原帖由 898998 於 09-9-30 06:22 發表
andy...........???
一個以前曾經响BK推介股票的人.
果時遇著大升市, 咁好彩推介乜都升, 後來個個跟佢買股票, 點知市道回落, 遇著大跌市, 推介乜都跌, 仲要佢推介果D股跌到得人驚, 市升都仲要継續跌果隻, 不過佢有比埋止蝕位比大家參考, 大家可能唔捨得止蝕, 結果BK好多媽咪蝕到血都嘔, 有D蝕5位數字....
之後有D人响度呻下話蝕好多, 點算....等等........其實蝕錢好自然會呻下唔開心, 咁andy見到D內容或POST覺得不是滋味, 之後就潛水消失左..................有D人仲揸住佢介紹果D潛水股未走得切....包括我自己
其實無得冤0既, 因為佢都無迫我地買, 係我地大家做羊仔, 人買我又買心態, 嚟一次真係血的教訓.
補充:
嚟樣野屈左响心裡邊, 不吐不快, 吐左又怕被人圍剿, 因為andy响嚟度曾經好多fans架.
有一樣我好唔開心就係, 佢推介一隻#810比我地, 然後爆升上去之後, 佢自己响高位放左一半貨無同我地講, 到嚟隻#810回落之後, 大家問佢點算, 後期佢先話比我地聽佢响$0.34放左一半貨但趕唔切通知我地(放貨當日趕唔切通知我地, 幾日後都可以話我地知姐, 等我地仲做傻婆期待升返)..........................到有一日隻#810有個似樣D反彈, 佢叫我地快D走晒, 佢自己已經响果日走晒隻股票, 但好多人仲蝕緊根本唔捨得走.
其實我覺得佢有D似揾我地托價自己出貨, 我咁唸可能會有BK媽覺得我衰, 不過就以上嚟個行為, 我真係好唔開心, 蝕無所謂, andy係無叫我地跟, 不過介紹左比我地之後, 等個價升到高一高, 自己靜雞雞出貨又唔講一聲, 等血河成流, 哀怨四起先出嚟同人講..................有種被欺騙的感覺.
怪只怪自己無去思考, 人講乜就信乜, 做左羊囝, 自己抵死
[ 本帖最後由 mrsdoh 於 09-9-30 10:27 編輯 ]
皆さん、こんにちは......我係居住於日本的C9仔.
閒時鐘意炒下股, 上網shopping.
願望係提早退休唔駛做(即係C6發達)....發夢中.ハハハハ