我係fulltime mum,每日會送個女返學同接放學。放學時見到班主任,我見班主任都會同D家長講下佢地係學校上堂情況。不過,開學時班主任有張通告派比我地,都有講如果家長想聯絡班主任,歡迎家長打電話或約見面傾談。我都好少同班主任電話聯絡,有野都會見面講,有D同學仔係工人接送,咁就留返D時間比老師打電話比返工既家長啦!
我見我個女每日返學放學都好開心,返到屋企又會唱下英文歌同普通話歌,又會扮老師打開本書彈琴唱歌,仲叫我同老公扮埋一份,我同我老公都覺得好開心架!我好放心比我個女係盈思返學,新學期我繼續升K1,下星期仲有個活動叫成長啟動禮係比我地班家長同個女一齊參加。
老實講,我有去其他學校報名面試,都收到K1offer,但其他學校整體感覺同盈思好唔同。
我地去其他學校面試同參觀既時候,真係感受唔到D老師對小朋友既耐性同愛錫小朋友既表現,會in家長,想知家長背景,會問我老公一年會同我地一家人去幾多次旅行?????
對家長既查詢唔想回答,只有學校問,家長答。