吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 等了3年，最後都小產，感覺好難受

想生BB 今日: 2|主題: 109092

收藏本版

發帖

返回列表

跳至頁

查看: 2730 | 回覆: 18

等了3年，最後都小產，感覺好難受 [複製鏈接]

shirleykt

別墅

積分: 627

1^#

發表於 15-10-28 16:58 |顯示全部帖子 |倒序瀏覽 |打印

等左3年，又試過食排卵藥，iui 做左3次，結果都係失敗，跟住book 晒機票旅行，諗住差下電等自己心情輕鬆d返黎再接再厲開始我的ivf 之路。點知好好彩，原來iui 之後個月自然中左，開心到取消晒d機票，諗住好好安胎。記得7週的時候都仲未照到個胎同心跳，一直都好擔心，終於等左差唔多兩星期，喺結婚週年紀念日果日產檢，第一次見到bb 心跳，當時仲覺得呢份就係我地結婚6年來最好的禮物。諗都無諗過一星期後突然流啡，記得果日係星期六黃昏，診所都已經就放工，所以唯有bed rest，諗住抖一晚應該會無嘢，點知第2日都係流，星期日診所又唔開，最後去左急症室，醫生話要同我做超聲波檢查要我放晒d尿先，一去洗手間見到一灘血已心知不妙，開始d眼淚不停流，停唔到，入到房時醫生一照話個胎無長大過，見唔到bb 心跳，之後話要即時入院觀察，再上到病房一輪的檢查等待，又鴨咀鉗，又醫生的一輪問症，再照都係見唔到心跳，醫生話第二日會再搵個高級醫生黎確定係咪小產，成個過程就只有好驚同擔心。其實當時心諗應該再照都係無，但果晚依然心有盼望，成晚不斷摸住個肚同bb 傾計叫佢加油，結果到第二日再照醫生都係話無心跳，佢仲叫我一齊望確定下，我望住個mon，只見到bb 的頭同身，再見唔到閃閃，當時個腦一片空白，佢講之後要手術定點我完全聽唔入耳，再出來打電話比老公完全哭到崩潰了。醫生建議藥流或做吸宮，但因為bb 已有7.5週，藥流有機會流唔清，所以最後都係要做吸宮。

做完手術到而家喺屋企休息左兩個多星期，一直都唔敢比自己大喊，好驚傷身體，中間忍唔住喊左3次，但都喊敢比自己喊太耐。不停搵朋友呻，因為真係好想搵人抒發心裡面的難過，唔想屈喺心，驚屈到病。有兩個仲走左上來屋企探我，兩個都已經係媽媽，一個已有一女同一對孖仔，一個已有一仔同懷孕中而預產期只係同我差一個月，兩個上到來都同我講話湊仔有幾辛苦話到你有就唔會想要，想塞返佢落肚，不停傾湊仔經，其實我已經咁難受，可唔可以唔好用呢d 方法去安慰我呢？其餘的朋友大至都係話你仲後生，調理好身體再黎過囉，其實我想講我今年已經32，我之前等左3年一直都無，比我最後自然成功有左又攪成咁，究竟我仲有幾多個3年？另外有個朋友就話，你因為呢件事成日都崩潰唔開心，再係咁無人想理你，我想話我都好想快快平復心情走出陰霾，我日日都問自己我點先可以快d 忘記，但而家講緊係死左一個人仔，我有乜可能咁快會無事？

我明白朋友都係想安慰我，唔想見到我咁。但我此時此刻真係覺得好難過好擔心，有無人明白我？除左難過已經失去bb，又擔心今次吸宮手術會影響下一次，因為本身已經等左咁耐咁難先有，就算再有又會有陰影....

0 0 0

私人傳訊

shirleykt

別墅

積分: 627

2^#

發表於 15-10-28 18:57 |顯示全部帖子

引用：+本帖最後由+la_source+於+15-10-28+17:06+

原帖由 la_source 於 15-10-28 發表
本帖最後由 la_source 於 15-10-28 17:06 編輯

JM

多謝你的鼓勵

點評

la_source

發表於 15-10-28 19:47

私人傳訊

shirleykt

別墅

積分: 627

3^#

發表於 15-10-28 19:03 |顯示全部帖子

引用：唔好一路鑽入牛角尖，要積極D，令自己身心

原帖由 Bobook 於 15-10-28 發表
唔好一路鑽入牛角尖，要積極D，令自己身心都強壯D。你等咗3年，我係你既double時間。我明白到bingo果刻有幾 ...

多謝你的勉勵。其實我明白大家講的嘢，不過最令我感到難過係原本無諗過有，無啦啦又咁好彩有，再由最開心的高峰跌落谷底，一時間好難接受，但我知道我唔可以再咁落去，因為會令身邊愛我的人好難受

私人傳訊

shirleykt

別墅

積分: 627

4^#

發表於 15-10-28 19:04 |顯示全部帖子

引用：加油，待心情好返時再努力 +

原帖由 catcat2056 於 15-10-28 發表
加油，待心情好返時再努力

多謝你的鼓勵

私人傳訊

shirleykt

別墅

積分: 627

5^#

發表於 15-10-28 19:09 |顯示全部帖子

引用：傷心、喊係正常的！但唔好卑自己傷心太耐！

原帖由 Haomommy 於 15-10-28 發表
傷心、喊係正常的！但唔好卑自己傷心太耐！起碼你都可以自然懷孕！由細到大我都好渴望做媽媽，我 ...

恭喜你呀～祝你同bb健康快樂每一天～多謝你的分享，給我好大鼓勵作用。我經過今次都要勤做運動同改掉自己緊張的性格，我都覺得心態同身體狀況都會有影響。希望我調節好心理同身體後，小天使可以再返到我身邊啦

私人傳訊

shirleykt

別墅

積分: 627

6^#

發表於 15-10-28 19:11 |顯示全部帖子

引用：其他人真係未必會明呢種感受…..特別係可能

原帖由 keepsecret 於 15-10-28 發表
其他人真係未必會明呢種感受…..特別係可能佢地好易就有
我都係等左唔知幾多年都仲未有
JM要加油呀! ...

多謝你的鼓勵，大家一齊努力呀

私人傳訊

shirleykt

別墅

積分: 627

7^#

發表於 15-10-28 19:15 |顯示全部帖子

引用：回覆+shirleykt+的帖子你可以自然懷孕，系

原帖由 bearming 於 15-10-28 發表
回覆 shirleykt 的帖子

你可以自然懷孕，系福氣，或者身體缺乏某d hormone 陀吾搵，而我就連卵子都無，驗 ...

多謝你的鼓勵，給我很大的鼓勵作用。今次小產醫生有檢查到子宮裡面有部分位置供唔到血比bb，我諗緊係咪我血氣不足都有關，而家積極睇緊中醫調理，希望調理好後，3個月後再接再厲

私人傳訊

shirleykt

別墅

積分: 627

8^#

發表於 15-10-29 09:18 |顯示全部帖子

回覆：babypig2017 的帖子

真係好感謝大家的打氣留言，其實今次開呢個post 係想透過文字抒發心裡面難過的感受，因為確實發覺由我想生bb到小產，我同身邊的朋友傾訴，佢地都好似唔太明白我，漸漸地我都唔想講太多，只將事情埋在心裡喺靜下來的時候個千次萬次。我知道最終只有自己可以面對這件事走出來，但呢度的留言確實給了我很大的鼓勵作用，感覺有一班和我經歷相近的人，會懂我多一點，明白我多一點。講晒出來，心裡舒坦很多了，多謝各位JM 的鼓勵。

私人傳訊

shirleykt

別墅

積分: 627

9^#

發表於 15-10-30 12:09 |顯示全部帖子

引用：回覆+shirleykt+的帖子積極的心態就岩啦，

原帖由 bearming 於 15-10-29 發表
回覆 shirleykt 的帖子

積極的心態就岩啦，我聽過一個ivf講座，內膜薄，不均勻係西醫的難題，暫時無解決的 ...

而家有睇緊中醫，EC 話我腰腎唔好，同埋子宮寒，叫我清晒d 惡露後煲鹿尾巴食。花膠就自己有間中煲來食下。

私人傳訊

shirleykt

別墅

積分: 627

10^#

發表於 15-10-30 12:11 |顯示全部帖子

引用：加油加油~~~我可以想像到你的既失落痛苦...

原帖由 dionne96 於 15-10-29 發表
加油加油~~~我可以想像到你的既失落痛苦...但係不過我就連試下既機會都冇... ...

加油呀JM~ 其實我都等左3年幾，今次等到諗都無諗過會緊，有時仲諗從來無得到過都無咁hurt

私人傳訊

shirleykt

別墅

積分: 627

11^#

發表於 15-10-30 12:17 |顯示全部帖子

引用：吸宮唔會影響到下一次懷孕㗎，我上年8日又

原帖由 Christinegigi 於 15-10-29 發表
吸宮唔會影響到下一次懷孕㗎，我上年8日又係無心跳都做咗吸宮，之後睇中醫調理吓，仲等咗80幾日先嚟返經期 ...

我擔心吸宮會令子宮內膜變薄仲難受孕，但睇到咁多JM 分享話小產後都可以好快再受孕，心裡又無再咁擔心。但其實我想問係咪小產後真係唔可以做蹲低的動作？中醫西醫都係咁同我講，話會令子宮下垂，朋友直頭話彎腰都唔得，但其實有時候都好難避免呢d動作。同埋小產後EC 叫我一直都唔好做運動，話會令子宮下垂，但我想等完全康復後做下運動，總覺得有d運動會易d受孕。

私人傳訊

shirleykt

別墅

積分: 627

12^#

發表於 15-10-30 12:25 |顯示全部帖子

引用：我結婚成三年幾先有,+一結婚已plan想有,+結

原帖由 gcwsze1027 於 15-10-29 發表
我結婚成三年幾先有, 一結婚已plan想有, 結果個個cycle 都失望,成日喊. 最後睇埋醫生輸卵管都照埋, 睇埋中 ...

我結婚6年，試左3年幾，開頭又係個個cycle 唔得成日喊，後來已經半放棄心態，諗住去個旅行做ivf，唔得就唔再諗。其間好放縱唔戒口，仲諗住去旅行，bingo 前又尿道炎食左好多藥，諗都無諗過會bingo，又諗都無諗過突然無左。我知道對於我來講32yrs 都仲可以唔洗咁急，但c6 大我7年，成日擔心如果到40yrs 先生得出，c6 都就50yrs