我巳家廿四歲,今年年頭係某銀行買左份儲蓄人壽保險
一年供24000,由第二年開始每年派5463蚊比我,供12年就唔洗再供
儲蓄個PART
如果12年後,唔拎「保證現金價值」筆錢,保單會不斷生效,而紅利個D亦可以不斷複利滾存,亦可隨時拎返。
人壽個PART
供緊第一年,假如我死左有91054,每年會不斷加上去依個身故賠償。
希望大家可以幫我分析:
我覺得份保單名為幫我儲蓄,但實際上都追唔上通脹,就算我供足12年之後,如果我個陣都唔等錢洗,好老實講都只會繼續複利,唔會拎錢走人,但就算點複利我諗都係追唔上通帳。
我要供足十二年,D錢又唔可以靈活咁運用,就算死左個保障又唔多..點好?
我巳家月入14K左右,你地覺得24000架保費會唔會太多?有無必要減少供款?或者你地覺得我應唔應該供呀?
如果我巳家停供,咁我就只有1年架所謂人壽保障,同白白付出的24000保費,1蚊都拎唔返。
求大家比D意見,謝謝