婆媳關係 今日: 0 | 主題: 27701

積分: 660

1^#

發表於 18-10-4 11:15 |只看該作者 |倒序瀏覽 |打印

純粹想係到分享下，搵人傾下。岩岩生完BB,呀B同我係奶奶到坐月,老公收工返黎食飯就會自己返屋企，而我同B就係到訓。呢段時間真你好唔開心，唔係99對我唔好，但真係好唔想住係99到，感覺似寄人籬下咁，做咩都無咁自在。好想坐完月同B返去，但佢地覺得得自己一個搞唔掂個B，其實自己呀媽得閒都會過黎幫手，但佢地都覺得唔好。我明，係到99會幫手湊，對我同B都可能較好，但我住係到真係好唔開心，差唔多成日偷偷地喊，真係好想返去。唉...

0 0 0

私人傳訊

章魚妹妹

積分: 8319

2^#

發表於 18-10-4 11:32 |只看該作者

pinpinky 發表於 18-10-4 11:15
純粹想係到分享下，搵人傾下。岩岩生完BB,呀B同我係奶奶到坐月,老公收工返黎食飯就會自己返屋企，而我同B就 ...

其實產婦係你，媽媽都係你，既然唔開心點解要因為人地覺得而委屈自己？只要安排好食既問題，自己媽媽得閒上嚟幫下手就ok哂！又或者叫老公留低一齊住到坐完月囉！岩岩生完情緒已經唔穩定又未適應做媽媽照顧bb,仲要最熟悉最親密既另一半家人都唔係身邊，唔開心坐月都唔會坐得好！

私人傳訊

迷你兵團

禁止訪問

積分: 615

3^#

發表於 18-10-4 12:35 |只看該作者

提示: 作者被禁止或刪除內容自動屏蔽

私人傳訊

littledot

公爵府

積分: 28748

4^#

發表於 18-10-4 13:09 |只看該作者

pinpinky 發表於 18-10-4 11:15
純粹想係到分享下，搵人傾下。岩岩生完BB,呀B同我係奶奶到坐月,老公收工返黎食飯就會自己返屋企，而我同B就 ...

自己嘅事唔可以自己揸主意？

私人傳訊

馬爾太

子爵府

積分: 12020

5^#

發表於 18-10-4 13:23 |只看該作者

回覆樓主:

你話：佢哋覺得你攪唔掂個B

佢哋係咩人？關佢哋咩事？

私人傳訊

HappyBlueberrie

積分: 1649

6^#

發表於 18-10-4 13:41 |只看該作者

你之前有冇試過同99住? 如果冇，剛剛生完坐緊月仲要適應同99一齊生活唔係一件易事，尤其你同你99本身唔似好close, 心理壓力會好大，如果99唔洗做野，叫99每日去你屋企照顧bb得唔得? 我自己就接受唔到同c6分開住一個月，而原因就係有人覺得你一個人搞唔掂個b, 咁你覺得住喺99度佢係咪幫到你好多? 令你好放鬆呢？
最重要係你自己覺得舒服呀傻豬，開心見成同c6傾下啦

私人傳訊

Solarflare

積分: 7514

7^#

發表於 18-10-4 13:45 |只看該作者

你嫁左比你老公定嫁左比你99?

坐完月就搬番去同老公一齊住。唔好理人地點講。

我覺得佢地話你"搞唔掂"只係藉口。你老公係唔想你番屋企住。你湊左個b番屋企, 佢放左工就要辛苦啲湊b。夜晚訓覺仲要比個b嘈住。好多時, 唔係個老婆搞唔掂, 而係個男人唔想湊。

我見過生三個都係自已湊, 你一個邊有可能搞唔掂?

同你老公講, 佢要負番做爸爸既責任, 而唔係掉個老婆同bb係99度, 自已就舒舒服服繼續過單身生活。

私人傳訊

積分: 660

8^#

發表於 18-10-4 14:20 |只看該作者

Solarflare 發表於 18-10-4 13:45
你嫁左比你老公定嫁左比你99?

坐完月就搬番去同老公一齊住。唔好理人地點講。

明白，其實我真係好唔開心，老公淨係覺得係到有人同我一齊湊仔，我唔駛咁辛苦，對呀B又安心D。我同老公都係在職，放完產假後都係奶奶專責湊B，但坐完月到返工都仲有個幾月。我只係想叫個幾月搬番屋企自己湊B姐，佢地（老同同99）都覺得唔好。但其實我日日住係到個壓力好大。老公話一係坐完月你鍾意既夜晚就返黎訓，可能隔日住99果邊。但我都好想自己湊番個B，為左呢樣野我都唔開心左好耐。

私人傳訊

RisaRisa

積分: 1595

9^#

發表於 18-10-4 14:26 |只看該作者

你老公唔可以咁喎!屋企多個bb，你同你老公都應該要適應，點可以只係你適應，你老公就完全過返同之前一樣的生活?
咁佢仲係唔係呢個家庭一分子? 自己bb出左世都唔參與下，咁佢有冇盡做爸爸責任?

不過最緊要都係你的感受，你已經覺得好唔開心，唔好再勉強自己，要講出黎，話俾老公知你好唔開心，一係老公搬埋過奶奶度一齊住，一係就你同bb搬返自己家住。產後唔可以情緒咁差架，好易出事 >< 快d同老公傾下啦

私人傳訊

stella^^

積分: 4848

10^#

發表於 18-10-4 14:42 |只看該作者

RisaRisa 發表於 18-10-4 14:26
你老公唔可以咁喎!屋企多個bb，你同你老公都應該要適應，點可以只係你適應，你老公就完全過返同之前一樣的 ...

樓主你一於滿月後搬返自己屋企啦？為母則強个B係我生既應該母親決定？你个C6咁自私點做人爸爸呀！

私人傳訊

Solarflare

積分: 7514

11^#

發表於 18-10-4 15:11 |只看該作者

pinpinky 發表於 18-10-4 14:20
明白，其實我真係好唔開心，老公淨係覺得係到有人同我一齊湊仔，我唔駛咁辛苦，對呀B又安心D。我同老公都 ...

呢啲就係男人同女人既分別。
所以啲人話母愛係最偉大, 就係咁解。女人就算幾辛苦都想自已湊。男人hea得就hea, 舒舒服服唔使自已理就最好。
我同老公都經歷過呢個階段。

我既經驗之談係: 有咩開門見山同老公講, 你情緒差就係佢面前喊到收唔到聲, 喊喊喊, 鬧鬧鬧, 啲男人先會知產後情緒有幾大獲。你輕描淡寫咁話佢知唔開心, 佢以為你好小事。更甚至會話你多事。

你想佢地尊重你作為母親既決定, 你就要企硬。比個日子你老公, 話你某日會同個b搬番屋企, 叫佢準備。記住, 佢講乜你都要企硬, 大不了一哭二鬧。

其實你而家主要既問題係.. 係99度住限制左你既自由。你住到咁似坐牢咁 (例如, 了個鼻哥都要匿埋先, 同朋友講個電話又好似有個人係後面偷聽)。

我見過好多情況係, 個媽咪係99到坐月坐左半年都唔比走。結果坐月變左長住。你諗清楚, 住得愈耐, 愈難找藉口搬出去。話唔定到時番左工, 你夜晚都係番99到訓, 你老公就繼續過佢自由自在既日子。

私人傳訊

積分: 660

12^#

發表於 18-10-4 15:25 |只看該作者

Solarflare 發表於 18-10-4 15:11
呢啲就係男人同女人既分別。
所以啲人話母愛係最偉大, 就係咁解。女人就算幾辛苦都想自已湊。男人hea得就h ...

多謝你講中左我既心聲，的確呢段日子心情好差，我知道奶奶原意係為我地好，一黎我唔需要咁辛苦，二黎佢都唔想個B嘈到老公訓影響佢返工。但我覺得既然生左都有責任去主動照顧佢，我都講明接左返去我會照顧B，盡量都唔想影響老公第2日返工，可能都係期望老公放工食完飯餵一次奶咁姐。住係99到我想同老公講下野都好避忌，因為好多時都係大家在場，好難盡告訴心事，甚至有時要用whatsapp講。

我會再嘗試同老公去傾下，搬返去辛苦係預左，但係呢到心情差又何苦呢？唉

私人傳訊

hamsterma

伯爵府

積分: 19137

13^#

發表於 18-10-4 15:36 |只看該作者

pinpinky 發表於 18-10-4 11:15
純粹想係到分享下，搵人傾下。岩岩生完BB,呀B同我係奶奶到坐月,老公收工返黎食飯就會自己返屋企，而我同B就 ...

咁你有無同你老公傾過

私人傳訊

積分: 660

14^#

發表於 18-10-4 15:41 |只看該作者

hamsterma 發表於 18-10-4 15:36
咁你有無同你老公傾過

有，就係傾完佢地覺得唔好我先好抑鬱。我會再傾

私人傳訊

wingwing2009

積分: 2807

15^#

發表於 18-10-4 16:02 |只看該作者

其實唔駛佢地話好格，你只要firm d話自己可以單獨照顧bb。但你返工之後又要99幫手湊,到時會點安排? 要諗好晒先傾

私人傳訊

leungsyhk

積分: 7163

16^#

發表於 18-10-4 16:34 |只看該作者

無錯, 真係走唔甩既話, 我一定叫埋老公係到瞓!!! 佢做咗人爸爸, 無可能生活上想一切不變, 唔幫手/要返工呢D藉口唔得囉! 噤BB幾大先返得屋企?

私人傳訊

Solarflare