回覆：「記錄」一個複雜嘅家庭！
本帖最後由 Nicolelovebaby 於 14-10-8 16:43 編輯
到咗細仔補擺結婚酒當日：
接新娘都接咗4、5個鐘，因為細仔外父外母要跟足所有禮節嘛（怨聲載道，幸好我&老公無去），乜禮節我就唔知，只聽到99喺度呻：“求求其其就得啦，xx又要求買呢樣買嗰樣，乜都要做到足……“
到中午：
同所有親戚食完個午飯，見無乜嘢，送咗老公個爺爺嫲嫲番屋企，傾咗幾句，然後我同老公就閃人，番屋企瞓咗個下午覺。瞓醒後有幾個未接來電，62打嚟嘅，老公跟手打番過去。
老公：“打畀我做咩？“
62：“打畀你做咩？成個下午都唔見咗人，又唔見你嚟幫下手……“（唉……竟然好惡咁閙人……）
62&老公嘅關係：
老公不太喜歡62，到外國咁多年老公無打過一個電話畀62。因為62由細到大對老公好差， eg：喺老公細細個時62打老公打得好犀利；早上飲豆奶62會無端端搶咗嚟倒咗佢，唔畀老公飲；到外國生活後老公自己一個到依家住緊呢個市搵咗份工，after interview，大概要等三個星期先有答覆，期間62責怪老公坐喺屋企，唔搵嘢做，唔支持老公不單止，仲話畀$2000usd老公，叫老公走，以後無番嚟，等等等等……
講到呢度，講聲Sorry，我對結婚擺酒，禮節上嘅認識真係白痴一名，我老公就更加唔使講，喺外國咁耐思想已西方化。心諗：時間已經過咗大半日，所有嘢唔係已經搞掂晒？仲有啲咩要做？
事後先知，原來99同三姑六婆去晒set頭，化妝，打扮到靚一靚，準備晚上接待60幾圍親戚。係咪就係因為咁，所以怪老公下午無去幫手？（我不懂）
到晚飯見到99，三姑六婆，個個都怪我&老公成個下午唔見咗人。佢哋個個講嘢都會誇大幾百倍，搞到我哋成咗千古罪人咁。之後駛咗老公去迎賓，見無幾耐老公戇居居咁行番入嚟，
我：“做咩又行番入嚟嘅？“
老公：“大把人企喺出面迎賓……“
其實係老公唔太中意同人soso，仲要係唔識嘅人……（太耐無見佢已經唔記得晒d親戚lu）
嘿嘿，我係一個好中意睇新娘嘅人，我覺得做新娘嗰日係最幸福最靚嘅，就8卦行出去下個新娘，咁啱，我同新娘擦身而過……
只見佢兩手抓住下身裙擺，一邊行，然後好自信咁“掘“咗我一眼……
心諗：發生乜事？我得罪過你嗎？定係向我示威？haha又係一名膚淺之人。
埋位喇：
老公一直痴住我坐嘅，三姑六婆就逐一走嚟叫老公坐主家席，老公：“唔坐！“（堅定嘅態度），之後62走過嚟叫老公，仲吵咗幾句，吵咗乜我唔記得，但以老公嘅性格又點會聽佢講……
我家人係同我坐一圍，忽然講笑：
我細佬離遠見到細仔：“你（我老公）同你細佬都幾似樣喎，你細佬都幾靚仔喎……“
我家姊：“咩呀，佢（我老公）靚仔啲……“
我細佬（360°轉態）：“呀！唔係，都係你（我老公）靚仔啲……“
（細佬360°轉態，成台人都覺得佢好好笑……）
然後細佬又講：“咩呀，討好你（我老公）好過討好佢（老公細佬）呀嘛……“ （我家人講起笑嚟都係咁，但事實上我家人都會企我呢邊100%支持我……好安慰！）
老公同我家人傾到好開心……！
我&老公好似變成當晚嘅主角？
皆因三姑六婆都帶住我&老公喺男家親戚面前soso，逐一逐一咁介紹，我哋當然識do，全程喺親友面前有講有笑，就係咁樣笑咗成晚，個嘴好似硬咗咁。
當晚嘅女主角可能公主毛病發作，敬茶時全程黑住個面。得罪講句，佢係我咁耐以嚟見過最醜嘅新娘！（續……）
5W1D，無胃口，瞓5好，肚好似M痛，體重輕咗1磅!
發表於 
返回列表
