少年成長今日: 2|主題: 15864

收藏本版

發帖

返回列表

跳至頁

查看: 3206 | 回覆: 1

暑期功課計劃 [複製鏈接]

csir3290

子爵府

積分: 11020

1^#

發表於 18-7-8 12:13 |只看該作者 |倒序瀏覽 |打印

就嚟放暑假細路仔係最開心嘅時間，但亦都係小朋友最容易忘記做功課同埋放鬆咗嘅時候。所以暑假期間要維持住小朋友有溫習同做功課嘅習慣係非常重要嘅。我唔係話暑假都要小朋友有好大嘅功課壓力，但係家長應該係暑假期間都要在意小朋友每一日都要用一啲嘅時間做適量嘅功課同埋溫習等佢哋開學嘅時間唔會放鬆曬，然後又要用一段長時間先至可以有番做功課嘅習慣。尤其是係小朋友愈細個開始就要好好利用呢段時間培養佢哋做功課同埋溫習嘅習慣，當佢哋自小有呢個習慣嘅時候，當佢慢慢一路長大就唔會覺得做功課同溫習係一件麻煩嘅事而係每一日都要做嘅事。對家長嚟講用時間投資喺呢個習慣上面將會令到自己將來會用少啲時間去煩惱小朋友啲功課同埋溫習。我記得我女啱啱讀k1嘅時候，佢放暑假我同老婆都特登用時間陪佢一齊放假，就係要佢培養每一日每一朝早起身食完早餐然之後用大約一個鐘頭嘅時間做下啲簡單嘅暑期作業溫下集然之後先至玩呢個習慣，大概用兩三個星期時間佢開始適應咗每一日都係咁嘅時候，到我哋返工就要交帶工人姐姐一定唔可以開電視亦都要將啲功課同埋要當日要睇嘅書放喺當眼嘅枱面上，提醒佢每一朝都要做完曬啲嘢先至去玩，慢慢到而家阿女三年班，其實佢做功課同溫習嘅習慣都係好似佢讀幼稚園嘅時候咁。而细佬就因為見到家姐每日都係咁做咁，所以到佢k1 k2嘅時候，我同老婆都唔需要特別話要陪佢做啲乜嘢。總言之家姐做嘅時間佢就跟住家姐做，所以佢兩姊弟而家其實做功課同溫習嘅習慣大致上都係培養到唔使我同老婆粗心。
佢哋而家大約仲有一個禮拜就放暑假，喺兩個禮拜前我同老婆已經開始安排佢哋每一日溫習同做功課嘅規律，因為學校早兩個禮拜已經派咗暑期作業，而呢兩個禮拜佢哋返學都冇乜嘢功課做，所以我哋每日都要佢哋一定要做一個數量嘅暑期作業，其實到差唔多放暑假佢哋已經差唔多做曬成本書嘅作業。我同老婆都唔會規定佢哋幾時要做曬本暑期作業，我哋只係會同佢哋講喺暑假開始嘅時候我哋會開始好似以前咁買番啲補充畀佢哋，每日都要做。咁喺暑假之前如果佢哋可以早做曬本暑期作業嘅話咁佢哋就可以有多幾日時間唔需要做功課。因為有時間可以完全休息，所以鼓勵咗佢哋盡快做曬啲暑期作業。其實放暑假期間佢哋嘅生活規律都係好簡單，起身食完早餐就要做咗當日要做嘅補充，我哋前一晚就已經會夾好曬佢哋擺喺佢哋枱面等佢哋食早餐嘅時候就見到答功課，咁佢哋就知道食完早餐就要開始做呢啲補充跟住要練琴睇半個鐘頭書，咁跟住佢哋就可以玩。其實每一日都係咁嘅話小朋友就會習慣佢每一日都係要做功課每一日都係要睇書每一日都係要練琴，當佢成為習慣家長就唔需要額外勞氣去為呢啲事。
不過要養成你的習慣家長亦都要有一定嘅堅持，例如好似我同老婆都要返工，如果佢嗰日唔係跟住呢個習慣去做嘅話或者冇做到功課嘅話，嗰個禮拜佢就冇得出街食飯亦都冇得同我哋出去玩，佢要星期六或者星期日我哋放假嘅時間做番曬所有要做嘅嘢然之後先至可以去玩，我覺得都係最緊要搵到啲佢哋覺得唔鍾意同埋麻煩嘅嘢去罰佢哋，淨係打同鬧係冇用㗎。愈細個嘅小朋友就越容易建立她的習慣，只要家長肯花時間陪佢哋喺側邊慢慢提佢哋，其實唔需要勞氣。家長只需要堅持小朋友做完呢樣嘢先可以去玩。愈細個嘅小朋友就越容易養成呢啲習慣。所以暑假雖然係可以放鬆嘅時間但係家長都要注意要維持住小朋友有適量做功課同埋溫習嘅時候，等佢繼續維持住呢個習慣。唔係咁開學嘅時候就要用分更多嘅時間去煩惱佢哋嘅功課同埋溫習。