本帖最後由 rose-mag 於 14-4-10 10:56 編輯
又唔一定,我仔preschool同學4兄弟姊妹都係佢媽咪一個湊,
年齡仲要唔係相隔太遠,我仔preschool時佢4個小朋友分別係1年級、4歲、3歲同一個未夠1歲,
個媽咪安排得好有規律,一早車最大嘅返學,之後就帶住三個較細嘅去Preschool,
當時4歲同3歲果兩個都去Preschool,但佢只會輪流送一個去學校,
唔知係唔係學費問題,當兩個小朋友返學時,佢就帶住另外兩個小朋友,
去下買餸去公園玩做下家務,到放學就再去接返小朋友返屋企,
有時係爸爸去接,我同個媽咪傾過計,佢都冇人冇物喺美國,
由日本嫁過嚟,只有鬼佬丈夫一家,平時會同其他日韓籍媽咪多D計傾,
因為可以講番日文,不過佢冇同丈夫父母唔同住冇人幫,
而且好多鬼婆都係自己一手一腳帶大小朋友,祖父母都係support多,
唔會有好多時間幫手湊孫。果4個小朋友好乖好有禮貌,
真係佩服佢生咁多個湊得到之餘仲要教得好。
花旗太太生活在花旗國,留意時差,你問我未必即時答到。