第一次睇咗有線收費電視8年，收費貴加上垃圾台太多太多，早已全無價值可言，決定cut單。上網搵唔到下載表格，只可以打電話到公司要求cut單，對方話只可以接受申請人親自cut單，因為係阿伯申請，只好叫阿伯自己打電話，但是阿伯無耐性，打了一個月電話都打唔通，話根本無真人同佢講嘢。我當時決定遲工退休，有的是時間，決定自己同有線玩過，日間打通都無用，有線話好忙就要cut咗我線，只叫我留下錄音資料，我留了多次但音訊全無。之後，我選擇半夜三更打電話，應該冇咁多人同我爭，結果都要花了幾個鐘；重要手握著電話又等一個鐘才等到真人接聽，一聽到我話要cut單，對方照例問我好多無聊問題，我立即叫醒阿伯同佢講，又俾對方悶咗半個鐘，講到阿伯發老脾大鬧，才收到對方正式回應。再花了接近兩個月，才成功完結這次惡夢。
第二次，又係阿伯惹的禍，話要睇NBA，我見只是幾十元一個月，算啦俾佢申請，不過，今次申請人一定要寫我嘅名，方便以後同佢地(有線)玩餐飽，咁大間公司都要用啲咁下流手法經營，在香港做收費電視台都算可悲。睇了幾年有咗之前經驗，今次輕鬆咗好多，對方照例同我講耶穌，我同佢講︰我同耶穌都好熟請不要在這裡愚弄我。佢問我好多無聊問題，我每次的回答；可謂悶到對方真係想死俾我睇，卒之悶到佢頂我唔順︰得啦我明架啦，到時我會寄一份申請表俾你，請填寫好之後，fax俾我地就得啦，點知我一聽到佢地講fax，又再悶佢︰點解你地咁落後架，公司竟然重有fax機咁老土？‥你地係乜鬼嘢公司嚟架？‥相信佢地都俾我氣到要爆。結果的是，又一次同佢地玩了接近兩個月，終於同有線永別。
我真係好同情昨天嗰個男仔遭遇。
me 2
發表於 
，咬足兩個鐘叫佢退錢，佢地唔退，淨係識得問，有咩可以幫到你，我：我要退錢，有線答：退唔到錢。我：我知呀，不過我都要打黎。如是者，我玩足两日，佢地問我想點，我：我要退錢，佢地答：退唔到錢，我答：我知你地唔退錢，我都要打黎咬下你地。
返回列表
