我個囡就14歲, BB開始幾個月就開始有濕疹,仲要係好嚴重個隻,血衫血床都經常發生, 試過出水出到打開間房發臭,小學一年級就話要自殺,見社工係等閒之事,學校曾經建議轉介佢去紅十字會學校,當然試過西醫皮膚醫生,再中醫(去曬幾間乜大學),抽血、驗頭髮重金屬,最後去睇自然療法,生物共震,只係控制到一半的病情!我做媽媽既只能不停增值自己睇書,上網去搵資料,我綜合得出來認知點解濕疹咁難搞,記住濕疹只係一個生活出問題的結果,原因係乜呢???
1. 家族DNA有過敏基因,第11對DNA有易感基因,呢樣就係比一般人易乜都敏感。
2. 點解而家D人越來越多敏感,講基因就世世代代都係咁傳落來,點解而家既濕疹越來越多呢!社會不停進步,我哋食物環境同我們的早1,2代人都變到唔同曬,但人的基因跟本未來得切社會的變化如:食物(基因改造,例如小麥,最多人係Gluten出問題,點解前人無事,因為而家大部份既小麥係由十幾對基因改到四十幾對,仲要改埋接受到除草劑)。,反式脂肪就係一個K形的脂肪,身體不能完全排出。人造食素都係肝不能分解的。 2、3、4G就來5G的幅射(幅射會引起細胞及基因病變),生活迫人的壓力等等,只會令我們的基因越來越差。
3. 點解有D小朋友會大大下好,如果濕疹比較嚴重既人事就應該聽過"腸漏症",唔識既人請上網研究一下,腸漏症會引起好多大分子的食物,發炎物細菌走進血管至引起全身或部份位置起濕疹,但在腸漏症的大前題是胃酸不足,胃酸足夠就會食物分子分散得細,細菌大部份死亡,所以胃酸係身體進食的第一道防線。小朋友比大人的胃酸少,而過敏的人比正常人都係少,所以有D小朋友會大大下好。
4. 敏感分即時敏感,延時過敏(幾小時或一天以上),食物不受耐(食得少冇問題,一食得多累積係身體到某一個量就發作,呢樣係好難搵,但可以4天至重覆一次食物及可以食既食物多樣性D),值得留意很多濕疹對座蟎過敏,仲有我個囡試過搬屋甲醛問題第一晚即出事。
治療方法:
西醫: 類固醇 - 確實有D人係搽搽下會好,由其係唔嚴重既人再加上上面的第3點又或者搽既時候同一時間無再接觸至敏源係會好的,但嚴重既人事基本上唔可能搽好,抗藥性或類固醇新聞久唔久就見。
中醫: 現時的中醫出現很多問題,當然有人醫好(醫好的定義係不用再服中藥),係香港的中醫新一代係大學讀出來我發現有一個問(可能唔係個個係咁,但我確實遇到一個係咁),佢哋係睇你有乜病就用相對既中藥,變咗好似西醫咁發燒用退燒藥,而家係平衡五臟六腑,至於中藥現代係種出來,當然同野生的藥力不同,所以中醫相對要加多藥量,另外存在一個最大的問題就係農藥問題,呢個幾年前綠色和平講過中藥的農夫,基本上一隻中藥可以驗到十幾甚至廿幾隻農藥,當中有禁用農藥,由於中藥同日常蔬菜會有部門久唔久化驗,而我的女兒當年因為長期食中藥,有一次R到皮膚發炎去睇皮膚醫生,醫生話有癬菌,要食一隻癬菌藥,但藥廠要求先抽血肝,點知一check就出問題,醫生講好多食中藥都有呢個問題,叫停3個月之前再check,自此就唔敢長期食了。
自然療法:坊間太多五花八門,我個囡睇過一D穴位處理既療法,好飄忽,可以突然好,又突然差,怕了放棄,另外睇過生物共震,check過敏問題好準,準到我覺得100%準,但做治療真係要長時間,其實生物共震係德國人發現,攞健康既人身體細胞或器具既震頻去調整有健康問題既人,但人人調到幾多,調調下會唔會走返轉頭,真係又好難講,不過就無副作用。
Supplement : 很多supplement有輔助作用,但大部份supplement都係處理到細胞外的炎症,有部份人是有效的,時代不斷發展,有部份supplement已經能去到處理細則層面的作用,但呢D supplement 住住比較大的好轉後應,先死而後生,未必人人受得起,過敏人仕有一個慘況可能對某一些有效的supplement過敏,我個囡就係對洋蔥素過敏一食就爛。
至於要唔要介口,有西醫講唔使介口會營業不良,但唔介口日子都過唔到呢!
我覺得如果係搵到過敏的食物,最好先介口一排,等情況好轉試下慢再加返,另外如果非常嚴重既人想先救急,可以試下介糖介所有澱粉質。
只係個人的分享,暫時先講到呢到。