吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 我唔知我頂到幾耐！好累，好辛苦！

心聲留言今日: 10|主題: 17334

收藏本版

發帖

返回列表

跳至頁

查看: 4721 | 回覆: 51

我唔知我頂到幾耐！好累，好辛苦！ [複製鏈接]

12 3

joanray

大宅

積分: 1750

1^#

發表於 12-6-11 00:42 |只看該作者 |倒序瀏覽 |打印

我有個讀k3既小朋友，佢所有野由我一個去理，簽通告，溫習，興趣班，全部都係我去安排！個衰仔有時仲擺明蝦我，我教佢唔聽，只係聽爸爸話！
家有一個死蠢工人，蠢得黎仲要比面色我睇，但勝在對我囝唔錯，我唯有忍佢！因為我冇時間，冇勇氣炒左轉另一個，萬一仲衰過現在那條，我死得！
老公只顧打機，縱個囝，我講既野永遠係錯，佢朋友、外人講既野就聽！有唔滿意就黑口黑面對我！我有時太累，＂炭＂下氣就話我係到＂hehe鞋鞋＂想點！我已經唔再期望佢對我似拍拖時咁，起碼唔好我病到死先理下我！我試過同佢傾，次次都係嗌交，越傾我越比佢話問題在我處！我放棄了，你話當問題在我身上吧！
工作，在公司做了差不多10年，manager grade,日日返工要防呢個防那個，個個人都做埋d門面野，我真係想做好件事，就好易比人埋上台！晚晚7，8點先收工，陪完個囝訓仲要做野！想轉低grade既工，但人地一見我份resume,就話你冇可能做咁低grade, 就算要求低d人工，人地都唔信！一係轉行，人工要冇一半，那根本支持唔到日常開支！
最錫我既爸媽，兩個身體漸差，各有各毛病，仲要有手尾跟！佢地辛苦左成世，我都未比過好日子佢地，成日左慳又慳，我比錢又唔肯要多！宜家忙都成日冇時間睇佢地，擔心佢怕我辛苦有事，有病都唔同我講！我成日提心跳膽佢地會有事，次次見佢地打電話來我個心好驚，好大壓力！老公只覺我外家煩，我唔敢同佢講太多！
我幾年前已經有醫生話我有少小小焦慮症，那些症狀好多我都有，我同老公講過一次，佢只係話我多餘，成日諗埋一邊！
由小至大，我係人地面前都係好strong,好硬凈，所以朋友有好多，但佢地唔會覺得我攪唔掂。曾經同幾個close friend講過我好辛苦，佢地都好support我，但佢地都有自己家庭，都好忙，點可以成日煩住人地呀！
我好累，想訓又訓唔到，好辛苦！

點評

Mcmanaman 加油呀.

有咩事要同老公傾. 發表於 12-6-12 12:02

vego same as me, i just want to have a break ....... 發表於 12-6-11 10:38

0 0 0

私人傳訊

AAmother

伯爵府

積分: 15367

2^#

發表於 12-6-11 01:15 |只看該作者

回覆：我唔知我頂到幾耐！好累，好辛苦！

放鬆d一家人去下旅遊多d溝通

凡勞苦擔重擔的人，
可以到我這裡來，
我就使你們得安息。

太 11:28

私人傳訊

kazoohk

大宅

積分: 4972

畀面勳章陪月勳章

3^#

發表於 12-6-11 04:02 |只看該作者

引用：我有個讀k3既小朋友，佢所有野由我一個去理

原帖由 joanray 於 12-06-11 發表
我有個讀k3既小朋友，佢所有野由我一個去理，簽通告，溫習，興趣班，全部都係我去安排！個衰仔有時仲擺明蝦 ...

E個都市病好多人有
但唔察覺.睇下精神科佢會幫你評估
我亦睇過.你可能因為工作.湊仔已經累
同埋身心好累.工人幫唔到手.起碼錫小朋友
多點同工人溝通.慢慢教

私人傳訊

35C9

伯爵府

積分: 16162

4^#

發表於 12-6-11 17:25 |只看該作者

樓主, 去運動, 可以減壓, 萬試萬寧, 我唔開心的日子都係咁樣走過來的.
去跑下. 出身汗. 老豆姓咩都唔記得. 又點記得有咁多愁.

私人傳訊

TT0710

別墅

積分: 630

5^#

發表於 12-6-11 17:43 |只看該作者

去吓做運動或者一個小旅行，減吓壓啦!! 我覺得你壓力太大!!! 迫得太緊，反而係反效果呀!! 加油呀!!

私人傳訊

風雨同路人

男爵府

積分: 5070

6^#

發表於 12-6-11 19:06 |只看該作者

我明白你架感受～你比人架感覺系有能力好能趕，所以屋企人都覺得乜都你打理好就唔洗操心，我覺得你有陣時可以表現出你架軟弱出黎，等人地知道其實你都系需要呵護，需要照顧～～

私人傳訊

風雨同路人

男爵府

積分: 5070

7^#

發表於 12-6-11 19:08 |只看該作者

本帖最後由風雨同路人於 12-6-11 19:08 編輯

面對工人ＥＤ，你一定要有老板個樣出黎，唔好比距蝦，凡事對事唔對人，做得好就獎勵，唔好就話下距，做乜要出錢請一個人翻黎令你難受窩～～

私人傳訊

Nancy20090615

瑪瑙宮

積分: 128874

8^#

發表於 12-6-11 22:57 |只看該作者

您咁樣好辛苦架, 唔好太緊張, 各方面您都盡左力, 好似個工人, 您都再 push 唔到佢, 就維持咁樣吧, 份工暫時轉唔到, 就維持住咁樣吧, 等等下可能有機都唔定, 您 c6 又係改變佢唔到, 嬲黎都無用, 但佢地就因為您生活得好好, 咁您都唔好咁担心, 加太大壓力比自己啦, 到有事時一定有出路, relax d 啦.

私人傳訊

joanray

大宅

積分: 1750

9^#

發表於 12-6-11 23:15 |只看該作者

多謝你地既回應！係bk仲有人聽我伸下，真好！
你們既提議，我真係好難做到。做運動？晚晚收完工，沖埋涼已經十點幾，仲要做公司野，星期六日，一係開OT,一係陪囝做功課，再唔係就返老爺到。有時仲要入超市入貨，買足一個星期餸，仲邊有時間呀！
去旅行仲唔洗諗，第一，老公都唔鍾意去，第二，佢又話要用錢。結婚8年，除左honeymoon,只去過台灣同澳門，我都想比個囝去見識下。
平時老公寧願同個囝打機，都唔願同佢出去玩下，見到人地成家去下local tour,我都好羨慕！
我都好棍relax,但有排山倒海既野等我去做，點relax！

私人傳訊

bbyy2010

大宅

積分: 2863

10^#

發表於 12-6-11 23:23 |只看該作者

回覆：我唔知我頂到幾耐！好累，好辛苦！

明白你的感受，呻左出來會舒服d...
盡量往好處想，但我明白講容易，做就好難...但都盡量諗正面d...
感恩的是你有愛錫你而又值得你孝敬他們的父母，珍惜每個相處的時間...
明白你工作辛苦，但我反而羨慕你有工作，因我是全職媽，全天侯湊住個囡，好累，有時湊到好忟，沒有喘息空間，反而我覺得有工作可暫時忘卻湊小朋友的辛苦...
雖然工人不理想，但有工人幫吓手都好，我沒有工人，想行開吓做自己野都唔得，因冇人幫手睇囡...
艱難的日子總會過去，希望你的生活快樂些...我也希望！

私人傳訊

sweetylady

大宅

積分: 3636

11^#

發表於 12-6-12 11:05 |只看該作者

回覆：joanray 的帖子

盡咗力就得啦！你又不是萬能的，不可能兼顧到每一件事的。放鬆自己，不要把自己推埋牆角！

私人傳訊

c＆ｔ

大宅

積分: 4151

畀面勳章

12^#

發表於 12-6-12 11:32 |只看該作者

回覆 joanray 的帖子

放鬆d 人生不如意事十常八九試下轉另一方面睇人就會冇咁辛苦路就自己簡嘅然選擇了就唔好比負能量自己我明白要番工要湊小朋友有幾辛苦但這正是做人的推動力呀嗎

到小朋友大一點佢就會知道媽咪有幾錫佢有幾為佢累就比自己靜下唔開心呻下好la. 但就唔好記住掛响咀邊比自己太多負能量做人會好痛苦的 +oil

私人傳訊

crab

伯爵府

積分: 15419

13^#

發表於 12-6-12 18:11 |只看該作者

對於這種比上不足比下有餘但實情又真係感到唔開心的情況, 有時我都會遇到, 如果事情是無辦法解決, 我會安慰自己...諗起facebook流傳的一句說話 - You hate your life, while some people dream of having your life...共勉之!

點評

35C9

發表於 12-6-12 18:59

私人傳訊

melle

男爵府

積分: 6338

14^#

發表於 12-6-13 19:27 |只看該作者

加油呢，明白對外要強對內又冇人明白自己及關心自己既感受。付出多但只求精神依賴及搵人share都難..我都係感到自己幾人格分裂既，對工作有要求，同事朋友覚得我好硬淨，朋友又總唔可能spare到時間比自己，男友又忙到傻而且一星期只才見一次左右，每晚只傾數分鐘電話，weekends要計劃見面慘過咩咁，拍拖接我機已係節目，唔係出差剛回港就佢忙佢既自己事或公司事，每晚他收工又夜一夜，自己工作又忙又時不時不在港，日日工作辛苦為咩...真係為做人到好麻目下。

好彩我係gym友，一悶就去玩，好addict gym ：）

私人傳訊

iso903

洋房

積分: 69

15^#

發表於 12-6-13 23:09 |只看該作者

我都有少少同妳相似. 只係我係男人, 外表要堅強.. 其實, 我賺錢能力冇妳咁叻. 所以就冇咁大既工作壓力..妳比我好. 我太太從無, 亦唔會同我去旅行, 連honeymoon都冇去過. 我都好唔開心.. 至於生小朋友 , 我都不知幾想, 只是婚後數年, 仍一無所出..好大壓力 , 爸媽成日崔我..我都無計,,最慘係大家年齡唔細, 屬高齡..我都好灰...
幸好, 還有好多朋友支持 . 妳都係呀 , 要記住, 會有好似天上既星星咁多既朋友默默支持妳, 隨時聽妳既心聲..加油

私人傳訊

liuyanyun

禁止訪問

積分: 127

16^#

發表於 12-6-15 00:34 |只看該作者

提示: 作者被禁止或刪除內容自動屏蔽

私人傳訊

moonychan

珍珠宮

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

17^#

發表於 12-6-15 09:32 |只看該作者

回覆：我唔知我頂到幾耐！好累，好辛苦！

我反而唔敢旨意男人，我老公都縱仔女，都會在仔女面前否定我，可幸係，我老公好勤力，冇壞習慣，我比面佢是比較 men, 顧家，有主見！開心 cheer up

私人傳訊

OKC

公爵府

積分: 29872

18^#

發表於 12-6-18 22:40 |只看該作者

joanray 發表於 12-6-11 00:42
我有個讀k3既小朋友，佢所有野由我一個去理，簽通告，溫習，興趣班，全部都係我去安排！個衰仔有時仲擺明蝦 ...

好明白你的感受....我都覺得很累, 唔明做人咁辛苦....

我個仔讀K2, 佢好個好硬頸嘅小朋友...差不多日日要同佢鬥智鬥力, 好難教.

請過工人4年, 態度越來越差. 宜家請local EE, 但差不多晚晚都要自己煮飯, 頗辛言

C6很少care我, 佢最鐘意就喺同佢D friend飲野, 吹水, 我同佢傾下心事, 就唔想聽, weekend就瞓到很妟, 我都想瞓妟D咯! 平心靜氣同佢傾過, 又鬧過, 佢都冇改變, 如果唔喺因為個仔, 早就離開了.

62, 99對我麻麻哋, 唔respect 我,自問自己唔失禮, 樣子端正, 中學讀band 1名女校, 學士同碩士都喺外國讀 (top 50 univerisities in the world), 宜家係一間出名外國公司做到sen mgr., 煮飯又好食, 脾氣好 (但getting worse because I am frustrated), 但62, 99 and C6都唔珍惜我.

父母算對我最好, 但阿爸脾氣差, 早幾年成日挑剔我, 後來吵咗一大交就少咗, 阿媽非常依賴及怕事, 又為了D芝麻綠豆事哦我...

喺公司又被同team人打壓, 欺負...唔做又唔得, 因有financial burden, 老公信唔過

自己做錯什麽? 現在生活都是苦的, 唯有上BK同一斑素未謀面的媽媽訴苦, 得閒買D野送俾自己...

我想講喺, you are not alone...共勉之!

點評

unionlaserlinda 我們都面對同一問題, 同途風雨人, 共勉之! 發表於 12-6-19 16:36

私人傳訊

MrsYAC

大宅

積分: 2473

19^#

發表於 12-6-19 13:27 |只看該作者

回覆：我唔知我頂到幾耐！好累，好辛苦！

有時候，人生可能真的不能什麼都很完美。雖然我同你嘅情況算是相反，但我同你一樣好累，好辛苦。我家人不support 我，但老公對我好好，啊仔都算聽話。發生了事，明明自己系受害者但連為自己講句野都比人覺得我講得難聽，五好話支持。。。我都好辛苦，有d野別人見五到就認定一定系我嘅錯，仲要日對夜對住拒地，真系好難受！如果我真系甘差我一早就跟老公可以有好好嘅生活，我五會留系呢個家！真的好難相處！
呢幾日都開始失眠，有時候失去一些人嘅關心你會發現其實有一些人一直以來都為你打氣，老公講得岩其實有血緣關系都五代表一切，最重要自己知道咩人先值得自己付出。sorry 長左d，希望大家一齊度過難關