回覆樓主:
我自己同個女都鍾意整手作嘢,曾經好認真研究計數開網店,我女有同學問價,賣點之一係可以選顏色,由我地設計個款同材料,加錢可以選材料款式,學生同家長肯俾錢,但都唔會好多,計過數只能當賺番成本加極奇微薄嘅人工,賺到玩同製成品嘅滿足感,面交問題還細少少,如果網購郵寄成本高,就算呢d咁細咁輕嘅手作仔,要確保寄到完整無缺,唔爛唔崩的話,包裝絕對唔少工夫,計埋包裝郵寄嘅成本隨時蝕入肉。
你貼嘅式樣圖片睇就靚,真正用家就會覺得有問題,我俾個女睇,佢一睇就話望落就覺得重,d鈎織花款特別,但太長太累贅好難襯,花巧嘅款要襯番衫褲,連打扮都要女性化加花俏,但著得靚靚精緻又未必想戴鈎織嘅耳環花款,所以要了解多d市場至得。
花旗太太生活在花旗國,留意時差,你問我未必即時答到。