吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 終到我寫感受喇～～

想生BB 今日: 7|主題: 109098

收藏本版

發帖

返回列表

跳至頁

查看: 3372 | 回覆: 56

終到我寫感受喇～～ [複製鏈接]

12 3

bunnypim

大宅

積分: 2113

1^#

發表於 15-8-16 15:19 |只看該作者 |倒序瀏覽 |打印

我同c6結咗婚好耐（2003），初期c6話未玩夠所以唔生住，過咗兩年後我爸爸出咗事，全副心機去照顧佢，所以又唔生住，到爸爸過身後，c6話驚自己未定性所以又係唔生住。。。終於去到2012年（當時我已經34歲），大家終於有共識要生喇，試咗成年都係唔得，所以2013年我地就去家計會驗身睇不育。
家計會：
第一次睇：醫生問我嘅月經週期，幾耐行埋一次，同埋雙方驗血。醫生俾咗體溫紙，要我每日定時探熱，另外亦叫我要每次月經後驗尿check排卵。
第二次睇：醫生睇番我張體溫表，發覺我嘅體溫唔夠高，所以開咗一個cycle嘅排卵藥俾我，睇下幫唔幫到；另外要繼續量體溫另外c6要驗精，我就要照輸卵管。
第三次睇：講番檢驗報告，發現原來c6嘅精子各方面都唔合格報告我做咗驗血，照輸卵管

0 0 0

私人傳訊

catcat2056

男爵府

積分: 9752

2^#

發表於 15-8-16 15:54 |只看該作者

回覆：終到我寫感受喇～～

留毛

私人傳訊

alice215

大宅

積分: 2214

3^#

發表於 15-8-16 15:56 |只看該作者

回覆：終到我寫感受喇～～

如果高齡建議排定私家。。。因為好既醫生要排好耐。。
家計會無咩用

私人傳訊

bunnypim

大宅

積分: 2113

4^#

發表於 15-8-16 16:56 |只看該作者

回覆：bunnypim 的帖子

續二：
（更正：我地應該係2012年睇家計會）
第三次睇：講番檢驗報告，發現原來c6嘅精子各方面都唔合格；而我嘅輸卵管亦懷疑有一邊塞咗。所以醫生話唔需要再試排卵藥，佢直接寫信俾我地去瑪麗排ivf。
即日去瑪麗，姑娘話最少都要排兩年。。。唯有等啦～～

2014年4月終於收到信喇，通知我地6月去見姑娘同埋聽講座。
2014/6/6：今日見醫生主要睇番之前嘅報告，問我地係唔係想做ivf，同埋話我地可以試咗iui先；但我地唔想再徙時間，所以決定直接做ivf。醫生收咗我地個症，排咗9月做。
2014/6/19 : 呢日做打水照超聲波，make sure子宮內一切正常，唔會影響著床。
2014/7/25 : 聽講座（主要係解釋咩係ivf同iui，有咩針要打，有咩手術要做）。聽完後安排見醫生，醫生俾咗份文件我地簽（主要係話我地同意做ivf，亦明白當中會有風險）；另外俾咗21日避孕藥我，叫我下次黎m就打俾姑娘，姑娘會教我幾時開始食。
2014/8/9：開始食21日避孕藥。
2014/9/3：黎m，打番醫院，叫我聽日返去照超聲波。
2014/9/4 ：照超聲波+驗血。第1日開針前，醫生照咗卵巢，見到每邊有5個卵泡，跟住就打第一支針。
204/9/5 ：今日正式打針。（我無揀另外自費針藥。自費較貴，針嘴幼，可以自己係屋企打；standard嘅針係普通嘅藍色針嘴，要日日返醫院打/搵屋企附近嘅醫生幫你日日打）。每日7:30去到，8:30前就走得，跟住返工。
第6日：開始要打兩針，一針pat pat，一針肚皮。
第8日：再照超聲波，發現卵泡嘅量同size都未足夠，要加劑量。
第11日又照超聲波：左邊只得1粒，右面就有10粒，但得4粒合格，話要打多兩日針，隔日再照。
第13日：左邊完全無反應。醫生決定今晚十點返醫院打破卵針，隔日一早就要返醫院做抽卵手術。
第15日：抽卵。因為有打鎮靜，所以抽嘅過程唔痛，最痛都係喺手打黃豆同埋打藥入去粒黃豆個刻。10點幾做，做完休息到3點就可以返屋企喇，不過做完個肚感覺好脹好唔舒服，行路要好慢好慢。
第17日：今日返去放受精卵。做前姑娘話俾我地知，抽卵當日抽到6粒卵子，6個卵子中得兩個授到精，算係靚嘅，其餘4個唔識同精子結合。。。即係得一次機會！今次唔駛鎮靜麻醉，放嘅時候，姑娘叫我望住個mon，指俾我睇話光光地閃閃下（因為有培植液所以反光）嘅就係胚胎嘅時候，有啲感動想喊呀！！！做完休息咗一個鐘就走得喇！

私人傳訊

鬆弛虹貓

大宅

積分: 1438

5^#

發表於 15-8-16 17:05 |只看該作者

回覆：終到我寫感受喇～～

留毛

私人傳訊

bunnypim

大宅

積分: 2113

6^#

發表於 15-8-16 17:07 |只看該作者

回覆：bunnypim 的帖子

續三：
做完放胎之後，每日都早晚兩次塞藥（姑娘話係荷爾蒙，話可以制做一個好嘅環境俾個胎）。
我係9/21放胎，醫生安排10/6返去驗尿。
2014/10/6 ：驗尿positive，我得咗喇。不姑娘話要每兩星期返醫院照超聲波，最少照兩次，confirm個胎係成長緊先叫成功。咁唯有慢慢等啦。
之後分別照咗2次都confirm個胎係成長緊，終於醫生寫紙俾我證明我係有咗喇！