大仔大女媽媽會今日: 0|主題: 177860

收藏本版

發帖

返回列表

跳至頁

查看: 1461 | 回覆: 6

[2005年] 2歲生日第一次去玩沙 [複製鏈接]

Katie_mama

複式洋房

積分: 249

1^#

發表於 07-7-21 15:17 |只看該作者 |倒序瀏覽 |打印

昨天(20/7)是我囡囡2歲生日, 起初都頭痛着帶佢去邊度玩, 令佢十分難忘, 如去迪士尼或海洋公園, 我怕曬到佢發燒, 因之前帶佢去西貢玩, 可能曬得耐返到屋企就開始發燒, 足足病咗成個星期。所以最後俾我想到去EMax新開幕的室內沙灘堆沙, 因為我一路都未帶過佢去沙灘玩, 囡囡只係在頭腦上認識, 真正接觸都係今次.....

第一次去到見到有d家長帶埋小朋友入去玩, 有櫈仔、沙灘椅及堆沙玩用具免費借用, 聽d工作人員講週末及假日有專人教你堆沙, 當然有最舒服的冷氣....都幾凍吓!

首先我哋同Katie換上T-shirt及吊脚褲, 跟往除鞋拖住佢行等作感受吓d沙句係點, 還向她介紹呢d係沙(Sand), 佢一路行一路摩腳,幾搞笑, 後來佢都望咗一輪先落手玩, 後來爹哋用沙蓋住佢到腳, 要佢好大力先見番對脚, 愈玩愈開心, 那處有隻大海龜水泡, 爹哋抱佢上去坐, 用力搖來搖去, 不知幾好玩。

玩沙的時間其實是她的午睡時間, 但她一路玩, 直至換好衫之後, 一俾爹爹抱上身就即刻瞓着, 就知佢幾疲倦。

跟住搭免費穿梭巴士返將軍澳屋企, 幾方便。不過以我的意見認為新幕d沙都算乾淨, 去到俾我想像中面積細, 但去一次無妨。

囡囡的生日, 最深刻是佢怕火, 因為首先我哋先取了Hello Kitty生日蛋糕與她影相, 她都非常開心指着蛋糕叫Kitty, 後來點起兩支爉燭時, 佢已經有d驚, 我哋立即唱生日歌引開佢注意, 婆婆還快快手攬着佢一起吹熄爉燭,等佢唔好喊, 當然食生日蛋糕是佢最開心的時候, 好彩我無買有火花出的爉燭。所以提吓各位媽咪, 同囝囡搞生日會最好試吓小孩子怕唔怕有火的爉燭, 費時到時喊着唱生日歌!