想生BB 今日: 3 | 主題: 109086

積分: 1721

1^#

發表於 17-2-12 17:21 |只看該作者 |倒序瀏覽 |打印

今次懷第一胎，12月23日驗到有好開心，點知1月23日有少少粉紅色流出，入左院，24/1醫生話照唔到BB心跳，但見到胎囊同營養水，停在6週1日，但正常係8週，心存希望以為排卵遲左，8/2再照，點知都係無長大，好心痛，醫生話通常係胚胎本身有問題唔健康，9/2入院做塞藥，痛左成日，10點半塞，下午2點幾排出第一舊組織，夜晚8點幾再排多一舊，期間狂流好多血，好辛苦。之後無再排同少左出血，同平時黎M份量差不多。10/2出左院。返到屋企好攰無哂力，好傷心。而家係屋企休息，無洗頭，食清淡，飲魚湯，食雞蛋。想問下有咩要注意？12/2下午2點幾又排出到一小舊組織，想問要幾耐先排清無血再流？係咪要停左血先去照超聲波係咪清哂？醫院要2/3先覆診，我唔想等咁耐，想快D清哂。之後幾耐先可以睇中醫調理？有咩要注意？有無中醫介紹？我想好好搞好身體，下次有B時無咁易小產。

0 0 0

私人傳訊

積分: 146

2^#

發表於 17-2-13 00:01 |只看該作者

Katrina_cmc1104 發表於 17-2-12 17:21
今次懷第一胎，12月23日驗到有好開心，點知1月23日有少少粉紅色流出，入左院，24/1醫生話照唔到BB心跳，但 ...

本帖最後由 WinWin1026 於 17-2-13 00:10 編輯

本帖最後由 WinWin1026 於 17-2-13 00:08 編輯

我同你一樣，不過我係自然流產，我一月二十二小X的……我小x完個日就去左睇中E，現在坐了三星期月子，飲炒米茶加果皮當水飲，之後我第二個星期炒米茶+ 陳皮 + 元肉 + 杞子 + 南棗，落街要戴帽，全身都唔好比風吹到，睇中醫就飲生化湯飲左一星期，用薑水快沖涼，照完排清唒，先補身調理，燉雞汁飲，食花膠，食清淡D,我日日都係蒸有輪嘅魚，蒸雞飯，蒸豬肉，食菜心，菠菜，戒生冷油野，唔好粗勞，盡量休息多D瞓多D，我七號去左照陰超，E生話我月尾應該會M到，佢建議休息三個月先再造人，之前有過E生都喺話黎三次M後就ok……我諗住兩次M就開始leh,專心調理身休，放鬆D，早D瞓好緊要，遲瞓對子宮唔好，我都迫緊自己早D瞓，同老公一切食緊補充品，祝你我好快可以成功la,,,,,

同埋我個個中醫喺近屋企所以先睇佢

私人傳訊

小氣小豬媽

積分: 1041

3^#

發表於 17-2-13 00:06 |只看該作者

Katrina_cmc1104 發表於 17-2-12 17:21
今次懷第一胎，12月23日驗到有好開心，點知1月23日有少少粉紅色流出，入左院，24/1醫生話照唔到BB心跳，但 ...

有冇睇過大圍東叔?
我朋友介紹去 1去到見到好多bb相痴出黎好多成功例子!

私人傳訊

積分: 1721

4^#

發表於 17-2-13 15:37 |只看該作者

回覆 WinWin1026 的帖子

我未開始睇中醫呀。醫生講到叫我唔好睇中醫飲藥，驚大量出血。我諗住一星期後去睇中醫，好驚排唔清。有咩方法可以排清哂D血？我都會等血停哂再補身。而家淨係食菜心，飯，魚湯清清地。但個肚仲痛緊，雖然無入院咁痛，但有痛係咪代表未清哂？睇中醫同佢講話小產左，驚未流清，佢係咪識幫我架啦？好想快D搞完調理身體。希望下次有左唔好再係咁。

私人傳訊

積分: 1721

5^#

發表於 17-2-13 15:38 |只看該作者

回覆小氣小豬媽的帖子

無睇過呀。而家屋企人唔比出街吹風。不過等多幾日會出去睇醫生清一清。

私人傳訊

積分: 1721

6^#

發表於 17-2-13 15:40 |只看該作者

回覆 WinWin1026 的帖子

你自然流，流左幾多組織？一般有幾多流出？我想睇下自己流哂未。

私人傳訊

shanshan827

積分: 2038

認識瑞士牛牛第一回

7^#

發表於 17-2-13 17:06 |只看該作者

我都係自然流產, 1月1號知道有左,1月7有少啡, KEEP住每日有少啡。然後1月14流紅，跟住每日兩塊M巾滿既份量。期間去左3次急症室，3次都只照到胎囊，入面無胎，但醫生話判斷唔到係咪流產，因太細了。
跟住1月16同18去抽血驗HCG, 18號晚話我听指數降左,即係要死心了，第二朝去廁所時FEEL到有兩粒野DUMP一聲跌左出黎，放工去急症再照，已經無胎囊，入院留左一晚，第二朝再照，CONFIRM咩都無晒，排清晒，醫生話診都唔洗覆。
不過佢話一次黎M後可以再試。
我而家暫時未黎M，但我無睇中醫。

私人傳訊

積分: 1721

8^#

發表於 17-2-13 17:17 |只看該作者

回覆 shanshan827 的帖子

你就好啦，可以咁快排清。我排完兩大舊再加昨天一小舊，血仲流緊。不過血量唔多，但個肚仲痛緊。好似M痛咁。好煩。一星期後應該會去睇中醫再清一清。希望快D停血，可以去照照聲波睇下清哂未。安心D。

私人傳訊

kcmming

積分: 431

9^#

發表於 17-2-13 17:30 |只看該作者

回覆樓主:

我上年8月自然流產都無特別調理，只係食d即食燕窩補下…

P.S. 近排d M有啲亂，宜家遲左17日都未黎… 未試過咁耐…會唔會輸卵管塞左？或是突然無排卵？

私人傳訊

積分: 1721

10^#

發表於 17-2-13 17:55 |只看該作者

回覆 kcmming 的帖子

可以睇醫生照下。不過我都試過突然個半月未黎，但果排成日病食好多西藥，又多野做。之後病好壓力無咁大又準返。我而家個肚成日勁M痛咁，對腳軟哂。好煩。好驚未清哂，唔知幾時又大出血同排出野。

私人傳訊

kcmming

積分: 431

11^#

發表於 17-2-13 18:18 |只看該作者

Katrina_cmc1104 發表於 17-2-13 17:55
回覆 kcmming 的帖子

可以睇醫生照下。不過我都試過突然個半月未黎，但果排成日病食好多西藥，又多野做。 ...

講起西藥，我1月的確病過，食過一輪西藥，工作壓力就keep住有。咁好可能我都係因為咁遲左咁多喎

… 咁我再等下先，如過遲左一個月都唔黎先去睇下…不過都唔知到時睇中醫定西醫好喇…

私人傳訊

Jess1998

洋房

積分: 75

12^#

發表於 17-2-14 00:46 |只看該作者

建議妳可即時看中醫調理，如果排清嘅話，應該無m痛嘅感覺，中醫會開藥幫妳排走瘀血，我當時同醫生所講嘅一樣，若一個星期就無流血了，keep 住飲了一個月中藥和沖了一個月薑水涼，戎了生冷寒涼野食，頭一個星期盡量行少啲，免子宮下垂。希望妳可快啲補養好身體再努力呀！

私人傳訊

積分: 146

13^#

發表於 17-2-14 08:40 |只看該作者

Katrina_cmc1104 發表於 17-2-13 15:37
回覆 WinWin1026 的帖子

我未開始睇中醫呀。醫生講到叫我唔好睇中醫飲藥，驚大量出血。我諗住一星期後去睇 ...

本帖最後由 WinWin1026 於 17-2-14 09:01 編輯

飲生化湯就係等佢快D排清子宮D野，唔好飲水要用炒米茶代替，我小x完5日後都有肚痛，問E生因為子宮收縮緊，現在已經變返原本未懷孕個size，同埋千奇唔好踎咁多，唔好做粗重野，我就係忍唔住做，條腰同下盤位都痛，所以盡量瞓多D床，同埋小x完抵抗力差，小心著涼，祝你我好孕！

私人傳訊

積分: 146

14^#

發表於 17-2-14 08:53 |只看該作者

Katrina_cmc1104 發表於 17-2-13 15:40
回覆 WinWin1026 的帖子

你自然流，流左幾多組織？一般有幾多流出？我想睇下自己流哂未。 ...

本帖最後由 WinWin1026 於 17-2-14 09:03 編輯

本帖最後由 WinWin1026 於 17-2-14 08:56 編輯

我係9week小x，我自然流個晚係厠所屙左好多血，仲聽到有野屙出黎，Kong一聲，仲有抹到啲組織血塊三次度，頭一天用M巾好似經期流量咁，之後已經似係M第四天的流量，有啡血同紅色的都有，仲有排多兩嚿組織血塊，我一星期就無再流血!我第二個星期去左照陰超，就話我已經正常返，排清唒，月尾應該會黎M，同埋應該因人而異，不過你見已經無流後，再等多幾日先去照陰超啦。

私人傳訊

積分: 1721

15^#

發表於 17-2-14 11:23 |只看該作者

回覆 WinWin1026 的帖子

而家每日流好少，好似M期第四，五日量咁，係煩緊唔知流到幾時先停，我都好心急想快D去照清楚，睇下清哂未。你呢段日子有無話食D咩？睇中醫？我休息左六日，諗住睇西醫拎多個星期假紙，因為條腰仲係無咩力，企多陣又會腹痛。

私人傳訊

積分: 1721

16^#

發表於 17-2-14 11:26 |只看該作者

回覆 WinWin1026 的帖子

噢。我又係忍唔住幫老公洗碗拖地。見佢咁辛苦做哂家務煮飯買餸。我都覺訓床個肚無咁痛。希望快D流清。身體早D復原。大家下次成功生B

私人傳訊

積分: 1721

17^#

發表於 17-2-14 11:32 |只看該作者

回覆 kcmming 的帖子

我覺得睇西醫婦科，可以照下腹部有無問題。中醫都睇唔到你裡面有咩問題。我之前睇中醫話我脾胃弱，因為我成日肚脹，一日去3，4次大大，食完好快就痾。佢淨係開調理腸胃中藥比你。最後無好到，去醫院照腸鏡先發現好大粒瘜肉。而家割左，大便次數正常返。所以中醫其實真係唔係好信。有時飲感冒茶係得既，但大病就要睇西醫專科。普通西醫都係開止痛藥比你，或者叫西醫轉介你去睇專科。

私人傳訊

積分: 1721

18^#

發表於 17-2-14 11:36 |只看該作者

回覆 Jess1998 的帖子

媽咪叫我唔好睇中醫住，驚中醫開藥勁，傷左子宮，佢淨係叫我停血話佢知，煲木耳湯我飲，溫和D。你幾耐無洗頭？我到今日第六日啦，不過真係好難忍。涼我有照沖，會開好熱的水，開住等廁所暖左先入去沖，好快沖完著返衫。係屋企都係著外套，唔好凍親。

私人傳訊

積分: 146

19^#

發表於 17-2-14 11:48 |只看該作者

Katrina_cmc1104 發表於 17-2-14 11:32
回覆 kcmming 的帖子

我覺得睇西醫婦科，可以照下腹部有無問題。中醫都睇唔到你裡面有咩問題。我之前睇中 ...

本帖最後由 WinWin1026 於 17-2-14 12:01 編輯

我明。但真係唔急得，中西我都會睇，我都認同你講既野。不過我覺得中藥有幫助！真係唔好做咁多粗重野，烏低身都唔好，姿勢唔正確都好傷架，唔好嬌腳Y！坐月係要養好身休，你都想快D好返，再try架麻！仲有我唔聽呀媽講，用凍水冼手洗碗，點知手真係keep住麻痺……原來唔得……我過幾日返工leh,都擔心D舊患返黎，我現在開始食返葉酸了！重新黎過，加油啦大家！

我忍左八日無冼，中醫開藥比我洗頭，之後大約用薑水三四日洗一次，因為我油到生頭瘡……

私人傳訊