懷孕前後 今日: 16 | 主題: 329781

積分: 1645

1^#

發表於 17-2-17 17:37 |只看該作者 |倒序瀏覽 |打印

如題

0 0 0

私人傳訊

fung1128

別墅

積分: 788

2^#

發表於 17-2-17 18:21 |只看該作者

雖然我唔知點樣做同幫上什麼,但我想跟妳同妳先生講宜家要好好休養身子同"add oil"..........

私人傳訊

tongbabejai

別墅

積分: 556

3^#

發表於 17-2-17 18:49 |只看該作者

唔好當壞事黎睇，當好事睇，姐果bb出世先發現有問題，最難受既係佢，做父母你忍心望住bb受苦嗎，今次佢只係未準備好，佢好快準備好會再黎
Ps:我都係琴日岩岩發現無心跳，但我已經準備好下一個bb既來臨，只係想快d可以自然排出

私人傳訊

全心全意

積分: 5073

4^#

發表於 17-2-19 09:21 |只看該作者

我都係剛剛流產一星期。心情都好低落，唔知點樣好。

私人傳訊

mlcbb

伯爵府

積分: 17189

5^#

發表於 17-2-19 11:04 |只看該作者

引用：我都係剛剛流產一星期。心情都好低落，唔知

原帖由 全心全意 於 17-02-19 發表
我都係剛剛流產一星期。心情都好低落，唔知點樣好。

人生不如意事十常八九，而且流產係因為bb 先天問題，你都想生個健康既bb。坐完小月去下旅行，好快小天使會再返黎！

點評

beautyflo

發表於 17-2-20 10:42

私人傳訊

我要做媽媽

珍珠宮

積分: 47558

BB防敏心得分享勳章

6^#

發表於 17-2-19 11:12 |只看該作者

唔好一直諗住過去喇，你要自己知道你同呢個bb冇緣分，養好身子再努力喇，平時多d走動下多同人溝通喇

私人傳訊

bbpo

積分: 6773

7^#

發表於 17-2-19 11:50 |只看該作者

如果妳們相信，幫BB念「地藏經」後再迴逈給BB！

私人傳訊

全心全意

積分: 5073

8^#

發表於 17-2-19 11:52 |只看該作者

mlcbb 發表於 17-2-19 11:04
人生不如意事十常八九，而且流產係因為bb 先天問題，你都想生個健康既bb。坐完小月去下旅行，好快小天使會 ...

多謝你。我會好好加油。

私人傳訊

Loracfee

複式洋房

積分: 273

9^#

發表於 17-2-19 14:17 |只看該作者

回覆樓主:

是需要時間的，唔好強迫自己！最重要好好休息！樓主可以試下做其他事分散注意力，個時自己同老公就去旅行，同埋set 好幾時再試，時間未到就唔會再諗，咁樣個人會放鬆好多！

私人傳訊

KulookFung

積分: 8216

10^#

發表於 17-2-19 15:04 |只看該作者

回覆樓主:

當時我出院前，姑娘教導不要抑壓自己情緒，不要強迫自己忘記，需要哭時哭出來，接受她成為回憶的一部份，有一天哀傷會轉化成思念。要努力嘗試投入返日常生活，不要隔離自己。吃喜歡吃的，曬曬太陽，找點正能量。我當時無時無刻地哭，深夜醒來都是哭，老公盡力陪伴我開解我，直到一天我醒覺，唔想成為佢負擔，於是決定企返起身要做返個正常人。過去已成為經歷，要向前望呀，加油！

私人傳訊

積分: 1645

11^#

發表於 17-2-19 18:09 |只看該作者

bbpo 發表於 17-2-19 11:50
如果妳們相信，幫BB念「地藏經」後再迴逈給BB！

可以點樣幫bb念，請教下我

私人傳訊

積分: 1645

12^#

發表於 17-2-19 18:11 |只看該作者

回覆樓主:

我知道需要時間，但每晚到生bb凌晨時分自然就醒，醒左就要需時去瞓番，真係好辛苦。每日都無精神，老公好努力陪我，但佢都要返工，得自己一個又亂想。

私人傳訊

bbpo

積分: 6773

13^#

發表於 17-2-19 18:36 |只看該作者

DAYPOPO 發表於 17-2-19 18:09
可以點樣幫bb念，請教下我

我pm左妳。妳睇下啦！另我給妳迴逈文呀(emoji)(emoji)

私人傳訊

kogqco

複式洋房

積分: 145

14^#

發表於 17-2-19 22:39 |只看該作者

我上年17週個時都冇左，好突然，唔明點解咁既事會發生係自己身上，身邊不停有人話佢地都小產過，唔好唔開心，但我總覺得佢地唔會明白因爲佢地都係幾週既時候流產。但我呢d產中期流產，bb已成形，感覺過胎動，仲要有陣痛咁痾返佢出黎個下真係好刻骨銘心。會諗係咪因爲自己第二胎太大意，冇咩戒口，又周圍飛去玩。開頭幾日成日喊，好難接受，但好在我仲有個大既可以分心。不過要喊真係喊出黎好d, 多d同人傾訴，我個時好低落，反而唔想成日呆係屋企，就成日出街，個人會冇咁down, 見多d人會有好處。
基本上個時冇咩話坐小月，留左係屋企一個禮拜後就成日周圍去。但惡露清曬之後我就去睇中醫調理身體，傷心還傷心，自己身體都好重要。小產後3個月我又有左，所以記住要保持好心境同身體小天使好快就會返黎我地身邊。

私人傳訊

joeyjoeywong

積分: 3159

畀面勳章

15^#

發表於 17-2-19 22:51 |只看該作者

DAYPOPO 發表於 17-2-19 18:09
可以點樣幫bb念，請教下我

係 YouTube search 地藏經跟住讀就得，讀完就話迴向俾你個名同先生既名之嬰靈

私人傳訊

RubyYu07

珍珠宮

積分: 39566

16^#

發表於 17-2-19 23:11 |只看該作者

回覆樓主：

本帖最後由 RubyYu07 於 17-2-19 23:12 編輯

加油，依家好難從陰影裡走出來，但已成事實，要正面面對，bb都唔想見到你咁沮喪，養好身體，相信佢好快又會回來。

私人傳訊

momo_n

複式洋房

積分: 258

17^#

發表於 17-2-20 01:01 |只看該作者

我上星期都做了藥排，第一胎，13 w 驗到有事，嚴重的，無第二個選擇，係好難過，心好痛，好明白你心情，而且你21w 心裏一定比我痛更多更多。
由我知道情況後不停的喊，不停問點解會咁，點解係我，做錯左咩. ... 到做曬所有可做的檢查知道已經無得改變一定要接受。

好彩有屋企人、老公同埋之前join 左group 的媽媽鼓勵支持我， BB 係帶漏左野要返去拎，佢而家俾咁多提示我都係想盡快通知我，點都好過第日真係出來時先發現問題，到時BB要不停受針藥之苦仲慘。我都係咁樣同自己講，個心係明，係易接受左，但要完全即刻無事係好難，不過已經喊少左好多。

而家係屋企坐左一星期小月，間唔時都會回帶，第一次拎住驗孕棒見到兩條線的興奮，同老公講你做爸爸喇的情境，第一次去產檢聽到的心跳聲，第一次係B超見到BB(emoji)手指.... 到係醫院塞藥...等出黎嘅過程..到見BB最後一面的畫面，所有所有都係腦入面重覆。係，係會喊，但唔好迫自己，分手都要時間慢慢淡忘啦，更何況而家的痛？

你要加油啊！！要喊就喊出黎，同老公，朋友傾計，我自己覺得愈講得多幾次，係快d好。有時同老公講得多，佢可能係唔明點解仲唔放低，仲要成日諗住，我直情同佢講如果佢又見我喊或問點解，就攬住我同我講會支持我，會好快無事就得，唔使講其他野，因為跟本自己就知無得解，只係心情上要時間俾自己復原，每喊完一次就會好一點，會慢慢好返㗎。

只要你明白唔係你做錯野，係BB自己知有事，佢早d話俾我地知，佢唔想第日大家仲痛苦，係咪？你而家愈執著過去，愈傷心，佢見你咁都會放唔低，唔安樂返去㗎。你而家係要快d養好身體，等BB 下次帶齊野再返黎呀，知唔知？

我都未完全好曬㗎，而家都係一路喊住一路打呢篇野，但係我地要加油呀，堅強d , 養好身體先，BB好快拎齊曬野返黎㗎！！！

私人傳訊

Dot0716

侯爵府

積分: 21210

18^#

發表於 17-2-20 06:42 |只看該作者

tongbabejai 發表於 17-2-17 18:49
唔好當壞事黎睇，當好事睇，姐果bb出世先發現有問題，最難受既係佢，做父母你忍心望住bb受苦嗎，今次佢只係 ...

好認同你講法

我小產時週數雖然無樓主咁大，但都好傷心難過，每每諗起就喊

我同自己講，日子總要過
如果我日日咁喊就係痛苦中渡過，我再抽離唔到嘅話就日子過得好苦

反之學習放下去接受呢件事唔係一面倒壞事
如果我生咗bb先發現有問題，日子仲難受仲痛苦

我同自己講，成功懷孕著床已經好好，証明自己生育能力無問題，小產只係胚胎唔健康大自然汰弱留強嘅天性
下次胚胎健健康康就無問題

正如“半杯水”嘅道理，睇自己諗“幸好仲有半杯水”/“好慘剩返半杯水”開心一樣

初初都好難過㗎，但我同自己講容許自己傷心難過發洩出黎，今日喊半個鐘嘅，明天喊25分鐘，傷心慢慢遞減，一日比一日開心返d
可以俾自己傷心難過，但要一日比一日少，提醒自己不能沉淪士氣低落嘅日子，成功生bb只係時間問題

私人傳訊