elaine819 發表於 14-6-10 23:52
千其5好咁早教佢企喺度尿尿，因為大部分幼稚園都係坐喺度尿尿，宜家暫時教佢坐，等大啲，明白多啲野果陣先 ...
唔好介意, 我從事教育服務身邊好多都係教育界的, 以我見到, 幼兒/幼稚園好多都已經叫小朋友企係度去. 男廁已有企廁, 大家open day或interview時不妨步參觀下
我兩個仔的讀的幼兒/幼稚園都係叫佢地企係度去, 女仔重會教佢地自己點樣撈起條裙坐上去,去完拿廁紙抹乾淨o架.
題外話: 好多朋友問我點揀幼稚園, 其中一樣我會叫佢地睇既係廁所, 我會揀男女廁分開的 (即男女廁不可以是同一個門口入左去, 再用磚牆分開左右兩邊), 自細俾小朋友知道男女有野別, 男仔入男廁女仔入女廁, 已成為生活一部分, 日後就不用好辛苦去再教.
講返toliet traning, 我睇外國的幼兒成長教學論,唔需要比較或指定小朋友幾大就去start training, bb識自己坐低,企起身及行路自如, 又明白什麼是小便就可以試下開始. 我兩個小朋友都係18個月左右開始train, 約兩個月後成功戒日片.
男女train法有少少不同, 先講女仔. 唔需要用potty仔, 簡單買一個小童廁板放在大人廁板上面用就得.剛開始日頭不著片, 不斷同佢講急小便要帶媽咪去廁所, 唔好瀨尿, 亦唔好一開始就定時定候帶佢去試痾, 因為咁樣小朋友唔知急尿係咩感覺, 亦都唔知咩野係忍尿同瀨尿. 正常情況下頭2星期都會次次瀨, 唔好嫌麻煩抹地亦唔好放棄, 每次瀨尿後不斷話佢知咁樣就係”瀨尿”(但唔好鬧佢), 抱佢去浴缸後唔好即刻同佢除褲洗pat, 等佢up住一陣(可以數20聲), 一直話佢知”係呀, 瀨尿後up住唔舒服又臭 (我會除條尿褲俾佢聞返)之後先同佢沖涼換衫. 其實, 如果有意識的話, 瀨多幾次小朋友就知急尿感覺係點, 亦會慢慢在不知不覺間訓練緊佢地忍尿.一般過程係由瀨左先知, 到一路瀨一路行緊去廁所, 到行到半路先忍唔住瀨, 到最後係一除褲就痾個pat pat都未坐上廁板到(遇冷空氣會更急). 但相信最終都會成功.
到男仔, 除左廁板外(大便用), 建議要買多個尿兜. 我以前係買個小企凳放係大人廁所下面 (因幾年前未有尿兜賣),其餘做法一樣.
我支持去”廁所”係真係要入廁所, 如果為方便買個potty放廳, 小朋友就唔知道去廁所其實係一件好私人既事,唔俾外人睇得. 就算個potty放返入廁所, 另一個會出現既問題係, toilet traning要做兩次, 一次係potty, 一次係廁所入面既座廁. 在幼兒/幼稚園內, 見過唔少小朋友, 男既唔識企係度痾(因為未試過, 及見過尿毛兜係點, 埋到去會玩個尿兜多過去廁所), 有d好少少坐廁都肯去, 但十幾個男仔排幾格好多忍唔住排緊時已瀨左. 最差既情況都有, 就係唔識/唔敢上座廁痾, 喊到死一定要搵potty. 女仔問題就簡單d, 只得一個: 在家坐慣potty就唔識/唔敢上座廁痾.
發表於 
我囝囝日頭係99家度，晚上就會接佢回家，假日都會在我家由我湊，我99好有自己一套，唔會同我配合一齊年用同一方法去幫囝囝介片，唉，好頭痛!
雖然我都係, 但因讀過相關課題, 其實男仔去企廁係有技巧的, 並唔係就咁企係度. 
返回列表
