自由講場 今日: 470|主題: 1303171

(HK01)《開心速遞》鐵定明年大結局不添食　無綫38年自製處境劇將成歷史

長達540集的《愛．回家之開心速遞》（簡稱《開心速遞》）今晚（10月12日）已播至427集（熊家的第四個女兒），如果劇集集數不變的話，2019年3月20日就會播出大結局，但有內部員工向《香港01》透露，《開心速遞》明年將會正式落幕：「套劇唔會添食㗎啦，之前收咗個16廠嘅，遲啲仲會收多個錄影廠，套劇就外判俾出面做。」意味自1981年《香港81》首播、無綫38年來無間斷製作的自製處境劇將成歷史，內部員工透露，《開心速遞》之後，同時段將由新一代影視大亨接手製作。

開廠錄影皮費重　為慳錢結束《開心速遞》

「套劇（《開心速遞》）會外判俾古仔（古天樂）間公司（天下一）接手，其實行內好多人都知㗎啦。（題材、演員嗰啲定咗未？）未㗎，下年3月《開心速遞》先完。（點解會外判？《開心速遞》咁多人睇。）套劇仲好多廣告添，呢套算係全公司最多廣告嘅劇嚟㗎，你知啦，搭一個商場就可以放晒啲牌子吖、廣告商啲招牌落去。商場入面有廣告招牌係咪好合理先？哈哈哈。講返點解要外判，其實都係一個『慳』字，開一個廠又要演員又要導演幕後燈光，又要搭個景（場景），出外景又要化妝又剩又多人，後期又編輯剪接，皮費真係好多。開少個廠養少啲人就自然慳咗啦。」內部人員說。隨着《開心速遞》結束，代表新時代來臨，因為將會是無綫首次為周一至周五黃金時段實行外判製作，加大製播分途的比重。

至今400多集《開心速遞》孕育了不少經典角色，大小姐與送水輝、金城安與朱玲玲、KC、Terry，甚至是曹總等一眾不是經常出現的演員，都十分搶鏡。

據資料顯示，《愛．回家之開心速遞》已由最初的180集，增加至300集，再加至360集，再而在2018年7月4日宣布添加集數至540集，前後已添食3次之多。其實《愛．回家之開心速遞》已是「愛．回家系列」的第四輯，如果將這四輯加起來的話，（《愛．回家》（第一輯）804集、《愛．回家》（第二輯）191集、《愛．回家之八時入席》200集、《愛．回家之開心速遞》540集），總共有1735集，陪伴著香港人7年之多久。如果真的如內幕消息透露，TVB因為「慳錢」而將劇集外判令《愛．回家》系列結束的話，對於一班劇迷而言是可惜的。

退一步想，古仔公司（天下一電影）承包TVB處景劇檔期製作的話，對觀眾而言又未嘗是一年壞事。因為自2014年開始，「天下一電影」出品的電影已在水準之上，《金雞SSS》、《五個小孩的校長》、《逆流大叔》、《明日戰記》甚至即將於「東京國際影展」上映的《翠絲》都是別出心裁之作。唔知「天下一電影」接手之後，八點檔電視又會有咩睇呢？

開心速遞咁高收視，又多廣告，做完唔係問題，但唔駛連處境劇都外判掛!