夫婦情感 今日: 1 | 主題: 42455

積分: 11889

1^#

發表於 20-1-20 09:35 |只看該作者 |倒序瀏覽 |打印

本帖最後由 PTMCYS 於 20-1-20 09:49 編輯

只是一件剛發生事情的分享

夫婦相處久了, 很容易遺忘了對方的感受, 覺得太熟, 不用修飾做作及應份的, 但自己又會覺得對方忽略了自己...是一個茅盾的情況. 如果大家都沒反省, 感情就會慢慢變淡..... 這個好像是婚姻變數其中的原因...
我當然不例外, 工作一忙和攰, 就會遺忘這些, 沒耐性, 當對方埋怨, 就會變為吵架, 幸好我其他活動不多, 忙過後就會反省倆個人的關係...

昨日跟太太去買東西的途中, 聽到太太打比仔仔, 問他在家的學習進度, 應該是他的態度很差, 令她很生氣及掛斷了電話..... 我當時識做, 幫她掃背說"呵翻, 呵翻....."
但她沒有氣完, 而且更生氣地說 : 仔仔真係來攞我們的債, 很後悔生了他出來, 生了他咁耐, 都沒開心過, 每天都為他而不開心..... 一輪咀, 很激動很挫敗的樣子, 以前未見過...

我見她咁激動, 輕聲對她說, 我們不能後悔生他出來的, 既然你說他是來攞我們的債, 那我們就用父母的身份好好"還" 給他吧, 如果是前生注定要今生還, 我們不生他出來或好好面對, 下世亦有機會是面對相同的問題, 我們就會無限loop 等待處理未完結的事架喇! 現在有我跟你一起面對, 我們要珍惜當刻的機會把他好好完成, 了咗今世的緣份...., 她聽了後開始微笑出來, 問我點解依家識得咁諗?

我呼了一啖氣, 笑說, 因我看破紅塵了, 遲D 可能去做"和尚"....
太太就馬上用同一招回答我 : 你做"和尚"我就去做"師姑"了, 我續說, 你唔好諗住做"師姑"可以黐住我呀, 我要走我的路....., 她說:我點都要黐住....., 我"搣"了她鼻子一下笑說: "賤格", 她笑完就無事了...

分享不是說晒命我們有多好, 只想帶出 "原來幸福的掌握就在自己手", 你的一個回答/一個反應, 就係扭轉局勢的關鍵來, 可以令事情更差, 又或變得更好, 你想結局係點, 主導人好大機會就係你自己了!

0 1 0

私人傳訊

Pianocake

大宅

積分: 3238

2^#

發表於 20-1-20 11:32 |只看該作者

又係長氣佬數老婆丶表演偉大𠱓like

私人傳訊

kikitea

積分: 9237

3^#

發表於 20-1-20 11:51 |只看該作者

PTMCYS 發表於 20-1-20 09:35
只是一件剛發生事情的分享

夫婦相處久了, 很容易遺忘了對方的感受, 覺得太熟, 不用修飾做作及應份的, 但自 ...

比個讚你

私人傳訊

積分: 11889

4^#

發表於 20-1-20 12:17 |只看該作者

本帖最後由 PTMCYS 於 20-1-20 14:59 編輯

Pianocake 發表於 20-1-20 11:32
又係長氣佬數老婆丶表演偉大𠱓like

難得有人八卦又要入來看, 口裡說不, 身體卻很誠實.... 講下笑, 不要生氣...

點評

wing0

發表於 20-4-10 00:18

私人傳訊

Perpersis

大宅

積分: 1736

5^#

發表於 20-1-20 12:29 |只看該作者

本帖最後由 Perpersis 於 20-1-20 12:31 編輯

回覆 PTMCYS 的帖子

樓主EQ確係高

對太太如是，係回覆網友都一樣

私人傳訊

mingmama

積分: 9752

6^#

發表於 20-1-20 12:33 |只看該作者

青春期的青少年真係好令人激氣架

我日日都畀我家的青春期少女激到死死吓

私人傳訊

積分: 11889

7^#

發表於 20-1-21 08:35 |只看該作者

本帖最後由 PTMCYS 於 20-1-21 08:39 編輯

Perpersis 發表於 20-1-20 12:29
回覆 PTMCYS 的帖子

樓主EQ確係高對太太如是，係回覆網友都一樣

哈哈! 貼得出就預左有人不喜歡, 有人批評, OK 喎, 自己會有得著, 為何要生氣? 我睇到會笑一笑....., 不一定是笑人, 會笑自己, 人生路要面對生氣的事情太多了, 而且大部份批評都很溫柔...., 何用太介意...

有人支持和認同係開心的, 但好多人誤會了, 我目標不是要人讚, 如果見我舊文, 我係做了不作聲的花生友很久, 見這裡越來越負面, 才希望加入另一角度的看法作參考, 所為 80和20的人群, 我不是要應酬80% 的花生友, 而是分析和分享給有需要20%的人.... 有很多人不作聲, 怕比人認出, 會PM 我問參考, 男有女有, 我只會答他們, 加鼓勵說話, 大家不會做朋友, 不聯絡, 只是平水相逢打幾隻字, 原來都可以幫到人.

私人傳訊

積分: 11889

8^#

發表於 20-1-21 09:06 |只看該作者

mingmama 發表於 20-1-20 12:33
青春期的青少年真係好令人激氣架我日日都畀我家的青春期少女激到死死吓
...

係架, 因為要找尋自我形象, 覺得爸媽的管束令自己失去很多探索的空間, 可以理解的...

回想我中二的時候, 原來都很反叛, 很多家庭聚會都不參與, 亦專登激下家人. 有時諗翻, 我當時已成日去夜街, 開始去D 很糟糕的地方陪人溝女...., 不讀書, 好彩沒壞..., 這方面他比我好. 但乖的一面, 已清潔打掃煮飯涼衫等, 老家家務係承傳的, 一人出來工作, 未工作的就要接來做, 不分男女, 所以在家庭觀念很早已成熟, 但他不積極.

現在環境比我以前好, 照料好了, 但遺憾的是只生一個, 少了跟兄弟姐妹磨擦的成長和互愛互讓, 人比較冷漠, 亦少了以前家境不好的日子所謂捱, 少了知足感...

有時我都會退一步想想, 如果我係他會有什麼反應, 再看看怎樣溝通, 真係唔容易的......

私人傳訊

mingmama

積分: 9752

9^#

發表於 20-1-21 12:25 |只看該作者

PTMCYS 發表於 20-1-21 09:06
係架, 因為要找尋自我形象, 覺得爸媽的管束令自己失去很多探索的空間, 可以理解的...

回想我中二的時候, ...

可能女仔同男仔唔同～我嗰個雖然係獨生女～但又唔會太冷漠～佢都仲好中意同我哋分享下佢嘅嘢～會顧慮我哋係咪嬲咗佢～會諗計氹番我哋～但係佢又會不斷激嬲人

真係一啖砂糖一啖

私人傳訊

積分: 11889

10^#

發表於 20-1-22 09:00 |只看該作者

本帖最後由 PTMCYS 於 20-1-22 09:02 編輯

mingmama 發表於 20-1-21 12:25
可能女仔同男仔唔同～我嗰個雖然係獨生女～但又唔會太冷漠～佢都仲好中意同我哋分享下佢嘅嘢～會顧慮我哋 ...

成長好睇天生性格, 教法, 父母影響, 際遇和成熟度...., 都會同自己講, 盡力+不放棄, 減少磨擦, 睇開D....

佢都仲好中意同我哋分享下佢嘅嘢 ---> 因為有愛的存在, 同埋從實際的角度, 佢覺得跟你的一套仍有學習空間, 有得著.

我個仔之前溫書都會覺得我果套好, 成績會明顯進步, 但佢太懶經常跟我有衝突, 現在媽咪follow, 我都唔想成日同佢和太太嘈, 但打扮佢都會問我意見....., 有時都會同佢講下打機等.

分享佢比較少, 一來媽咪跟進佢學校事宜, 易跟他溝通, 二來我image 都比較嚴和認真..., 而且佢唔係單純的人, 男仔會有好多古惑野, 要用古惑和玩的思想才易溝通, 要用時間和耐性, 唔易.

好似以前我睇咸書, 都會跟同學分享, 點會同老豆講..... 依D 女仔應該唔同. 不過身體變化, 性成長, 拍拖和避孕, 都會有意無意開放地跟他說, 這方面唔算太尷尬.

私人傳訊

mingmama

積分: 9752

11^#

發表於 20-1-22 12:16 |只看該作者

PTMCYS 發表於 20-1-22 09:00
成長好睇天生性格, 教法, 父母影響, 際遇和成熟度...., 都會同自己講, 盡力+不放棄, 減少磨擦, 睇開D....
...

有時做父母都要跟上仔女嘅步伐～例如要知道佢哋而家興啲咩～聽啲咩歌～咁先可以同佢哋溝通

我都會聽下我個女聽嘅歌～同佢討論下～咁先唔會有代溝

私人傳訊