我仔仔都係佢一歲時試過入廣華,但係過程勞氣,向醫管局投訴又不了了之冇下聞。
佢果次入廣華係因為發燒(104),成個人呆哂又唔食到野,食乜嘔乜。由朝早9:00到達A&E,要到12點NOON先上到病房。A&E醫生話照完肺片,懷疑肺炎。
上到病房等左好耐(約2點)先有醫生睇。其間冇藥食過,退燒藥都冇。我老公又係要求吊鹽水,但佢地又唔肯。我仔仔連飲水都嘔...我骨LA都赤埋。
到4點,終於問到一個姑娘羅退燒藥,但係仲未有其他藥食。我老公即刻發難渣,同姑娘嘈起上黎。個姑娘話小朋友病唔一定要食藥,可以用佢自己既抵抗力打底D病。我老公聽完即時仲嬲! 答佢: 一個歲幾既小朋友有D咩抵抗力?更何況佢冇食過野冇飲過水差唔多8個鐘? 講完我地要求見醫生。佢就走開左啦。
但係我地等到夜晚8點,先可以見到個醫生(期間多次追問點解咁大間醫院都冇一個醫生可以黎? 但佢一直答個醫生做緊手術云云...)。不過,原來見到個醫生之後個答案都係一樣。聽後我地即時要求轉院,但佢地唔會安排白車,又唔會轉返之前做左既測試報告(如X光片)過新醫院。我地要走,佢一定要我地簽自動離院,唔負任何責任。
最後,我地都簽左走,即時坐的士過東區醫院。東區當晚好快安排仔仔上病房,吊鹽水+比藥佢食。訓左一晚,第二朝既佢已經好返好多。起碼唔會再發呆,仲食到野。
仔仔出左院之後,我都即時寫信投訴到醫管局,反映問題同埋問佢點解同一管理之下,兩間醫院可以相差咁遠呢???
我對廣華非常失望! 有咩事都唔會再去。
http://www.edu-kingdom.com/?10928
教育王國個人空間