吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 將軍澳邊幾間幼稚園較為好呢？

香港18區媽媽會今日: 0|主題: 156882

收藏本版

發帖

返回列表

跳至頁

查看: 34860 | 回覆: 6

[西貢區] 將軍澳邊幾間幼稚園較為好呢？ [複製鏈接]

Kitcwy

大宅

積分: 3264

1^#

發表於 14-8-6 01:03 |顯示全部帖子

宣道會欣怡真係幾好，可惜佢面試要小朋友一個入去對住兩個MISS，個仔個日有D驚，IN得唔太好所以無收。
坑口厚德間宣道會將軍澳幼稚園都幾好呀，收左我個仔。
另外坑口間方黃煥娣
調景嶺的樂道幼稚園
聽人講都幾好的！

點評

Strawberry_2011 多謝你

發表於 14-8-12 22:57

私人傳訊

Kitcwy

大宅

積分: 3264

2^#

發表於 14-9-6 17:54 |顯示全部帖子

我覺得其實讀唔讀N，分別不大，最重要係小朋友係咪已經準備好。我個仔今年K1, 佢無讀N，返左一星期學佢好OK，亦都無喊過同埋話唔想返學。因為佢係大仔，佢開始返學已經三歲半有多，佢同我分開幾個鐘完全無問題，因為佢已經OK獨立，有時我都擺低佢俾家人湊，返學自己去廁所，答老師問題佢都好主動。反而同一班有個細B男仔，勁喊，返左個幾星期日日都喊話要媽咪。讀N班只係將個問題提早解決，有時如果小朋友仲咁細未完全READY就迫佢返學，佢地會更加唔鍾意返學。
如果屋企無人湊就無辦法啦，唯有讀N。

私人傳訊

Kitcwy

大宅

積分: 3264

3^#

發表於 14-9-15 15:41 |顯示全部帖子

本帖最後由 Kitcwy 於 14-9-15 15:43 編輯

回覆 Strawberry_2011 的帖子

我仔仔開左學個幾星期啦，係厚德裕明苑既宣道會幼稚園，仔仔好鍾意返學呀。我覺得課程內容無壓力，佢第一個星期只係學個A字同埋學幾個A字頭既字母，功課都有既，只係貼下貼紙，畫畫，填顏色等，五分鐘搞掂，我覺得好好呀，佢話返學好開心，間學校係比較細間，但係我仔好鐘意，佢話太大間佢好驚（竟然係咁！）佢好鍾意佢既班主任！D老師同姐姐好有愛心。希望你既小朋友都入到間佢鍾意既學校啦！

私人傳訊

Kitcwy

大宅

積分: 3264

4^#

發表於 14-9-25 08:48 |顯示全部帖子

本帖最後由 Kitcwy 於 14-9-25 08:54 編輯

回覆 babyhk 的帖子

我舊年面試係一個人入去啊，我仔又係驚，老師見佢驚就IN左第二個先，俾佢係出面再玩下熱下身先，佢之後勉強肯入去，佢話老師問佢咩佢都答到，不過佢都係驚驚地。最後無收佢啊！不過我見有D真係唔肯一個人入去既，最後都俾家長一齊入去。同埋要填一份好長的家長問卷，我估佢係揀認同佢地教學理念既家長。舊年都有四百幾個小朋友IN呀，勁多人！我有朋友個仔入面讀，佢話老師好有愛心，間學校好好，但係個媽媽就嫌學校教既課程太淺，呢間有學劵之後就唔再另收學費，所以佢話將本來既學費俾個仔去補習喎，驚佢小一唔適應。我我自己就覺得唔需要，依家不斷將將來要學既野提早晒話俾佢地好好適應，我覺得小朋友會好辛苦，佢個仔都識同佢媽媽講，你做咩要我學咁多野。三歲幾人仔已經識咁講，你話灰唔灰！我個仔依家入左個間宣道會將軍澳幼稚園，佢面試模式我覺得好D，佢係GROUP埋一班小朋友一齊入去既，會入三間房，首先係三四個小朋友對一位外藉老師，第二間房就係一班人入去玩玩具，第三間房就係畫畫，全程家長都睇到佢，但係就唔可以坐係佢身邊，係晒門口度睇住，老師就係旁邊觀察佢地既反應同行為，我見我個仔玩具時同個老師係咁講野，之後我望到老師記低左佢個名，咁就收左了。我覺得呢個模式小朋友無咁驚。我只係幫個仔報左呢兩間，我覺得如果成日面試真係IN到佢都忟，大家都辛苦，入唔入到都算，大不了開左學睇下邊間仲有位再插班。希望幫到你啦！

私人傳訊

Kitcwy

大宅

積分: 3264

5^#

發表於 14-9-28 16:00 |顯示全部帖子

回覆 jm.baby 的帖子

我上佢個網，佢已經接受申請啦，你上網DL份FORM就拎去交啦！你打宣道會將軍澳幼稚園就得架啦！

私人傳訊

Kitcwy

大宅

積分: 3264

6^#

發表於 15-12-8 22:00 |顯示全部帖子

回覆 luckybaby2011 的帖子

程度越黎越深呀，FOCUS係學術特別係寫字，佢有NET TEACHER每日半小時上課，個仔依家講英文D音都OK架，普通話老師都教得好，但係多功課LOR，依家K2 平均有四樣，WEEKEND有七至八樣，我個人唔係太鍾意，則重抄寫。同埋D老師成日轉，有些經驗較淺。開頭K1都覺得幾好架，但我自己唔鍾意咁多功課，如果你想程度深佢係啱你的。

私人傳訊

Kitcwy