啱啱去完4日3夜返黎,覺得酒店裝修完好ok,住deluxe family room係細啲但乾淨,最差係無端響警鐘嚇親,好在一場虛驚,聽說係有人喺房食煙引致,但冇職員理。食早餐見酒店分開團體客去另一餐廳,sunset breeze就唔算好迫嘞,但遲過8:30去已要坐樓上,樓上食物唔夠,好惡劣,第二日至改善唔洗爭食,不過都冇咩好食。樂團滑梯超正,bb玩得,大人玩嘅都有,唔多人,唔洗點排隊,樂園餐廳嘢食好味,有唔辣選擇,仲有飯麵類,c6好高興。唔見咗locker key都好快處理,仲冇罰錢算係咁。天氣早上多雲唔太熱好ok,但有日到下午就落大雨,我估朝早天氣好就快啲去玩水。酒店幫手book local taxi要成500b去機場,仲脫腳冇黎到,自己喺門口叫taxi收300b,趕住走惟有益佢。