吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 未來條路應該點行，純呻。

單親天地今日: 2|主題: 18281

收藏本版

發帖

返回列表

跳至頁

查看: 3851 | 回覆: 13

未來條路應該點行，純呻。 [複製鏈接]

puppybaby

別墅

積分: 997

1^#

發表於 18-6-12 18:15 |只看該作者 |倒序瀏覽 |打印

老公係我初戀，我地一齊左7年
上年意外懷孕，Bb 5個月大

依7年黎我對佢千依百順，
由一個情竇初開嘅少女，變到一個潑辣黃面婆。
其實一路以黎我地感情都好多問題，離離合合，
為左佢，我犧牲左好多野。
直到某件事我決定真正分開，個天就話我知有左...
知道個刻，我不計前因，心裡面只係好想要個bb，
因為我終於有自己嘅家。冇錯，我都係單親長大。
所有人都話我太天真，我以為佢會勤力為依個家付出，
以為只要大家努力，就可以過生活，
以為佢會為左我同bb而有動力，
以為大家7年感情，有愛就可以行一世...
點知所有野都係我諗得太天真，太過理想...
由我大肚到依家，家用只比過2次，
其實我對佢嘅工資，積蓄金錢方面從來一無所知，
我一直選擇信佢，包括好多野，我都相信佢。
但連我99都話我蠢，唔應該信佢...
我從來對佢冇要求過，7年黎佢送過嘅野都寥寥可數，
依家唯一要求只係想過安穩生活...起碼唔會愁兩餐，
但我除左為bb洗錢，我自己基本上係冇錢洗。
除左錢問題，就係性格感情上，一言難盡。

我真係好想比最好嘅野比bb，為左bb做ftm，
個個都話我傻，話我唔應該同社會脫節，
但我唔放心交個b比人教。
我想比bb一個完整嘅家，但同時我都好需要人愛護。
其實我好後悔，我仲想讀書，我想識朋友，
從前我唔係一個貪玩嘅女仔，依個枷鎖令我好想出去玩，
因為我發現自己從未真正玩過。
我恨我點解對自己從來冇要求，
做左媽媽先發現，做人現實啲好...
可憐人必有可恨之處，所以我唔敢同人訴，
因為我唔抵可憐，條路自己揀，我只係覺得無助。

我好想bb有一個完整嘅家，
但我好清楚佢比唔到我需要，我亦忍受唔到。
我想有一個依靠，揍住個b我好攰，唔想揍多個大細路。
究竟我應唔應該自私啲放棄依個家，帶bb走..

0 0 0

私人傳訊

SharonJ

別墅

積分: 930

2^#

發表於 18-6-12 18:36 |只看該作者

puppybaby 發表於 18-6-12 18:15
老公係我初戀，我地一齊左7年
上年意外懷孕，Bb 5個月大

咁你而家日常生活費？有番工？
有無試過認真坐底，1510拎出黎傾？

以前我為左小朋友，一次又一次俾機會
去到有一日就知道，係時候醒

所以要好好諗清楚自己想點
而家，小朋友就係我既全部！

你都要加油呀！

私人傳訊

puppybaby

別墅

積分: 997

3^#

發表於 18-6-12 18:46 |只看該作者

SharonJ 發表於 18-6-12 18:36
咁你而家日常生活費？有番工？
有無試過認真坐底，1510拎出黎傾？

生活費我都係慳住佢比個少少，我媽有時會比一兩千我，
因為係住99屋企，所以食用都係99。
覺得自己好cheap，好冇用...
其實我好想出去返工，想去學野，
但我想教好bb，因為我對99嘅揍法有出入，
我唯有吞聲忍氣寄人籬下，
望bb返學，我就可以出去做野，唔洗靠人。

同佢傾又點，都係冇變過。
我唔係聖人，我都想過好生活，
但我又唔忍心摧毀bb嘅家...
我都想佢有爸爸媽媽快快樂樂成長...

私人傳訊

mini1204

翡翠宮

積分: 79224

4^#

發表於 18-6-12 21:24 |只看該作者

回覆樓主:

咁都吾出黎做我真係無言
你奶奶先係最慘嗰個

私人傳訊

puppybaby

別墅

積分: 997

5^#

發表於 18-6-12 21:53 |只看該作者

mini1204 發表於 18-6-12 21:24
咁都吾出黎做我真係無言
你奶奶先係最慘嗰個

所以我咪覺得自己cheap
寄人籬下嘅生活我都難受
我都有自知之明

未生前我都諗過生完出黎做，
但坐月99揍過，就知道唔得掂。
我自己有計劃過，
等bb上幼稚園我就出去做野，
諗住依3年靠住老公先，係我諗得太天真

所以我想走，知道老公冇用，想離開依到

私人傳訊

manmanlolo

別墅

積分: 994

6^#

發表於 18-6-17 02:54 |只看該作者

puppybaby 發表於 18-6-12 18:15
老公係我初戀，我地一齊左7年
上年意外懷孕，Bb 5個月大

小朋友衣家幾歲？
咁你每月點生活？
我同你想法有點似，都覺得有左小朋友後，先發現自己好想再出去識人，覺得世界之大，未玩夠。但小朋友出世係一個事實，我地做左媽媽係一個事實，以後做D 咩都要同小朋友一齊，事事以小朋友為先，我地盡量做到，大家一齊努力！！

私人傳訊

puppybaby

別墅

積分: 997

7^#

發表於 18-6-17 04:11 |只看該作者

manmanlolo 發表於 18-6-17 02:54
小朋友衣家幾歲？
咁你每月點生活？
我同你想法有點似，都覺得有左小朋友後，先發現自己好想再出去識人， ...

未夠一歲

我選擇離開了..
剛走的這步路...
我先至發現佢一家人嘅真面目
太可恥，原來一直以黎只係當我生仔工具
我走嘅時候講到明，
叫我還返禮金先好帶走個孫，話個孫係佢地，
一係就比返1萬我，孫比返佢地。
因為當初話比5萬，但只比4萬，
話到生完先再比個一萬。
最後賴我話當初應承佢地要所謂禮金就係個bb歸佢地
當bb貨物咁，痴線

我當然知道自己係一個媽媽
所以我會承擔責任，揍大好bb
多謝你

私人傳訊

Garychanspc

別墅

積分: 584

8^#

發表於 18-6-17 15:37 |只看該作者

puppybaby 發表於 18-6-17 04:11
未夠一歲

我選擇離開了..

一陣見都唔比你見就傷心死，一萬有咩用，可以比得起你自己親生仔咩！

私人傳訊

puppybaby

別墅

積分: 997

9^#

發表於 18-6-17 15:59 |只看該作者

Garychanspc 發表於 18-6-17 15:37
一陣見都唔比你見就傷心死，一萬有咩用，可以比得起你自己親生仔咩！

我已經帶走bb了
發誓唔會再比佢家人見bb，太可恥

1萬冇咩用，我只係唔甘心，
我從來冇要求過佢地得過啲乜野，
跟佢7年，我生日連蛋糕都冇個，
到我大肚結婚，擺酒乜都冇，
唯一要求少少禮金，
比佢地一家人話我當佢地係水魚，
仲屈我話係應承左要禮金，孫就歸佢地。
即係要仔唔要乸..
如果我要搵水魚，我做代母都唔知4萬依個價啦，
仲要浪費7年時間，
真係好侮辱我人格。
然後話我係我一相情願生個bb，
話當初叫我諗清楚先好結婚。
冇錯，條路的確係我揀，
但係佢個仔比承諾我，
話會負責任，我先信以為真...
以為大家可以行到白頭....
點解可以將所有責任歸根落我到。

做女人做到咁我都唔知為乜

依刻，我好內疚，令個仔冇左爸爸，
要行返自己細個嘅路，
細個個種孤獨感重現眼前，好艱苦...
冇家嘅感覺真係好難受

不過好彩嘅係bb仲細，未知咩事，
希望我可以令佢有個快樂嘅童年。

依家嘅我其實好驚，好無助，好驚一個人撐唔到...

琴晚老公msg我話想重新黎過，
話會一家三口搬出去，話唔會再令我難受，
我好驚心軟，唔係為自己，
而係我只想個仔有爸爸媽媽，一家完整。
但係死性不改，最終代價比依家仲慘。
我明白長痛不如短痛...

私人傳訊