吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 結婚一周年，但我不覺得開心

夫婦情感今日: 0|主題: 42454

收藏本版

發帖

返回列表

跳至頁

查看: 5265 | 回覆: 123

結婚一周年，但我不覺得開心 [複製鏈接]

12 3 4 5...7

catcatbox2012

大宅

積分: 2211

1^#

發表於 15-12-17 11:27 |只看該作者 |正序瀏覽 |打印

(Sorry lee 個呻文有點長)

這個 weekend 就係我倆結婚一周年，但我吾覺得開心。或者應該講，過去既一年，我大部分時間都吾開心。

講吓背景先 - C6 本身係 sales，我就做寫字樓……

C6係大仔，在未結婚前我已經好清楚，婚後一定要同6299住，加上未婚既叔仔，婚後就同一屋簷下，一起生活。

拍拖既時間， C6 已經係 \"一舊木頭\" + \"災難先生\" 既化身。

婚後頭3個月，係我過去lee年黎，最感到幸福既日子，當時我未搵到工作，除左見工之外，差不多全日待在家裏，6299算是容易相處，除左吾太鍾意我倆不早起身 & 2老係亞視 dead heart fans 之外 (雖然 TBB 都…)，大家相處算係無咩大問題。

家務方面 2 老愛包辦，我間中就會幫手 (除左我既衣服，會每星期自己開一機洗之外 <- lee 個係我十數年既習慣，自己衣服自己洗，我接受吾到同其他人一齊洗) 99 知道後都由得我。

仲間陪99行吓工展會、落街買餸、採吓親戚咁……

惡夢由農曆年開始，99由農曆新年左右，就開始皮膚瘙癢……

3月頭，我証實懷孕了，結果搵工一事，只好無奈地暫停……

4月頭做第2次產檢時，醫生發現胎兒跟第1次產檢時，沒有太大變化，可以講胎兒停止左成長，我在診所喊左出黎。

我想，在2次產檢之間我沒有見紅，又沒有肚痛過，又沒跌親過，點解會咁既???

攞住私家醫生既信，去政府醫院排期見醫生 & 做人工流產手術。好排吾排，就排正我倆拍拖記念日黎做，唉…

由lee段時間開始，我夜夜以淚洗面左1段時間，嗰段時間不停問自己點解會小產。

後來去搵朋友傾訴，同時我搵到份臨時工做預計半年，心諗 “都好，記情於工作，分散自己既主意力，無咁容易俾自己鑽牛角尖”就慢慢從谷底走出黎。

99方面開始既時候，大家以為係普通既食物過敏。前前後後由普通科，到皮膚科醫生都睇左5~6個。

C6本身孝順，明知99有病，但醫生們毫無頭緒，加上C6公司不停哋追佢哋sale target, 令本身有情緒問題既C6，情緒起伏更大，不停地向壞方面鑽牛角尖，嚴如 \"災難先生\" (或者 \"阿愁\")上身。

見到C6這個樣子，一向重視生日既我，今年同C6響屋企附近，食左餐火鍋草草了事算數。

最後那位皮膚科醫生，以當時病徵初步診斷 99 應該係 \"皮肌炎\" ，所以醫生寫左幾封俾99，抽血抽組織去化驗云云，証實醫生既初步診斷正確與否。

幾日後朝早99起身後發現，半邊身用吾到力，驚住再次中風，自己靜雞雞坐車走左去急症室(唉…)，急症室醫生都驚佢係中風，立即收左佢入院。

99留院後，主診醫生前前後後反覆檢查左1個月有多，可以做既基本檢驗都已經做過，就係搵吾到病因，期間我哋講過N次，有專科醫生懷疑99係\"皮肌炎\"，最後出黎既化驗結果，証實那位專科醫生既估計正確， 99的確係 \"皮肌炎\"，同時確診99有腫瘤。聽醫生講發現得早，算係第1期，電療會好返。

作為枕邊人 & 屋企曾經有人患過腫瘤，算是過來人既我，自然盡力安慰C6…

自己小產傷痛都未完全好返，就要去安慰C6，之前沒再以淚洗面既我，再加上份臨時工做左個幾月，俾公司轉左我去跟其他工作 & 要跟另外一個阿頭，俾新個阿頭話我 handle 吾到份 job，炒左……

我既心情再次跌落谷底，今次俾人炒令到我自我形象低落，本已再無以淚過洗面過日子既我，又再次以淚洗面，C6係一直都吾知，我前前後後以經淚洗面了多少晚…

99這個情況，一向孝順既佢，仲邊有心情慶祝自己生日呀？ (C6 好重視自己生日，以往正日佢一定放假的) 於是又響屋企附近，食左餐飯韓燒就草草了事…

同月外父生日飯C6要返工，加上明知佢根本無心情，所以我都放過佢，俾佢缺席。

響99準備做電療之前，已經要好似返工咁，星期一至五出入醫院，游走各部門作電療前既檢查。

99開始做電療既時候，就好似返工咁，星期一至五去醫院電，電完就返屋企。電左10幾次之後，某個星期六朝早發現 99 發燒，C6 立即 call 十字車送左99入醫院…

99這次入醫院，醫生話要佢做晒整個療程先俾佢出院，所以轉左99去沙田醫院。

自始，我就開始每日黃昏去醫院探99，後來搵到份 full time job，就變成放工，就直接去醫院探99， C6份工一星期先得一日例假，所以間中又要俾 C6 同 99 視像吓。 99老人家邊識用 lee d 科技野，咪又係我一手攞住個電話，另外一隻手攞住條 handfree 囉…

99響醫院鬧情緒，又係我負責去氹吓佢開心，所以如果我連續2日無出現，佢就會打俾 C6 問我係咪病左，係就休息吓吾好去探佢，醫院菌多……

62就…
佢會數住我有幾多日無去探99，跟著問你 (我聽落似係質問口吻多d lor) 幾時去… 本著多一事不如少一事既心態，我都無話過俾 C6知道 lee 樣野…

有時我覺得，自己連家庭傭工都不如……

起碼家庭傭工每個月都收緊4千幾 & 每個星期都有一日休息日……

探完99就等C6收工一齊食飯 & report 99最新情況俾C6聽 & 聽C6 呻工作上既麻煩野。

我明白C6自從99病發開始就心情吾好，間中又有d衰客玩野 & 佢公司班管理層真係……，佢發脾氣我基本上都盡忍，最多都係吾出聲 + 黑面，佢最後會知衰氹吓我我就算。

探完病返屋企之後 & 星期六日未去醫院探99，就響屋企幫手做家務，C6例假都有自動波落手做家務。

我去探99既密度，基本上星期一至日都去，班護士開始既時候仲以為我係99 個女，嗰段時間99 自我照顧能低左，簡單如企響道都企吾穩，更加無可能自己去沖涼，99又愛乾淨，3日吾沖涼洗頭已經係佢極限，所以幫佢沖涼洗頭既責任，就自然落左響我既身上。

其實， 99有返咁上下重量，佢坐左上張椅度推佢去沖涼係好容易整到條腰的，所以當時 C6把口經常話辛苦曬我，會錫我多D……

好喇，十月頭做晒療程 & 康復情況良好，醫生放聲氣話，會短時間內放99返屋企，吾單止 C6，我都好高興。

我高興既係，我吾洗再同62困獸鬥。 62俾我形容為一部壞左既錄音機，少少事佢就會無限 loop 住不停咁講，由吾煩講到你好煩發火都吾收聲的…

再加上62既清潔程度同99比，簡直一個天堂、一個地獄。 C6曾經開過聲話， 99住緊醫院，無謂煮喇 (另一原因係62視力退化，根本睇吾清楚)，但62啋C6都傻照煮，但62既重口味… (如果你接受到一個飯碗麥片落一粒雞精的話，你哋可以做 buddy) 更大件事既係， 62煮完飯洗完碗之後，整個廚房都油淋淋的，本身沒有潔癖的我 & C6，真的頂62吾順。

結果，我同C6每日晚食完飯返到屋企，又要幫62所有餐具再洗一次。

去到 lee 個位大家都發現，叔仔 lee 個人好似無出現過咁既???

婚前不時聽C6講，叔仔無幾多份工可以開到 mpf 戶口 & 佢2兄弟自細就關係麻麻。做家務方面，叔仔俾C6形容為 \"蛋都吾識煎\" 既人，所以我對佢既印象平平。

但響我婚後既觀察，叔仔係好明顯俾6299種壞（6299 根本係直升機家長始祖）自細就同叔仔講，你咩家務都吾識做，你行開吾好阻住喇。結果，叔仔自覺咩都吾識做，吾阻住地球轉就當幫忙，所以永遠吾會做家務。

響99要出入醫院既時段， C6 直頭同叔仔講，你吾好做喇，你留響屋企負責陪99出出入入喇。叔仔每逢周未都去酒店做吓炒散，幫補吓佢自己既開支喇…

10月中左右， 99終於出院，快樂既時光只係為持左不足2星期…… 響某個晚上，我同C6響房，各自玩緊電話既時候，房外突然傳黎一聲跌野聲，心感不妙立即開門一睇， 99響跌左落地撞到後腦流血， lee 個時候當然又係 call 十字車既時候，那個晚上響急症室陪99到天光，醫生再一次收佢上房……

那個星期六係我表妹出嫁既日子，最後當然全日缺席喇，我班親戚係咁問我媽咪，好想知道我為咩吾去飲……

這次一跌99又住左差不多1個月醫院，出入醫院去幫佢沖涼、服侍佢、氹99、氹C6、安慰C6又變成我既指定動作……

我想講，我自己阿媽都未試過有咁好服侍

我不得不相信，我今年工作運極差，我再一次人事關係失去工作…… 我真的無晒自信，什至開始諗我係咪應該轉行???

我終於望到99再次出院，見到佢一日比一日好轉我心都定d，但C6繼續滿面擔心。

響99出院後既安排，同C6嘈過2句，響我既各度立場，要開始放手俾佢試吓照顧自己，始終我哋總會全部人返晒工，得返佢2老響屋企既日子。

屋企又加裝左平安鐘，同響客廳加裝 ip cam……

我當時好天真咁諗，我哋應該可以好好安排慶祝吓我哋第1個結婚周年記念吧！

我明，今年正日係星期日， C6你一定無假放，我一早已經同C6講，我明日你無可能正日同我慶祝，我完全接受提早 / 後補慶祝。

C6 一向係一 \"look\" 木頭，搞浪漫 lee 家野佢識條鐵咩!!!

所以我都講得好白咁俾佢知，我好好好耐無食過自助餐喇、結婚既時候你連求婚都無做，近 lee 幾年送禮物俾我都係手提電話，我好想你送隻鑽石戒指俾我呀，細細細細粒我都好滿足 ka la，戒指吾會好似電話咁過幾年就壞，我又吾追新款電話既。

但我再問C6今年點慶祝， C6最後居然答返大陸按摩，我……

我見到 lee 個答案嗰一刻，真係好吾開心到忍吾住喊左出黎

，我已經黑左C6你2日面，第1年你都咁求奇，過幾年你諗住吾洗慶祝 la……

自助餐，無……
戒指，無……

咩都無你仲問我仲咩黑你面，你返大陸按摩到底滿足我，定滿足你自己可以鬆一下呀？

你完全無理過我感受的，咁多年黎花都無送過俾我我都無出過聲呀!!!

我d要求好過份咩???
吾做晒都做一樣呀!!!

我宜家吾要你送鑽石戒指喇，我自己無咩，你外母我媽咪， N年前我成年就已經買過俾我喇，我仲咩咁吾要面係要你送俾我呀???

我當日會自己約朋友食下午茶自助餐，我宜家吾會再諗住同你食飯呀，你去食西北風喇!!!

食完自助餐我會同朋友直落睇 Snoopy 3D， C6 你自己慢慢BT喇!!!

你連某餐廳換緊Snoopy 你都吾換俾我，我自己換

0 0 0

私人傳訊

forgive?forget?

伯爵府

積分: 15941

124^#

發表於 15-12-19 11:07 |只看該作者

引用：回覆+sue110725+的帖子可能係第一年,+所以

原帖由 catcatbox2012 於 15-12-19 發表
回覆 sue110725 的帖子

可能係第一年, 所以著緊一點, 過幾年應該吾慶祝 ka la

所以曾經有人評論男人「有天災人禍，將求生技能教導女人，大有機會救話整條村；但教男人去求活，男人往往只可做到自救，極限了。」
可能偏頗了，但也不無理由，女人係壓力下往往勇往直前，不顧自己。希望你好好照顧自己嘅需要。

私人傳訊

Nancy20090615

瑪瑙宮

積分: 128874

123^#

發表於 15-12-19 09:52 |只看該作者

catcatbox2012 發表於 15-12-19 00:50
回覆 Nancy20090615 的帖子

又吾可以話卸晒俾我既, 始終去到身體接觸, 同性總會方便一點... 可惜99 2個都 ...

唔只您 99 好命, 佢地幾個都一樣好命, 咩都有您頂.

果時我 ex 99 中風住完沙田醫院返屋企, 我要返工, 我都隔個星期日 (賓賓放假) 要全日照顧佢 (換片, 沖涼, 煮晚飯), 佢超肥, 所以換片, 沖涼, 斗上斗落架車, 係好辛苦. 您重日日重複, 我覺得可以用偉大黎形容.

但人有極限, 有自身的需要, 長期付出同長期被忽略, 對您係壓力, 好唔健康, 所以, 您要間中叫佢地做, 比自己抖下, 一係請個臨時黎到替您的. 我担心長期係咁, 您頂唔住姐.

點評

forgive?forget?

發表於 15-12-19 11:08

私人傳訊

Kristytracy

男爵府

積分: 7348

122^#

發表於 15-12-19 07:46 |只看該作者

加油，你已經做得好好，對99好吾係個個都做得有你甘好，我都替你c6開心，比心機，講哂出黎應該舒服啲啦！

私人傳訊

jump.jump

伯爵府

積分: 19784

121^#

發表於 15-12-19 07:28 |只看該作者

唔好太介懷，我老公試過忘記左我生日，又試過同我去茶餐廳食生日飯，我都覺得佢蠢又傻

優悠在澳洲

私人傳訊

PIGPIG朱

珍珠宮

積分: 31540

120^#

發表於 15-12-19 02:02 |只看該作者

引用：(Sorry+lee+個呻文有點長)這個+weekend+就

原帖由 catcatbox2012 於 15-12-17 發表
(Sorry lee 個呻文有點長)

這個 weekend 就係我倆結婚一周年，但我吾覺得開心。或者應該講，過去既一年 ...

睇完。。好無奈。。個堆磨人既工作，唔係話你唔應該做，但應該親生既平均分配，伴侶呢，再幫下手。。
我爸都有試過好似你99甘，我主動要求親兄弟姊妹大家分配，但主力我自己承擔，我離職，全心照顧爸爸整個療程，甘大個人，幾個月唔做野，唔會餓死既，因為冇野緊要過我呀爸！
呢件事，唔係一個月既事，唔係容易既事，都唔係老憑既事！唔知點解個責任落左係你身上！
我明你點諗，我曾經為左責任去照顧我ex既男友，而家佢過左身了。
同你一樣要返工。。但好彩。。因為所有人都唔想負責任既關係，係個段時間，冇任何一個人夠膽得罪我。。
而ex知道我對佢好，佢對我更加好。。
講開戒子。。真係想車巴你老公！
當時我同ex拍拖，佢多次話想結婚，佢問過我要幾多野先肯嫁，我答佢，一隻一卡既戒子，其他野唔洗了，直接註冊。
之後証實左佢有癌症，佢第一時間唔係去醫，係去買左隻一卡既戒子比我，但係冇提過結婚。。
甘做佢女朋友既我，仲點可能唔同佢行到終點呢！
好多人覺得我對ex好偉大，拍左幾個月拖姐。。其實唔係。。只係人對我好，我對人好！
都好多人話我孝順，但我可以對住燈火講，我非常非常孝順！
見到你甘。。真係好無奈，博頭好重。。但係連一d支持都冇，如果我係你，我真係做唔到甘偉大！