尋日（5日）係戚美珍57歲生日，而1月9日就係佢同老公苗僑偉（三哥）結婚29周年，雙喜臨門，佢哋尋晚就開P慶祝，場面超盛大，皆因一班老友包括溫拿、湯鎮業、黃日華、佘詩曼、林峯、吳卓羲等到賀，真係好熱鬧！
咗溫拿上台唱歌，壽星女戚美珍仲同譚詠麟合唱《一生中最愛》，喺台下嘅三哥就聽得如癡如醉！不過好戲在後頭，新鮮出爐「我最喜愛的男歌手」古天樂竟然到場仲開金口獻唱《情憑誰來定錯對》，一臉自信，邊個話佢唱live唔掂㗎？
而最感人嘅一part，就係一對主角喺台上咀嘴又攬攬，原來佢哋已經一齊咗38年，真係唔容易呀！
戚美珍同譚詠麟合唱《一生中最愛》，三哥喺台下聽得如癡如醉！
就連「我最喜愛的男歌手」古天樂都到場，開埋金口！
尋日係戚美珍生日，過幾日就係佢哋結婚29周年！
黃日華（左起）、戚美珍、苗僑偉及湯鎮業
阿佘四圍集郵！
今次就打和啦！
之後佢都有上台同溫拿一齊唱！
最感動嘅苗僑偉同戚美珍咀嘴！
勁熱鬧！
《使徒行者》合體，有冇合作先？
仲有譚校長！
發表於 
返回列表
