埋嗰個，我都勸過佢，但佢都係堅持自己，所以相信唔會有咩改變
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見