吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 分享只為小朋友而設6日5天的台灣之旅

親子旅遊今日: 4|主題: 160839

收藏本版

發帖

返回列表

跳至頁

查看: 9222 | 回覆: 120

[台灣] 分享只為小朋友而設6日5天的台灣之旅

12 3 4 5...7

積分: 20115

畀面勳章

1^#

發表於 15-8-31 19:41 |只看該作者 |倒序瀏覽 |打印

本帖最後由 misslo 於 15-8-31 20:10 編輯

第一日：我們坐8點幾機到台灣，大約10點幾到達台灣。去到台灣，我們就唱錢，果日的匯率係4.09，匯完錢就去出電話卡，7日台幣$500元！
之後，我們約咗包車張先生車我們去台北市，哩個包車我上一年都係用佢，雖然佢唔係咩集團式經營，但勝在司機好好人，上一年去完台灣後都介紹左好多JM用佢，好多JM用完都COMMENT好好！

去到就去酒店附近食下野，之後去左酒店CHECK IN同放低行李。我們今次都係住澄舍，貪佢平、靚、正！

放好行李之後，我們就坐捷運去「大樹先生的家」，我們一早在FB度BOOK咗下午茶！

去到果度有個好靚既波波池，又有沙又有水玩，仲有煮飯仔，小朋友玩得勁開心！

去完大樹先生的家後，我們就去左行夜市，跟住就返酒店！

點評

Charlotte_mom 請勿在版面留下 pm 或 email 等相關字句，否則本文將會被關閉，謝謝合作發表於 15-9-23 20:18

0 0 0

如果明亮的光線使你雙眼再也看不見
我的愛能把你帶回家

私人傳訊

misslo

侯爵府

積分: 20115

畀面勳章

2^#

發表於 15-8-31 19:52 |只看該作者

本帖最後由 misslo 於 15-8-31 19:54 編輯

第二日：今日我們包車到宜蘭，由台北市包車到宜蘭為台幣$4000。去宜蘭既早上天氣陰陰，但到了宜蘭天氣還好，只是偶然上車時下雨！真幸運！

今天行程都是安排給小朋友，我們先到蔥仔寮體驗整蔥油餅，每人有一份的麵粉整餅的，之前會有工作人員教授如何整餅，整完後仲會有專人替你整熟，完成後可以自行食返！味道都幾好味！

之後去了宜農牧場好近咁接觸雞、羊、鴨、豬等，仲可以餵佢地食野，價錢比香港平！

跟住去了蠟藝彩繪館整蠟筆，哩度好好玩，大細都啱玩，我們都逗留左差不多兩個多小時！

之後，天開始黑，我們亦開始累，司機車我們去左幾米廣場影下相，又帶我們去玩溫泉魚泡腳！都幾有趣！

最後包車返台北夜市買野食返酒店食！

如果明亮的光線使你雙眼再也看不見
我的愛能把你帶回家

私人傳訊

misslo

侯爵府

積分: 20115

畀面勳章

3^#

發表於 15-8-31 19:57 |只看該作者

第三日：今日全日去左台灣既Babyboss，哩度係給予小朋友機會工作體驗，我們由上午10點玩到晚上8點（足足10個小時，工時仲長過我地平時返工）！

小朋友玩得好開心，玩左11個職業，有警察、消防員、歌手，玩完真係攰到嘔，因為要幫佢做跑腿去排隊、去計時間！雖然好攰，但見到小朋友玩得開心咩都抵番曬！

如果明亮的光線使你雙眼再也看不見
我的愛能把你帶回家

私人傳訊

misslo

侯爵府

積分: 20115

畀面勳章

4^#

發表於 15-8-31 20:02 |只看該作者

第四日：因為前一天的行程太累，我們成家瞓到11點，跟住去左食下午飯，之後坐公車到兒童新樂園！

兒童新樂園的大人入場費只係台幣$30蚊，即港幣$8蚊左右，小朋友6歲以下唔洗錢！抵到爛！

場內既機動遊戲都是按人頭收費，每個機動遊戲大約$20-$30台幣，即港幣$4-$5左右！

我的小朋友因為高度關係只可以玩7種機動遊戲！入場時落好大雨，所有室外機動遊戲都關閉，幸好樂園裡面有室內遊戲室，裡面好似冒險樂園，都係按每個遊戲收費，但平好多！仲有個免費波波池玩！

我們玩完室內遊樂場後出返室外雨就開始停，最後7個機動遊戲玩左6個！玩完都已經6點，坐公車買野食返酒店食！

沿路返酒店時在地下街見到有盲人按摩就試下玩，港幣$50可以按20分鐘！抵過香港好多好多！

如果明亮的光線使你雙眼再也看不見
我的愛能把你帶回家

私人傳訊

misslo

侯爵府

積分: 20115

畀面勳章

5^#

發表於 15-8-31 20:04 |只看該作者

第五日：今日天氣唔穩定，所以取消左去六福村既行程，改左去睇小丸子展覽！

一早又係去酒店對面既小店開餐，跟住就行去展覽館！小朋友好鐘意小丸子卡通，所以去到果度好開心！推介大家都去睇下，因為都幾靚！

去完小丸子後，因為落好大雨，跟住我們去左行地下街，先生仲在地下街剪頭髮，台灣剪頭髮只係港幣$25蚊，超抵！

跟住我們去食饗食天堂自助餐，一家三口只係食左港幣$466！超級抵！跟住又行地下街睇下書，跟住就返酒店！

如果明亮的光線使你雙眼再也看不見
我的愛能把你帶回家

私人傳訊

misslo

侯爵府

積分: 20115

畀面勳章

6^#

發表於 15-8-31 20:08 |只看該作者

第六日：今日我們包車出發去六福村，六福村果度可以坐格巴士近距離睇動物，六福村有好多機動遊戲啱小朋友玩，而且都不用排隊！我覺得好玩過迪士尼！

逗留到大約3點，打比包車司機，佢帶我們去參觀台灣好出名既蛋糕公司，之後仲帶我們去機場附近的港口食海鮮，果度既海鮮好新鮮！推薦各位可以臨上機場前可以試下，因為果度距離機場車程只係20分鐘左右！

如果明亮的光線使你雙眼再也看不見
我的愛能把你帶回家

私人傳訊