1-3歲

收藏本版
發帖
返回列表
跳至頁

首頁
12

尾頁
   3
80smum


複式洋房

積分: 300


21#
發表於 17-11-23 11:35 |只看該作者

回覆樓主

女22個月，我覺得每個小朋友性格唔同，教法都唔同，我試過好多方法，但底線係一定唔會打，就算打手板都唔會。佢有時都激到我紮紮跳，但我發現如果媽媽有時間，而小朋友又肯睇下書既話，可以試下用同佢睇書呢個方法去教一d行為問題，但首要係揀一d岩呢方面既書，因為我之前都用就咁講道理既方法，但係佢地唔明，始終太細，但將d道理透過睇書，故事去講，效果好好！
但係呢個方法要比時間，要潛移默化，唔係一時三刻有效果，但係效果真係好好！開頭佢可能都未必明或者睇完講完都好似無用咁，但日子耐左，你就會發現佢會自己講得番當中既道理同埋做到出黎，不過我發現媽媽講既時候，唔好照書既字去講，反而睇住圖畫講，用圖畫去講出你想講既道理，然後一路講一路比問題佢自己思考。
我個女好鐘意peppa pigs, 因為佢一歲未夠果陣我就拎左10本出黎由佢自己揭，大大下佢就成日要我地講比佢聽，初時覺得好煩，日日講起碼2，30次，我起初都係照字讀，但後來有一次自己好認真咁睇，發現原來唔照字讀，反而睇圖畫，會更易講到道理，於是就嘗試下自己搵方法去講，結果真係改善左佢好多行為問題。包括出街lun地，沖涼唔肯出黎，唔肯著衫，仲有好多，連教佢學識講去大便都係用書教，我唔知係咪其他小朋友都岩呢個方法，但係有時間既媽媽都可以一試，因為每次同佢地睇書都係好優質既親子時間
私人傳訊

Tszyinggggg


大宅

積分: 1434


22#
發表於 17-11-24 00:45 |只看該作者
80smum 發表於 17-11-23 11:35
女22個月，我覺得每個小朋友性格唔同，教法都唔同，我試過好多方法，但底線係一定唔會打，就算打手板都唔會 ...

Peppa pig書？書局買？
私人傳訊

PhoebeFong


複式洋房

積分: 461


23#
發表於 17-11-26 01:19 |只看該作者

回覆樓主:

我個女未足21個月，我自己嘅教法就係講導理同罰企，多次警告仍再做而件事係有危險性我就會打手、腳或PatPat。講導理唔好以為佢咁細唔明，其實佢地明架，問題係要比佢冷靜咗再同佢講，係佢地發作嘅時候佢係聽唔入耳。要佢地離開一個佢地鐘意嘅環境或完結佢地玩樂嘅時候，唔好要佢即走就走，要比個時限佢地。我個女係街可以話未試過lur地唔願走，只會講bye bye 就走。而家學講嘢會跟大人講，有時我快口而出講咗痴線、傻嘅或者有時想叫停佢唔好做嘅時候講咗“喂,bb你唔好做咩咩咩”，佢就會跟我講“喂”，我就會獎自己咀好認真話比佢聽講呢d唔可以嘅，bb講咗就要獎咀咀，佢就知道唔講得，有次嫲嫲同人傾電話話“喂喂喂”，我個女即刻同嫲嫲講媽咪話唔可以講喂架。所以我自己睇法係唔會低估小朋友嘅理解能力。以上係個人嘅睇法，不喜勿插。
私人傳訊

ashleychungli


別墅

積分: 537


24#
發表於 17-12-8 14:04 |只看該作者

回覆樓主

我小朋友今個月兩歲， 佢trouble two 時期較早， 係大概17-18個月就開始， 咩都NONONO。 但版媽請投入你小朋友既角色， 佢剛剛開始對事件有認知。但個腦仔既詞彙又唔夠又唔識去組織點表達， 雖有同最易發音既字「NO」。

其實俾多啲時間佢去嘗試表達會好好多， 佢未必識講但係佢身體語言會話你知。

嘗試將選擇權俾返佢， 佢會有自信同勇於表達自己多D

私人傳訊

monictw


大宅

積分: 1371


25#
發表於 17-12-8 23:07 |只看該作者
本帖最後由 monictw 於 17-12-8 23:11 編輯

千其唔好打呀,就算打佢只有即時效果,佢根本唔明白點解比人打..我老公就係由細比老爺打到大架, 木棍,困黑房,所以我老公D性格好扭曲好暴燥,好多陰暗面

兩歲其實明白道理架喇,我由佢18個月開始捉罰企,當時捉1分鐘,大人坐地下同佢面對面同佢講道理,講出重點如:掉玩具/食物係唔岩.當然大人語氣要平和但要嚴肅,目的要佢明白原來佢做左既事係唔岩,要佢講對唔住,下次唔敢,講左先可以離開懲罰區...係EQ戰黎..試過坐過30分鐘,都試過係街咁樣做
SO FAR到而家33個月了,大部份時間佢都好聽話. 佢自己發脾氣時會一路喊一路講 '丫...乖孩子唔可以野蠻發脾氣....' 我再會講: 係喎,原來你知道架喎,咁唔發脾氣唔好喊啦? OK? ' 佢答: OK..(自己拎紙巾抺眼淚) 我都贊成樓上有媽媽用STORY BOOK教小朋友道理,WORK架...我仔睇左本書幾次,無啦啦有人食飯前講
食飯之前要洗手,執玩具,好似XX咁 (書中主角)
加油呀媽媽!!比D耐性會苦盡甘來

私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見