先利申,我係香港嘅大學畢業嘅,見到有一班去外國留學嘅人喺度抹黑我哋香港營養系嘅同學,覺得好醜陋。
首先,香港兩間有食物及營養科學主修嘅大學係冇營養系架。而主修科係叫食物及營養科學。
睇到連登有個post,有班應該係外國留學讀緊營養系嘅人,喺網上面商議集體中傷香港嘅營養師,原來係驚自己返嚟搵唔到工。睇文佢哋應該係外國讀緊dietitian,驚返香港搵唔到工,所以集體中傷香港畢業嘅nutritionist。
如果我冇眼花,開連登 post 嘅樓主講咗自己唔係 dietitian or 外國留學
因為dietitian & nutritionist兩個喺中文都係叫「營養師」
先講講背景,讀緊營養系嘅都會知營養師有兩個主流,一個叫dietitian,專責喺醫院入面醫病嘅,佢哋係要負責喺醫院協助醫生醫人,淨係外國大學有得讀。另一個主流叫nutritionist,香港嘅大學有得讀,佢哋主要係喺社區嗰度幫人做營養諮詢、喺運動界、食品廠工作、或者做研究、營養教育。
不如大家睇睇連登 post 講嗰位某營養中心 Nutritionist 個網講佢地服務範圍包括乜嘢:
呢兩種營養師喺香港法例之下都係無需註冊嘅,但外國就係各自分開註冊,屬不同界別。
因為香港係冇得讀 dietitian,淨係外國先至有。
但你下邊話 HKUSPACE 有得讀喎
於是有錢去外國讀dietitian嘅同學,好鍾意讀完返嚟之後就踩低香港嘅nutritionist,講到佢哋一文不值。說到底,都係為咗爭飯碗。因為dietitian 嘅訓練係集中醫院入面工作,但係醫管局一年一個位都幾乎冇,好多返到嚟之後根本就搵唔到工,但已經使咗百幾萬留學,有少部分就中傷香港嘅畢業生。外國畢業dietitian成日話自己係「註冊營養師」,而香港嘅係冇註冊。
見上文
但講真嗰句,dietitian喺香港法例下亦都冇註冊,點解外國醫生返嚟香港要考一個合格率好低嘅試先可以喺香港醫人,點解外國律師、會計師返嚟香港要考本地試先可以執業,但係外國註冊嘅營養師就可以喺外國讀完直接返嚟香港醫病、開藥呢?
咁你要問下醫管局喇 https://www.hkda.com.hk/index.php?_a=viewDoc&docId=5
呢樣嘢政府一路都冇理到。 外國讀dietitian嘅人成日話自己有註冊,但其實佢只係外國註冊。而所講嘅外國註冊,究竟係外國國家法例之下註冊,定係一個行內人自己成立嘅協會註冊呢? 呢樣嘢亦都冇人問。國家註冊嘅要求一定係好高,而協會註冊呢?
其實除咗澳洲,英美加三國嘅營養師都係國家註冊架。澳洲營養師協會嘅註冊有幾嚴謹其實你有冇睇過?而某程度上,澳洲政府係認同協會註冊架(因國民保健回扣營養服務只限協會註冊營養師)
外國人身體同亞洲人不同,飲食又唔同,點解外國註冊就可以直接喺香港行醫呢?呢樣嘢其實對本地病人好無保障。
你究竟知唔知 dietetics 讀乜架?最簡單有一科係會讀唔同 culture 嘅人食啲乜嘢。再講你以為外國實習時一家淨係見到鬼佬?響澳洲呢個多元文化國家分分鐘見亞洲人多過鬼!
雖然為香港嘅HKU SPACE可以考到外國嘅dietitian註冊,但事實上HKU SPACE個課程一來學費好貴,二來幾年先開一次班,三來,亦都係最重要嘅,就係入得去讀嘅人只係得少部分有得喺醫院實習,因為醫院無足夠實習quota,但HKU SPACE學生就照收。冇得實習,就冇得攞外國註冊。
咁邊啲人有得實習呢? 聽過唔少同學讀完幾年之後先話佢知冇得實習,而有冇得實習唔係靠考試分數決定,而係靠面試決定,根本冇一個客觀嘅標準
呢個係 HKUSPACE 內部問題,關全體 dietitian 乜事? 而請問你係唔係 HKUSPACE 學生? 如果唔係你又知佢冇客觀標準?
上網揾下,「香港營養師協會」(Hong Kong DietitiansAssociation)會長林思為,做咗十幾年都係佢同一個人。「香港營養師協會」係自動認可美國、英國、加拿大、澳洲嘅dietitian成為佢自己學會嘅認可dietitian ,但其實上面幾個國家嘅dietitian學會根本無互相承認對方嘅資歷。
個原因係因為醫管局認嘛
好無奈,香港營養師協會成日揸住營養師協會個名,喺報紙度踩低香港nutritionist,當中不乏歪曲事實,或者選擇性透露對自己有利事實嘅手法
有冇例子係 HKDA 用不實嘅內容抹黑 nutritionists 先?
香港營養師協會亦都認可上面HKU SPACE課程為唯一一個佢哋學會嘅本地認可課程。成日喺報章鼓勵想喺香港做營養師嘅學生入HKU SPACE。
咁本地大學唔開辦嘅,佢真係唯一一個喎。
而佢哋過往多年以嚟嘅副會長馬魯愛儀博士本人,正正就係HKU SPACE營養系嘅高級職員,亦有香港營養師協會嘅dietitian其實喺HKU SPACE嗰度做營養系講師。好明顯令人感覺到有利益輸送成分。
嗱係咪大學職員唔可以係專業學會會員先?咁叫所有大學醫科教授退出香港醫學會啦,如果唔係又利益輸送喇
點解醫管局會用公堂俾一間私校HKU SPACE (HKU SPACE其實係屬於私校,唔同公家大學HKU) 嘅學生去公家醫院實習呢? 呢樣嘢從來都冇人問到。而「香港營養師協會」(Hong Kong Dietitians Association) ,佢哋其實係一家「有限公司」,政府仲要用公堂俾呢間HKU SPACE嘅學生去公家醫院實習,用出緊納稅人人工嘅dietitian去train佢哋。train完佢哋之後,畢業又可以私人執業。
有人答咗喇, HKUSPACE 自負盈虧,個實習位係向 HA 買返嚟架。唔好再話公帑有份資助 SPACE 喇,誹謗嚟架。
究竟我哋納稅人嘅錢去咗邊度?
有錢去外國讀書嘅同學喺大學校入面已經欺凌咗我哋呢啲冇錢去外國讀書嘅同學好耐。佢哋成日話去外國讀有master 所以dietitian係高人一等,但其實外國嘅標準,dietitian根本就唔使master,學士學位就得。但外國讀dietitian嘅人就歪曲事實,講到dietitian好似係nutritionist嘅進階
乜有 HKDA 人講過 Master vs BSc 咩? 你唔係覺得得你一個咁勁知道 dietetics 有 Bachelor degree 下嘛?
而且一直既重點從來都唔係學士碩士嘅分別,係教學內容嘅分別啊!連登 post 講哂本地食物及營養學畢業生學咗啲乜,又講咗 dietetics 學啲乜。比較完之後你仲係覺得 nutritionist 同 dietitians 識嘅嘢不論深度同寬度都一樣多?
呢位朋友,我奉勸你 get your facts right 先好再講 dietitian vs nutritionist 喇