吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 變成港孩係父母既責任?

自由講場今日: 953|主題: 1303192

收藏本版

發帖

返回列表

跳至頁

查看: 3762 | 回覆: 47

變成港孩係父母既責任? [複製鏈接]

12 3

meiyip

大宅

積分: 3505

1^#

發表於 10-11-17 09:58 |只看該作者 |正序瀏覽 |打印

今早湊阿女番學(小三),入lift時已有三人,兩個男人,一個中年,另外一個襯衫灰褲後生仔,加一個工人姐姐(細粒過我).我見個姐姐背住書包,再手提多一個袋...我望下望下,點解唔見番學個小朋友o既?突然見到個後生仔係到開個書包搵野,我先知原來佢地係一齊...我呆左一呆....
原來個後生仔係中學生.個中學生高過我(我165cm),大約我去到佢條頸(佢企我後面),大大隻,又肥肥地.我估應該唔係初中生黎..我同個中年男人忍唔住望左佢一輪..我想睇下個學生係未智力有問題,要人湊番學..(我唔係歧視佢呀)..佢個樣係正正常常o既..
出lift之後,我地同路都係去港鐵站...個工人姐姐行前,個中學生跟尾...我同阿女係佢兩個後面(阿女行得慢).去到港鐵站閘口,個工人姐姐俾番個書包同個手提袋個學生,學生入閘走人..
我問我女,第時你升中學,要唔要媽咪湊你番學?我女話唔洗...我又問:你唔驚咩?(我女係細膽o既人)..佢話驚就坐校車喎...我又問:媽咪湊你唔好咩?我女話:大過女唔洗喇...
由住家去港鐵站,經商場唔洗過馬路..大約5分鐘,等埋lift,最多7分鐘,甘短路程..都要工人姐姐湊...仲要係大大隻隻o既男孩子..所以忍唔住番o黎上bk.寫左呢篇野..問下大家:
"變成港孩係父母既責任?"

0 0 0

私人傳訊

mymarigold

公爵府

積分: 25962

48^#

發表於 10-11-18 09:11 |只看該作者

原帖由 amypekkle 於 10-11-17 18:51 發表

最近呢兩個禮拜我諗到新招, 就係我幫阿仔拎部份書, 佢自己揹書包. 到學校門口就放番晒d書入佢書包.

你呢個方法又幾好喎, 等我又試下先~~
我囝囝讀緊 k2, 我唔會盲目要佢揹書包, 諗起隔離屋個小朋友脊骨彎o左要做手術就怕怕喇...

私人傳訊

amypekkle

珍珠宮

積分: 37007

好媽媽勳章

47^#

發表於 10-11-17 18:51 |只看該作者

原帖由 noodles9112002 於 10-11-17 10:51 發表
係街真係好多說話聽架, 果時個仔k1人又細粒學校書包又大個, 初開學d書一次過派返黎都幾重, 咁佢放學揹住書包出黎, 中午又曬我要攞住傘咪尤得佢揹住行囉, 跟住就多說話聽"音公個書包仲大過個人" "揹得書包多腰骨唔好" 行到唔曬地方收左把傘咪幫佢攞下, 同個仔講明實在太重先幫佢輪流攞下, 又有說話聽 "e家d細佬真幸福有亞媽工人攞書包..." 如果聽佢地講, 真係玩c

我仔仔現在小一. 我自己小學時係父/母接放學, 頭幾年初小父/母有幫我拎書包(小四之後我唔記得有冇), 我覺得好幸福架!

而現在的小學生的書包真係好重. 書又多, 又要拎餐具, (我仔在學校食飯, 不用帶飯盒/壺, 但要帶餐具) 夾夾埋埋真係幾重. (阿仔40lbs, 書包重10-11lbs)
當我發覺原來阿仔的書包佔佢的體重差不多/超過1/4, 我有幫佢揹書包

(因為我真係相信書包太重會影響腰骨. 我真係見過有些小朋友揹著好重的書包, 攪到有點駝背

). 不過又好怕會養成佢冇責任感.

最近呢兩個禮拜我諗到新招, 就係我幫阿仔拎部份書, 佢自己揹書包. 到學校門口就放番晒d書入佢書包.

私人傳訊

helentong

子爵府

積分: 11830

46^#

發表於 10-11-17 18:43 |只看該作者

原帖由 大力大力 於 10-11-17 10:07 發表
變成港孩百份百係父母既責任！！！

絕對係，仔女係父母教出嚟嘅，有怎樣的父母就有怎樣的孩子。

私人傳訊

heichunmum

禁止訪問

積分: 67964

45^#

發表於 10-11-17 18:25 |只看該作者

提示: 作者被禁止或刪除內容自動屏蔽

私人傳訊

heichunmum

禁止訪問

積分: 67964

44^#

發表於 10-11-17 18:20 |只看該作者

提示: 作者被禁止或刪除內容自動屏蔽

私人傳訊

adventure

大宅

積分: 2804

43^#

發表於 10-11-17 15:49 |只看該作者

住我樓下, 有個讀international school 既中學生, around 14/15歲, 每次都要亞媽拎書包, 而個中學生就幫
亞媽拎手袋。真係好肉酸, 兩母子都吾怕醜ka

原帖由 wensi 於 10-11-17 10:32 發表

乜而家d香港男仔有尊嚴ge 咩, 我成日係街見佢地同女朋友law 手袋. 我覺得好樣衰, 可能我老啦!

私人傳訊

mimikitty28

侯爵府

積分: 21747

2024年龍年勳章牛年勳章畀面勳章環保接龍勳章

42^#

發表於 10-11-17 15:11 |只看該作者

我每日坐車都見到一對夫婦(大約30幾歲), 個男人幫佢老婆攞手袋不特止, 佢仲幫個老婆嘟埋八達通, 而佢老婆就兩手fing fing大搖大擺自己上車

私人傳訊

chanwendy

伯爵府

積分: 16903

41^#

發表於 10-11-17 14:51 |只看該作者

令我諗起早前同亞女 (AGE 4) 去游水後, 沖完涼自己著衫, 清潔亞姐覆述有個初中生沖完涼係亞媽幫佢抹身同帶 BRA.

私人傳訊

mymarigold

公爵府

積分: 25962

40^#

發表於 10-11-17 14:50 |只看該作者

原帖由 noodles9112002 於 10-11-17 10:51 發表

係街真係好多說話聽架, 果時個仔k1人又細粒學校書包又大個, 初開學d書一次過派返黎都幾重, 咁佢放學揹住書包出黎, 中午又曬我要攞住傘咪尤得佢揹住行囉, 跟住就多說話聽"音公個書包仲大過個人" "揹得書包多腰骨唔好 ...

講開揹書包, 如果唔重就由得小朋友揹, 太重真係唔好喇....
我隔離屋個小朋友今年讀一年班, 佢就係 k1 至 k3 都自己揹書包, 亞爸亞媽話要佢獨立, 搞到脊骨彎咗, 做物理治療同推拿都唔得, 要做手術...佢亞媽同我講, 好後悔一味要個囡自己揹書包, 咁細個就做手術, 真陰公...

私人傳訊

nintendo

侯爵府

積分: 24316

2018復活節勳章

39^#

發表於 10-11-17 14:45 |只看該作者

If a family is really rich, then they can AFFORD to have their son be a 少爺. Rich people do not even take the MTR, they have nice cars and hire drivers. Some people never wash their hair or cut their finger/toe nails at home. They go to the salon a few times a week and have people do that for them. Well, that is their money and that is their choice.

However, being able to afford to hire a helper is really nothing close to being "rich". So do not act like it is a big deal, and allow children to behave like they are rich families children.

I think this is something psychological. A lot of average families are not even close to being successful at work. They can afford a helper so they want to be treated like kings and queens at home. These people also tend to spoil their kids by asking the helper to do everything for them. This is they only way that they can feel good and get back the "confidence".

Good luck to them. Really wish that their financial status is forever OK. I cannot imagine how sad their kids would be if one day they can no longer afford a helper.

私人傳訊

Ivy07

伯爵府

積分: 19409

畀面勳章環保接龍勳章

38^#

發表於 10-11-17 14:11 |只看該作者

港孩一定係父母的責任，無得推卸，只要自己堅持，又唔係要佢做危險的事，只係一些個人行為及品德的教育，「國有國法，家有家規」，就算三姑六婆點講，我都唔理。
以前去一個親戚到，有親戚話我太嚴，話佢只係小朋友，唔使咁嚴，由得佢，但我無理佢，我又唔係打個仔，又唔係罵佢，其實只係吃飯時唔比佢走來走去，要坐定定，唔比佢同人爭嘢玩，一爭就唔準玩，因為其他的小朋友可以，而我唔比，就覺得我嚴。

私人傳訊

pmhappy

男爵府

積分: 9619

好媽媽勳章畀面勳章

37^#

發表於 10-11-17 13:11 |只看該作者

我都好鬼憎男人幫女人攞手袋, 但係成日見到呢種女人既表情都係好似好自豪咁
你咁諗一d都唔關老唔老事, 因為我做女果陣已經覺得呢個行為好核突.

原帖由 wensi 於 10-11-17 10:32 發表

乜而家d香港男仔有尊嚴ge 咩, 我成日係街見佢地同女朋友law 手袋. 我覺得好樣衰, 可能我老啦!

私人傳訊

~仔仔媽咪~

水晶宮

積分: 51912

36^#

發表於 10-11-17 11:09 |只看該作者

原帖由 hothot 於 10-11-17 10:55 發表
我唔認同，反而因為我懶，所以我教識小朋友自己做，之後我就可以做少一份

係啦,反而父母適當地响某D方面自己懶下,下下都叫仔女自己DIY做,咁樣仔女反而學到更多!

我基本上當我仔好似工人咁駛,我要飲水時就叫個仔幫我斟水飲,開飯時又會叫個仔執枱抹枱同幫手拎飯餸餐具出廳擺好,,,食完飯就叫佢幫手收碗抹枱...

真係好方便架~!出街買野又俾哂個仔拎...(明恰佢...哈哈)...至少個仔無得响呢方面自己旨意人地幫,永遠都係自己黎同佢自己幫人做,我覺得OK架.

食飯嗰度,如果個囝玩偏食甚至唔食,真係唔會迫佢,我只會同佢講一句,佢呢餐唔食就唔可以之後走黎話要買野食醫肚,要食就只可以等下一餐正餐至可以食...食飯啫,無謂當佢好似大爺咁求佢咁求佢開口食囉...

私人傳訊

LedTV

瑪瑙宮

積分: 145619

虎到金來勳章好媽媽勳章醒目開學勳章畀面勳章環保接龍勳章

35^#

發表於 10-11-17 11:09 |只看該作者

第時返工,記住叫佢帶埋工人啊...一陣有d粗勞小小既工作,都有人幫下手

私人傳訊

~仔仔媽咪~

水晶宮

積分: 51912

34^#

發表於 10-11-17 11:02 |只看該作者

原帖由 大力大力 於 10-11-17 10:07 發表
變成港孩百份百係父母既責任！！！

我幾同意...我明白父母天生係會對自己仔女有一份'自疚感',咩都想俾最好佢地,唔想忽略仔女既童年快樂...但真係太服侍周到又過份遷就,真係會愛佢變成害佢.

曾經試過有朋友個仔成日係咪都高八度尖叫,結果連朋友D隔離鄰舍都厭惡佢地,一見佢地打開木門(淨閂鐵閘),就要求我朋友閂門同埋叫佢叫個仔唔好再大聲尖叫(真係好大聲好響又勁刺耳,仲要唔係一兩下嗰隻,係超長聲連環密集式嗰隻)...咁朋友惟有閂埋木門囉,但佢囝D尖叫聲真係太勁,根本木門加鐵閘都減低唔到D尖叫聲浪,,,

我示意叫佢認真要教囝囝減少尖叫(真係要阻止囉...我自己聽佢仔狂叫,我都頭同耳仔都好痛),點知我朋友答咗句:"咁佢要尖叫都無法架!唔通我UM住佢把口唔俾佢叫咩~"

我當堂無言,但我心諗,就係要阻止個仔再咁任意尖叫,UM住個仔把口都要架!個囝又唔係B,都成三歲人仔啦...

同埋有時'愛的教育'既意思並唔係要你'唔可以令仔女唔高興'或者一定要溫柔對待佢、順哂佢地意...你始終係父母,嗰個始終係你D仔女,無得話佢地係咁就無法囉!咁都對仔女無法,咁仔女仲受邊個教仲肯聽邊個講野?

有次响FB分享,有個教會老一輩既教友太太都講,教養仔女真係無可能下下合仔女心意囉!無錯係,我地細個當然最唔想就係亞媽亞爸鬧我地罰我地,邊有人鐘意俾人鬧同罰架,但唔鐘意唔代表嗰D一定唔可以用落自己仔女身上囉...總之個心係真心愛仔女係真心想教好佢地既,我覺得好多時狠心都要架喇.唔可以下下都心軟同仔女妥協.