今時唔同往日補習唔代表唔叻,好多名列前茅特別係1 A 1B學校嘅學生都會去補習,但佢哋通常唔係補現有課程,係會比學校進度快,所以好多時啲嘢都未教已經有大部份同學識,同埋因為教得好嘅補習社會有附近學校嘅舊卷比佢哋做,呢個都係點解咁多人明明已經叻都補習嘅原因,朋友做補習佢話好多埋枱已經係好叻,話頭醒尾,真係幫佢哋精讀提升,唔係講緊補底嗰啲層次,佢自己教過出嚟好多之後係讀神科的,大部份成績都好好,不過佢有揀學生收,補底嗰啲太辛苦佢唔收
另外大家錯覺叻嘅都唔使補習,係因為好多人補左習都唔會講出嚟,唔係話全部,不過有好多真係唔會講,我個仔同佢啲同學都話冇補習兼唔使溫書,但有啲嘢大家心知肚明,冇睇過冇溫過係唔會知的,說穿了成班都係吹水怪