0-6個月 今日: 1|主題: 37161

Hello 小雞媽咪，BB一般6個月之前識轉身，媽媽俾BB多D做俯臥強化頸部嘅肌肉，用D顏色鮮豔、最好識得發聲嘅玩具引佢岳高頭去拎，訓練佢轉身，如果識得反一半，可以輕輕推下個patpat幫一幫佢，做多D練習，相信好快就會學識架喇。BB牙肉白點摸落會唔會好硬? 媽媽有冇試過俾雪凍生果/生紅蘿蔔條舒緩牙痕不適?

BB第一隻乳齒通常在6-10月左右長出，吽牙仔(徵狀有流口水、擺手/物件入口)嘅時間可能會早D，牙肉有白點、牙骨硬，都可能係出牙，由於牙肉會有痕癢/痛楚，有機會影響左BB胃口/瞓覺或者容易炆熷。媽媽可以將凍凍地毛巾包住手指輕輕按摩/擦BB牙齦，舒緩佢牙肉不適，或者拎住雪凍生果粒/紅蘿白條/咬牙膠俾BB咬，涼涼地會舒服D，仲要保持佢手仔同四周環境清潔，避免細菌由口入。

Hello irenewsw ，媽媽意思係BB可以由趴既姿勢自己反番轉成仰臥?如果係BB已經識得轉身(由背面轉到正面)。媽媽試下用手扶住平躺嘅BB一邊肩膀做轉身動作，當身體可以轉到一半時就輕輕拍下佢patpat幫佢轉身。玩具放在離BB唔遠既位置，將BB側臥等BB可以翻一下身就能拿到玩具，多D同BB練習由正面翻到背面再由背面翻到正面，佢好快會識得自已翻滾去自己想去地方呀

BB已經可以由背面轉反到正面，已經算識轉身，媽媽同BB多D練習由正面轉去反身好好呀 佢依家對聲音、顏色/色彩、四周環境都覺得好新奇，放佢係遊戲地墊上探索四周，訓練轉身動作，俾佢坐媽媽大脾或者放cushion等BB可以靠住媽媽坐，同BB配戴發聲手/腳環，都可以增加BB活動興趣架。