國家地區媽媽會 今日: 0 | 主題: 20235

積分: 308

1^#

發表於 15-4-9 23:03 |只看該作者 |倒序瀏覽 |打印

早前曾問過有關L1 L2 簽證問題, 時間很快, 10日前已經得到簽證了, 老公十分急趕地往美國工作先, 而我跟仔女仍在香港, 因為計劃最快都暑假才起程, 對於美國落腳地, 很想問大家意見, 由於我老公既工作不是固有既地點, 所以公司沒有要求我地必須在總公司工作, 亦即代表不一定要住San Fran.

所以我很想問下大家, 其實美國甘大, 邊個CITY 住得過, 我意思係大城市固然好, 但樓價生活費相對貴, 我反正沒有咩要負擔, 一定要住大城市近邊個親人又或方便上班, 反之我重點係, 該CITY 生活安全點, 經濟方面樓價不太貴又方便點, 而重點係仔女學業, 我唔一定要求咩所胃HK 個種BAND 1 學校, 但最緊要唔好話日日打交個種太差既學校就可以了...

另外我遇上一個問題, 就係我發現我要拎左Security card 才可以幫仔女報學校, 但問題係security card 係申請後, 要寄到提供住址, 而我地一家一日未落腳, 咪一日都唔駛申請到, 而一日未拎到, 又即係一日未可以入學

但我地一家會一直住係san fran 公司提供既酒店先, 直至我地自己決定係邊定居, 那麼酒店地址可行嗎?

另外我大女在hk form 1, 即係9月係升form 2, 而仔係9月升小五, 我想問兩個過到去是否可以同一間學校呢?

如果我選擇西岸, 有咩地區選擇... 太多問題, 請給意見...

thanks

0 0 1

私人傳訊

積分: 171740

2024年龍年勳章 2024勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

2^#

發表於 15-4-10 01:21 |只看該作者

其實講得安全又校區好嘅都唔會平，分分鐘加加埋埋都貴過住三藩市，
唔考慮買屋住而公司提供資助的話，你要考慮方唔方便同埋仔女返學地點，
你會唔會揸車，除咗三藩市，我估冇邊個地方係可以巴士好方便又唔駛等餐死。
知唔知你老公會返工大概範圍？南灣、東灣、Peninsula？
睇下邊個地方為多就揀近果頭，由一度去一度揸車可以好耐，
繁忙時間塞你一兩粒鐘都有，我老細住東灣，佢去南灣開會一定要3點前走，
試過5點走，7點幾8點至返到屋企，如果地點住近BART站都會方便D。
中二即係呢度第8級，小五就一樣5年級，基本上係唔同學校，
前者已係中學middle school，後者係小學elementary school最後一年，
有D小學去到第8級，但之後就升high school啦，所以就算今年同校，
再一年都要分開返學，所以你睇學校係要睇兩間啦。
基本上冇住址証明都報唔到學校，三藩市更加嚴，仲要有兩個住址証明，
除咗Social security card之外，小朋友要有呢度醫生填嘅健康証明至可以開始返學，
所以你老公要搞掂一家醫療保險，搵醫生俾你地兩個大人同兩個小朋友，
小朋友未滿18歲係去睇兒科，唔同架。

花旗太太生活在花旗國，留意時差，你問我未必即時答到。

私人傳訊

積分: 308

3^#

發表於 15-4-10 05:58 |只看該作者

Rose Mag

謝謝你回應, 現在才知學校兩個會分開, 甘又要努力研究了

而住方面, 我可以駕車既, 因為我可以駕到左馱車, 經常跟老公四維去, 所以都習慣了左馱車, 而近唔近工作地點, 不用近既, 好似我老公現在住係SAN FRAN 既酒店, 主要係近個客人, 而佢既同事都係住唔同既城市如Boston 飛去客戶到提供既酒店住一個月, 傾清楚後就回家home office, 再一個月後又飛去夏威夷, 所以根本唔須要駕車去客人到, 我老公既工種比較特別, 所以我才問, 會唔會有些城市更適合我地家庭生活而又不一定高消費.

因為我都明白san fran 係很好既地區, 但各方面都好大競爭, 住貴, 學校都爭, 我反而想知有無二三線城市可以考慮下.

就好似加拿大溫哥華多倫多係好方便又好既城市, 但edmonton Calgary 都住得過甘既情況

唔該哂... 太多問題...唔好意思

私人傳訊

Rarity

大宅

積分: 1581

4^#

發表於 15-4-10 16:25 |只看該作者

回覆：希望美國媽媽給予意見, L1L2簽證已出

我住過好多個州, VA, NY, Atlanta GA, Dallas TX, Idaho, 宜家係Denver CO,
去過 LA, San Fran, 如果唔怕熱覺得最好住係 Dallas, 屋又大又新又平，成個城市好有活力，又多華人同野食. 如果東岸Washington D.C Arlington都好住近白宮好多免費博物館，又有靚公園，有好學校有點心茶樓，但d樓都唔平. 其實你有冇心水大概買幾錢既樓？咁會易搵d!

私人傳訊

積分: 308

5^#

發表於 15-4-10 20:30 |只看該作者

Rarity,

我地暫唔考慮買屋住, 因為對於攞唔攞到綠卡沒有太大信心, 而租方面, 預算4千美元內, 當然越平越好啦!

我想問Arlington 是否很貴, 我上網睇, 好似很不錯甘, 而且學校既分佈比較易明白.

Arlington 租金是否貴過san fran? 生活情況如何呢?

謝謝回覆

私人傳訊

積分: 171740

6^#

發表於 15-4-11 02:43 |只看該作者

445566 發表於 15-4-9 13:58
Rose Mag

謝謝你回應, 現在才知學校兩個會分開, 甘又要努力研究了

咁好闊喎，我只係熟西岸呢頭，東岸知少少，因為有同事同朋友住果邊，
學校如果讀公校，其實紐約果邊好過加州，不過物價貴，天氣差，
年年落雪剷雪，夏天又熱好多，我NY同事過到嚟覺得SF食嘢又平又正。
我有親戚住Houston，除咗天氣熱之外，佢地話唔錯，
不過近年都俾中國人炒貴晒D屋，相對物價都係比西岸低D，
但人工又低D，華人嘢冇咁多，一定要揸車。
你老公同事有冇咩意見可以參考架？

學位要爭係得三藩市City，因為好學校個個都想讀，但要攪珠，
又有沉浸式語言學校同雙語學校，連鬼佬都打崩頭爭住報。
其他灣區城市按住址派，冇咁大競爭，不過學校壓力又另一件事，
南灣東灣而家讀書都辛苦，主要係學生來自國內台灣印度都多咗，
屋越來越貴，我聽朋友話佢個女小學做功課都做到十一二點，
我果兩個9點前就上床，十一二點已瞓到豬仔咁。

花旗太太生活在花旗國，留意時差，你問我未必即時答到。

私人傳訊

雙妹媽

別墅

積分: 565

7^#

發表於 15-4-13 12:00 |只看該作者

445566 發表於 15-4-10 20:30
Rarity,

我地暫唔考慮買屋住, 因為對於攞唔攞到綠卡沒有太大信心, 而租方面, 預算4千美元內, 當然越平越 ...

你個rental budget可以在Charlotte (North Carolina)住3000sq ft大屋頂級校網. 俾個參考你(我只是上網是但search,個盤同我無關):

http://www.realtor.com/realestateandhomes-detail/5513-Bellerive-Ct_Charlotte_NC_28277_M64000-32736?row=7

不過 Charlotte無直航返香港,但這裡生活簡單唔貴,唔多中國人,天氣溫和, 考慮下

私人傳訊

積分: 308

8^#

發表於 15-4-14 22:07 |只看該作者

這幾天也跟大家既意見網上查一大餐, 頭緒只係一點點, SF, Seattle.....主要係老公要求有國泰直航點, 而仔女希望可以繼續學中樂, 所以選多華人地方, 應該有機會學到掛....

SF 我見好多區, 我想問 walnut creek, Lafayette, alameda, 點睇呢... 兩區學校同住價, 我單憑網睇, 好似唔錯甘... 最大問題係唔知事實係點, 我老公現在係San Rafael, 那兒好嗎? 他會去睇清楚點, 而下星期佢會去oakland, 順道研究下 walnut creek, Lafayette, alameda, 請問有咩意見, 仲有邊區選擇呢...

seattle 就未收集到咩資料, only 研究sf 已經用了很多時間....

仲有一點想問, 如果我囡本身係讀開西班牙文, 是否雙語可以自由選擇呢, 我女中文超差....

而我仔問SF 係咪中國人多, 容易搵到老師繼續佢既古箏學習,

唔好意思, 煩到大家, 多謝你地回復

私人傳訊

積分: 171740

9^#

發表於 15-4-16 06:05 |只看該作者

445566 發表於 15-4-14 06:07
這幾天也跟大家既意見網上查一大餐, 頭緒只係一點點, SF, Seattle.....主要係老公要求有國泰直航點, 而仔女 ...

Walnut Creek、Lafayette係白人較多嘅區，治安係唔錯，但出入都要揸車，
兩度都有BART站有BART可以到。如果以公校睇，
Walnut Creek同Lafayette都叫做唔錯，我都有同事住呢兩度，
Walnut Creek學校好似暑假比較短，但相對寒假同春假又長D，
當然程度應該唔可以同Silicon Valley比。呢兩個城市唔算大，
所以小學中學選擇唔係好多，我未有朋友同事仔女去到高中，
我冇點聽過佢地聽係點。Alameda係鄰近Oakland，都叫自成一角，
相對冇Oakland咁差，但交通嚟講，冇BART站，要經Oakland入，
我有同事住新社區，有自己學校喺入面，都叫做環境幾唔錯，
學校都見到有不少，我同事D仔係行路5分鐘到學校。

你可以考慮下Dublin同Danville，校區唔錯，但夏天比較熱，
有時要開冷氣，我有同事住呢兩度，學校唔錯，叫做affordable，
交通方面都有BART，而家都開咗D中餐館。

另外，我同老公都鍾意Foster City，學校唔錯，環境靚，周圍都有湖，
但係比較低窪，有唐人超市同好多中餐館，華人人口都算多，
不過果度而家屋價幾貴吓，我就買唔起果度嘅屋。

學古箏應該係三藩市同南灣會比較多學中樂嘅老師或琴行，
其他城市可能要睇下有冇會員識得。我朋友個個星期由Belmont去SF學中國畫，
佢話其他地方搵唔到老師學，因為佢學工筆，唔係度度有老師教。

花旗太太生活在花旗國，留意時差，你問我未必即時答到。

私人傳訊

hikiko999

大宅

積分: 4335

10^#

發表於 15-4-16 22:01 |只看該作者

S.F Bay area樓價真係全美數一數二，人工追都追唔切個樓價，真係唔知幾時先可以買到樓

我個人鍾意住近三藩市，Millbrae同Foster City係我最鍾情嘅區，我有朋友住Walnut Creek，環境都唔錯，不過都唔平，另外幾年前有另一個朋友買左Seattle Bellevue，個社區好靚好多樹木，但一年有大半時間月雨我就怕怕

私人傳訊