Hello咁多位靚媽, 好耐冇post野啦. 你地好嗎? 大家都一定好忙, 我呢排公司都好忙呀, 慘.
等我報告一下kara返學的情況先. 佢學校第一個星期返一個鐘, 第二個星期返兩個鐘, 今個星期開始返三個鐘啦. 但出乎我意料之外, kara只係喺第一日喊左5分鐘, 同第二日喊左10分鐘, 之後都冇喊, 真係估佢唔到.
Kara返上午班, 但對我生活冇太大影響, 因為我每朝都要早起返工. 但就星期六, 日想瞓晏少少都唔得, 因kara照常7:30am就要飲支奶同起身玩.
我見佢返呢間學校都好開心. 佢放學就會同工人講話要打比媽咪. 佢同我講話:’媽咪, 我今日返學好開心呀. 我今日唱歌好好聽呀.’ 問佢有冇同小朋友玩, 佢就話:’冇呀, 佢地喊呀’.
依家佢識講多左好多野, 有時同佢傾計都覺得好好笑.
家姐 - 2005年4月21日
細佬 - 2008年7月31日