回覆:yunyan 的帖子
我又分享下我讀中學既02事
話說中學時我星期六會返團契的,有一次聚會完我同一位女同學一齊行去洗手間,咁行緊時見到行係我地前面冇幾遠有位弟兄,雖然得背面,但因為好熟一眼就知係邊位弟兄
咁我地行緊既方向,就係女廁到先跟住先男廁,突然間我見到果位弟兄轉入左女廁,我即刻同我隔離位女同學互望一下,大家一齊出聲:xx(果位弟兄名)做咩入女厠?咁即係佢都見到xx一直行我地前面啦,咁我地跟住入去,逐格推開門睇,人影都冇隻,女廁冇後門,咁果位\'弟兄\'去左邊?我和女同學都知咩事,vv都唔去,走番出來,去番聚會的課室(散左會後好多弟兄姊妹會留係到傾下既),一入到去見到果位弟兄係到同其他人傾緊計,我和女同學都知頭先撞到嘢,但大家都唔提當冇事。
樓主講得啱,之後我見親果位弟兄都會驚驚地。
[img align=left]http://img.mms.sohu.com/mms/1420/81/14881/p1.gif[/img]