吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 究竟有左BB需要戒口戒成點先符合社會期望 ...

懷孕前後今日: 0|主題: 329748

收藏本版

發帖

返回列表

跳至頁

查看: 4846 | 回覆: 72

究竟有左BB需要戒口戒成點先符合社會期望 [複製鏈接]

12 3 4

veshmoon

別墅

積分: 873

1^#

發表於 14-12-30 17:06 |只看該作者 |倒序瀏覽 |打印

我知呢個題目好無聊，但成日自己同老公講起都覺得好好笑，各位有左之後應該有深深既體會。

首先，我爸爸係中醫師，而我媽媽係好傳統、農村出身既女性，所以我好相信佢地話邊樣食物涼、有左之後邊樣食得邊樣唔食得，而家我陀住既已經係佢地第6個孫，所以佢地經驗係好豐富。

講講有咩佢地叫我一定唔食得：
薏米、蜜糖 (宮縮)、香蕉、西瓜、花膠 (初期唔得，其實佢地話花膠都唔係特別好，唔使特別食)、梨、豆芽、豆腐花、菠蘿 (佢地笑住口話只係會爛頭o者，其實可以食)、白蘿蔔、龜苓膏(任何時候都唔建議)、例湯 (因為唔知人地用左咩煲)、芒果、筍、蛇(多寄生蟲)、羊(燥)

有咩社會普遍覺得唔食得而佢地覺得冇問題，次次我食都要向其他人澄清一番 (其實點解我要咁做...)：
蝦、蟹(佢地認為敏感同遺傳有關，同媽媽10個月入面只係食過幾次既野冇關)、薯片(因為我寒底，由細到大都食多多都冇問題)、柿、朱古力、辣野 (呢個真係睇個人體質，因為我胃寒)

總括而言，基本上我咩都會食，除左生冷野同濕毒野，心情亦都好好，食得訓得，而家24W只係比有之前重左2KG (因初期冇胃口輕左3KG)，但阿B都係中碼，個個都問我點解肥晒落個肚，我諗均衡飲食好重要。

不過最有趣係聽到身邊人見到我食乜乜時會話「乜你食得呢D咩?」，例如：牛肉、內臟、菇類、朱古力、老麥、薯片、豉油 (OMG!!!)、奶茶、咖啡 (2星期先飲一次tall size，研究話一日上限係150ML咖啡因，反正次次飲親都畀人周到啦...)。

唉，大家唔好迫我地呢D大肚婆啦，食野都要鬼鬼竄竄，我地唔係苦行僧呀。你地有冇聽過好好笑既「乜你食得呢D咩?」

0 0 0

私人傳訊

kitkitboo

男爵府

積分: 5116

2^#

發表於 14-12-30 17:16 |只看該作者

係，我覺得我好似有病多過有左。
聽到邊樣又唔得，果樣又話唔好。

我都無乜太大介口，基本話濕毒，凍野，某些海鮮無食，其他都有。
我只係見有D媽媽食左一口朱古力又話好內疚，食左一次麥記又話後悔，打邊爐又話唔好，其實係唔係要咁誇張呢.....

不過各人想法不同，只要過到自己就得。壓力咁大為咩呢？

私人傳訊

Dragon_baby

大宅

積分: 1690

3^#

發表於 14-12-30 17:20 |只看該作者

回覆：究竟有左BB需要戒口戒成點先符合社會期望

係law~ 都唔明久唔久食朱古力，蝦，麥記果D都話唔食得～又唔係一日三餐都食～不過我唔理人地點講，我照食～

我只戒高危果D~

私人傳訊

mellotune

大宅

積分: 1139

4^#

發表於 14-12-30 17:23 |只看該作者

係呀，D人真係好搞笑，成日睇我食咩, 食個煙肉蛋早餐都俾同事話我狠得仔，其實我2個月冇食過啦.... 唉，唯有諗其實都係關心先同我地講。朋友同事我就笑笑口話，係呀，食得𠺢。自己媽咪、奶奶, 我就偷偷地食，因為我唔想嘈，唔想R, 又唔想佢地形住我食左xx會出事。其實大肚好辛苦，難得有D食得又想食的嘢，就由得我啦....

私人傳訊

lico

複式洋房

積分: 413

畀面勳章

5^#

發表於 14-12-30 17:26 |只看該作者

有你咁講，我就放心好多啦
老公好緊張，咩都唔食得

不過白蘿蔔 & honey 我都有照食 wor

私人傳訊

ho-liday

子爵府

積分: 10677

我的育兒心得勳章想生BB熱投

6^#

發表於 14-12-30 17:49 |只看該作者

回覆：究竟有左BB需要戒口戒成點先符合社會期望

木瓜呢？的確有個姑娘同我講，木瓜可吃芒果可免則免。謝分享

吾意愛而不錮，尊而不評，同而不擾，邀而不迫，離而無怍，論而不責，助而無犯。得此相待，方互澤潤

私人傳訊

Maygo

男爵府

積分: 7159

7^#

發表於 14-12-30 18:10 |只看該作者

我中醫話蜜糖食得，吓！原來會宮縮

私人傳訊

veshmoon

別墅

積分: 873

8^#

發表於 14-12-30 18:11 |只看該作者

本帖最後由 veshmoon 於 14-12-30 18:13 編輯

木瓜有酵素，如果你個胃本身唔好就唔好食喇，因為落木瓜燘野係會快D稔，證明佢幾傷胃 (我都食過一次，因為阿媽話食得...)。

千祈唔好因為我話食得咩就去勁食，其實樣樣都唔好過量，而且人人體質都唔同，同埋真係唔好食生冷野，李斯特菌好惡架嘛。

之前D同事話「D人話食朱古力生個B會黑」我聽完覺得好無稽，話「我唔信囉」，而心諗黑又點呢，生女就話o者。後來我老公話人地都係關心你o者，你咪是但答句「係咩係咩?」咁就算，所以而家我都唔放在心上喇，而且D同事都知我咩都食(不過見到我食少少蟹都會白眼我)

。但係我本身又唔係特別鍾意食蟹，但蟹肉忌廉湯呢D就照飲照食，大閘蟹就因為激素太勁，已經戒左幾年所以有左都冇食。

我諗蟹真係第一位公認唔食得既野。

私人傳訊

veshmoon

別墅

積分: 873

9^#

發表於 14-12-30 18:17 |只看該作者

同埋大家有冇勁食D咩?我識好多過來人話一日食一兩隻烚蛋，連黃，又話阿B會白又話會硬淨D，我明蛋白質係好重要，但雞同豆都有蛋白質，我接受唔到日日好似練大隻咁食幾隻蛋囉!

而且醫院D姑娘都話，蛋呢D好似平時咁食就得，都係跟返食物金字塔就OK。

私人傳訊

katysimon

複式洋房

積分: 291

10^#

發表於 14-12-30 18:33 |只看該作者

回覆：究竟有左BB需要戒口戒成點先符合社會期望

哈，我試過去食拉麵，俾錢時個收銀哥哥同我講: 你可以食呢d 野咩？
我即時呆咗，拉麵都唔食得？？

私人傳訊

怪獸青BB

珍珠宮

積分: 33824

11^#

發表於 14-12-30 18:55 |只看該作者

回覆：究竟有左BB需要戒口戒成點先符合社會期望

其實bb膚色同父母膚色有關吧，如果兩個本身就黑，點會生到個白雪雪嘅BB呢？唔明

私人傳訊

karman0723

大宅

積分: 1208

12^#

發表於 14-12-30 18:59 |只看該作者

回覆：究竟有左BB需要戒口戒成點先符合社會期望

agree
成班朋友打邊爐fb比人tag 就一定有人留言大肚就咪食呢啲
同成班親戚食飯又要叫到成台佢地認為我唔食得嘅送
又要叫我去食
嬲到爆炸

私人傳訊

初八哥

別墅

積分: 711

13^#

發表於 14-12-30 19:14 |只看該作者

咁你信唔信清胎毒呢樣嘢㗎？

私人傳訊

EstrellaDamm

水晶宮

積分: 53939

14^#

發表於 14-12-30 21:02 |只看該作者

我冇理人點講，自己衡量。

長輩有嘢講都算，最怕朋友都多意見。

私人傳訊

KE11

男爵府

積分: 8480

15^#

發表於 14-12-30 21:28 |只看該作者

食，自己覺得無問題咪 ok lor
好多 “媽媽“, 準媽媽“ 話乜乜乜唔食得，
另一個 opposite 聽過，就係醫生叫佢唔好食（已中唐尿），仲係咁食甜

但我覺得，自己食左無唔舒服咪就 ok lor

食，最緊要均衡

29/08/2014, BB born @w14. We will always love you & hope you rest in peace

私人傳訊

elong

伯爵府

積分: 16847

16^#

發表於 14-12-30 22:10 |只看該作者

引用：我知呢個題目好無聊，但成日自己同老公講起

原帖由 veshmoon 於 14-12-30 發表
我知呢個題目好無聊，但成日自己同老公講起都覺得好好笑，各位有左之後應該有深深既體會。

首先，我爸爸係 ...

營養師話朱古力/朱古力奶會阻礙鈣質吸收
佢提我只要唔係經常食都ok嘅

私人傳訊

veshmoon

別墅

積分: 873

17^#

發表於 14-12-31 11:52 |只看該作者

我信有胎毒，但唔係人人既胎毒都係以同一樣既野去清，例如白蓮蘇、腐竹蛋、龜苓膏、涼粉，好多野太涼唔係人人食得，有人又見暈又剩，如果唔清楚自己體質，食左清唔清到都只係心安理得o者，所以最好都係問返中醫師。

無錯，好多時食飯朋友都好好心問句「你有咩唔食得?」我就答咩都食得，其實一碟入面自己有野唔食得咪唔好夾或者食第二碟囉，冇咩所謂o既。

私人傳訊