自由講場今日: 215|主題: 1304555

收藏本版

發帖

返回列表

跳至頁

查看: 10399 | 回覆: 131

12 3 4 5...7

積分: 46774

2024年龍年勳章

1^#

發表於 17-3-26 18:06 |只看該作者 |倒序瀏覽 |打印

本帖最後由 bobomia 於 17-3-26 22:37 編輯

洗錢唔想受氣就要小心！
《服務態度惡劣 + 侍應幫熟客霸位，唔俾生客坐》

上兩個星期同家人去了荃灣城市中心1期（千色匯）6樓嘅富XX港飲茶，我地坐44號枱。
一去到，我問個阿伯有無人坐，佢話有，指我去對面張枱（44號枱），話果度無人坐嘅，
咁當時有一個阿婆坐0係44號枱果度，我問佢有無人坐？佢支吾以對話有人，同時間有個侍應A（粉紅色衫短頭髮，d頭髮去到下巴位置）走出來話張枱（44號枱）有人嘅，咁我就轉身走人，就在此時，一個阿伯到左，侍應A見到阿伯來到，即刻同阿伯講話“有位喇坐呢度吖！”（44號枱）

我見到就即刻話“有無搞錯？

明明我到先嘅，就唔俾我坐，佢遲來就俾位佢坐”，咁呢個時候我附近有個穿棗紅色衫嘅侍應阿姐（姓向嘅女士），同侍應A講“俾佢坐（意思係指比我坐）”。其實阿伯一個人佢坐邊無所謂，佢好好易話為，係個侍應A要自己同阿伯霸位，講真我地3個人唔係咁容易搵位。

就係咁樣我先可以坐0係44號枱，等左好耐，侍應A都唔過黎幫我收拾碗碟同開茶。其實當我坐低之後，附近有幾枱人離開，咁好快有其他客人坐低，侍應A就幫其他幾枱遲來嘅客人收拾開茶，但都唔過來幫我地整。過左好耐，侍應A終於過來同我地執枱，但佢淨係執2個位（當時我同另一個屋企人先到攞位，我阿媽未到），我話我地有3個人，侍應A就話個位係有人嘅，佢留返d杯碟唔執就走左去，我問同枱個阿婆，佢話其實上手已經走左，個位係無人嘅，咁我即刻知道咩事，又係玩幫熟客霸位，侍應A一直都唔順氣，因為我坐左落去佢原本幫人霸位張枱到，所以佢遲遲唔過黎幫我地收拾開茶，仲要繼續幫人霸位。熟客有得坐，生客無得坐，咁唔公平～飲餐茶都要睇咁多面色，受咁多氣，咁嘅服務真係搵鬼幫襯喇～

我之後打電話去客服到投訴過架喇，佢話d枱可以預約嘅，有預約嘅應該有白紙黑字，有就拿出證據來！呢間酒樓唔係第一日咁樣幫熟客霸位，係成張大枱咁霸都得，大家有眼睇架，唔好以為人地盲嘅～客服小姐話會覆我，過左咁多日人影都唔見（故事未完）

0 0 0

私人傳訊

bobomia

珍珠宮

積分: 46774

2024年龍年勳章

2^#

發表於 17-3-26 18:11 |只看該作者

本帖最後由 bobomia 於 17-3-26 22:35 編輯

跟住我媽來到，佢見到佢個位未執無坐落去，我將個位嘅點心卡反轉睇真係無人嘅，等我仲以為個果人行開左，我收起將點心卡，叫另一個侍應幫我收拾d野，咁先有個位俾我媽坐。

我媽見到棗紅色衫嘅向小姐，就問佢”唔該得唔得閒啊？“ 咁向小姐就話”等陣啦！你見唔到我整緊野嘅咩？你問我得唔得閒，得閒我就黎架啦，不過我無話我宜家得閒wo”

嘩～問一句頂9句，d服務態度真係非常之咁好啊！跟住我媽回佢“我問你得唔得閒姐？又唔係叫你即刻過來整”老實講我地來到好耐，遲來嘅客人乜都搞掂晒，但我地連茶都未冲，點心卡都未有。。。跟住向小姐就話“使唔使搵個專人黎服侍你啊？想快嘅就自己佢冲茶咯”

嘩～請問呢d係咩態度啊？

跟住我嗎就回返佢，向小姐又繼續一言九頂，駁嘴，我唔係第一次見到呢位向小姐同客人駁嘴架啦，我媽一向同所有人都好好，好來好往，估唔到向小姐有本事撩起我媽把火，2人一直口角，我走去睇向小姐個名牌準備向經理投訴佢，向小姐側身不給我睇佢嘅名牌，名牌名子特登寫到咁細應該係該公司經常接到投訴，驚應付唔切？

我知道向小姐嘅名字之後（棗紅色侍應服），即刻搵黑色衫經理投訴，我叫經理即刻停止2人口角，但個經理無理到，佢繼續企0係原地，咁我唯有繼續同佢講返件事啦。佢問我係咪44號枱，佢話佢本人答應左會陣間去開茶，頭先未得閒去。。。奇怪喇，根本果2行係侍應A負責嘅，佢自己唔去仲要叫經理出馬？

但重點是（1）侍應A屢次幫熟客霸位，對先來嘅客人唔公平，仲特登唔幫我地收拾開茶開點心卡，先引起後面嘅問題（2）向小姐態度惡劣，自己心情唔好，就向客人發脾氣，仲要一言九頂，駁嘴駁舌，咁嘅服務態度點做服務性行業啊？