懷孕前後今日: 1|主題: 329773

收藏本版

發帖

返回列表

跳至頁

查看: 1291 | 回覆: 9

報喜 - 威院催生 [複製鏈接]

mabelyy

別墅

積分: 708

1^#

發表於 14-6-8 12:53 |只看該作者 |倒序瀏覽 |打印

EDD 4/5, 諗都無諗過第二胎會過期要催生。。（第一胎預產期嗰日出世）

41週2日，BB2仲未肯自己出世，13/5(星期二)8點準時入威院催生。之前睇左好多催生既資料，好多媽媽都要搞好耐，最後催生失敗要開刀，好緊張!

10:30醫生check宮頸，一度都未開所以要先放催生藥丸幫助子宮頸快d開，醫生解釋要開左起碼一度先可以去後產室人工穿水再滴催生藥。放左催生藥丸要瞓床一個鐘，醫生話1600-1700再check progress。瞓床一個鐘之後再駁機check BB心跳同胎動。BB2好懶成日都瞓左，所以駁左成個鐘機。

午飯時間老公帶飯比我，我地喺病房外食。之後我好眼瞓，見無痛無感覺所以返病房瞓下。到大概1700有五至六分鐘一次輕微陣痛，每次50-60秒。(以第一胎經驗約零至一度)

無醫生黎check我。1930探病時間過，同Hans出去坐，出去前同姑娘講五分鐘一次陣痛，佢話密d先同佢講。出左去行，依然5分鐘一次陣痛，覺得痛左，似第一胎開左2至3度既感覺。2030忽然痛左好多，好驚同無助，忍唔住喊，姑娘終於肯幫我檢查，(我感覺起碼5至6度嗰種痛) 點知姑娘話得一度，我話真係好痛喎，佢再check, 話真係一度喎，兩度都未有。。。嗰刻超沮喪，姑娘話有d人對催生藥特別敏感，覺得痛d。。佢比左個暖包比我(一d用都無) 我要求玩fitball, 佢話OK。唸住而家先一度咁漫長即刻食左個腸仔包打底。過5分鐘行左去un fitball, 都唔夠10下又痛，fitball 間房好近護士station有其他護士見到我咁痛同密叫我time 下，忽然之間每2分鐘痛一次! 姑娘即刻叫我上床去駁機聽BB心跳，(當然約2100)行行下痛到不得了，八九度嗰種感覺，痛到不停大叫，同忽唔住頼左尿! 好多姑娘過黎同老公一齊推我上最近門口既病床，姑娘再check話開晒十度要即刻落產房，除晒我d衫褲換手術袍 (當時我已經唔係好清醒，淨係好想push出黎) 姑娘叫老公去㩒lift, 9秒9推我落去產房，喺架lift好想push, 忍唔住poopoo了。。途中姑娘夾住我大肶唔比我生! 去到產房床都過唔切就要push, 就咁push左3下BB個頭就出左，再push個身仔出埋，輕鬆晒! BB 21:12出世，重3.675kg，姑娘話BB好圓好得意，我一睇覺得佢同哥哥餅印咁，面仔肥嘟嘟好可愛!

由於一切發生得太突然，老公無得入去陪產lu! 到而家都唔相信15分鐘內由一度到生得! 過程超尷尬囉九萬條友見到我癲左咁嗌\"我唔得啦，要生啦\"。。

同第一胎一樣，超滿意威院!

各位媽媽加油!