想生BB 今日: 2 | 主題: 109077

積分: 627

1^#

發表於 15-10-28 16:58 |只看該作者 |倒序瀏覽 |打印

等左3年，又試過食排卵藥，iui 做左3次，結果都係失敗，跟住book 晒機票旅行，諗住差下電等自己心情輕鬆d返黎再接再厲開始我的ivf 之路。點知好好彩，原來iui 之後個月自然中左，開心到取消晒d機票，諗住好好安胎。記得7週的時候都仲未照到個胎同心跳，一直都好擔心，終於等左差唔多兩星期，喺結婚週年紀念日果日產檢，第一次見到bb 心跳，當時仲覺得呢份就係我地結婚6年來最好的禮物。諗都無諗過一星期後突然流啡，記得果日係星期六黃昏，診所都已經就放工，所以唯有bed rest，諗住抖一晚應該會無嘢，點知第2日都係流，星期日診所又唔開，最後去左急症室，醫生話要同我做超聲波檢查要我放晒d尿先，一去洗手間見到一灘血已心知不妙，開始d眼淚不停流，停唔到，入到房時醫生一照話個胎無長大過，見唔到bb 心跳，之後話要即時入院觀察，再上到病房一輪的檢查等待，又鴨咀鉗，又醫生的一輪問症，再照都係見唔到心跳，醫生話第二日會再搵個高級醫生黎確定係咪小產，成個過程就只有好驚同擔心。其實當時心諗應該再照都係無，但果晚依然心有盼望，成晚不斷摸住個肚同bb 傾計叫佢加油，結果到第二日再照醫生都係話無心跳，佢仲叫我一齊望確定下，我望住個mon，只見到bb 的頭同身，再見唔到閃閃，當時個腦一片空白，佢講之後要手術定點我完全聽唔入耳，再出來打電話比老公完全哭到崩潰了。醫生建議藥流或做吸宮，但因為bb 已有7.5週，藥流有機會流唔清，所以最後都係要做吸宮。

做完手術到而家喺屋企休息左兩個多星期，一直都唔敢比自己大喊，好驚傷身體，中間忍唔住喊左3次，但都喊敢比自己喊太耐。不停搵朋友呻，因為真係好想搵人抒發心裡面的難過，唔想屈喺心，驚屈到病。有兩個仲走左上來屋企探我，兩個都已經係媽媽，一個已有一女同一對孖仔，一個已有一仔同懷孕中而預產期只係同我差一個月，兩個上到來都同我講話湊仔有幾辛苦話到你有就唔會想要，想塞返佢落肚，不停傾湊仔經，其實我已經咁難受，可唔可以唔好用呢d 方法去安慰我呢？其餘的朋友大至都係話你仲後生，調理好身體再黎過囉，其實我想講我今年已經32，我之前等左3年一直都無，比我最後自然成功有左又攪成咁，究竟我仲有幾多個3年？另外有個朋友就話，你因為呢件事成日都崩潰唔開心，再係咁無人想理你，我想話我都好想快快平復心情走出陰霾，我日日都問自己我點先可以快d 忘記，但而家講緊係死左一個人仔，我有乜可能咁快會無事？

我明白朋友都係想安慰我，唔想見到我咁。但我此時此刻真係覺得好難過好擔心，有無人明白我？除左難過已經失去bb，又擔心今次吸宮手術會影響下一次，因為本身已經等左咁耐咁難先有，就算再有又會有陰影....

0 0 0

私人傳訊

la_source

琥珀宮

積分: 195443

2024年龍年勳章 2024勳章 2023年兔年勳章虎到金來勳章減齡達人勳章認識瑞士牛牛第三回認識瑞士牛牛第二回認識瑞士牛牛第一回畀面勳章環保接龍勳章 BK Milk勳章 15週年勳章

2^#

發表於 15-10-28 17:04 |只看該作者

本帖最後由 la_source 於 15-10-28 17:06 編輯

JM
加油呀
唔好令情緒影響自己
小天使很快便回來
調節身子同心情好緊要

送上你正能量同無限既祝福

點評

ShairPro

發表於 15-10-29 13:27

私人傳訊

Bobook

積分: 1562

3^#

發表於 15-10-28 17:19 |只看該作者

唔好一路鑽入牛角尖，要積極D，令自己身心都強壯D。你等咗3年，我係你既double時間。我明白到bingo果刻有幾開心，所以好了解失去既痛苦。有時我覺得因為我哋受過呢種考驗，會更加珍惜身邊既人，更堅強去保護要保護既人。加油呀﹗32歲仲好後生，好好休養，搵中醫調理好身體，放鬆心情。

私人傳訊

catcat2056

男爵府

積分: 9752

4^#

發表於 15-10-28 17:25 |只看該作者

回覆：等了3年，最後都小產，感覺好難受

加油，待心情好返時再努力

私人傳訊

Haomommy

積分: 555

5^#

發表於 15-10-28 17:42 |只看該作者

回覆：shirleykt 的帖子

傷心、喊係正常的！

但唔好卑自己傷心太耐！起碼你都可以自然懷孕！由細到大我都好渴望做媽媽，我結婚5年，等足5年，結果上年宮外孕做手術時查出原來2邊輸卵管都發炎有積水，要做手術2邊都切除！以後不能自然懷孕！我當時都係好傷心，經常喊，覺得人生無曬希望，仲打定輸數準備同老公離婚添～因我老公鍾意小朋友，我唔希望因為我而剝削左佢做爸爸嘅權利！身邊無朋友好似我咁嘅經歷，無人明白！後來我發覺點喊都無用，開始積極去做運動加睇中醫調理身體！仲有上網搵IVF嘅資料！好好彩，我第一次IVF 就已經成功，而家阿仔係肚裡面22週！我覺得今次成功係歸功於自己肯調節心態同積極運動！希望我分享的小小例子能幫助你！緣份一到，小天使一定會回來你身邊的！

私人傳訊

keepsecret

積分: 4011

6^#

發表於 15-10-28 17:50 |只看該作者

其他人真係未必會明呢種感受…..特別係可能佢地好易就有
我都係等左唔知幾多年都仲未有
JM要加油呀!

私人傳訊

bearming

積分: 596

7^#

發表於 15-10-28 17:57 |只看該作者

回覆 shirleykt 的帖子

你可以自然懷孕，系福氣，或者身體缺乏某d hormone 陀吾搵，而我就連卵子都無，驗血報告話我卵巢早衰，但我無放棄，積極睇中醫治療，再去IVF，最後好彩著到床，我堅持服中藥and塞藥安胎，總之一定要盡力，雖然你小產，但起碼證明你有排卵，而且輸卵管ok，我個醫師同我講，hormone的問題系可以解決的，努力啊^^

私人傳訊

積分: 627

8^#

發表於 15-10-28 18:57 |只看該作者

引用：+本帖最後由+la_source+於+15-10-28+17:06+

原帖由 la_source 於 15-10-28 發表
本帖最後由 la_source 於 15-10-28 17:06 編輯

JM

多謝你的鼓勵

點評

la_source

發表於 15-10-28 19:47

私人傳訊

積分: 627

9^#

發表於 15-10-28 19:03 |只看該作者

引用：唔好一路鑽入牛角尖，要積極D，令自己身心

原帖由 Bobook 於 15-10-28 發表
唔好一路鑽入牛角尖，要積極D，令自己身心都強壯D。你等咗3年，我係你既double時間。我明白到bingo果刻有幾 ...

多謝你的勉勵。其實我明白大家講的嘢，不過最令我感到難過係原本無諗過有，無啦啦又咁好彩有，再由最開心的高峰跌落谷底，一時間好難接受，但我知道我唔可以再咁落去，因為會令身邊愛我的人好難受

私人傳訊

積分: 627

10^#

發表於 15-10-28 19:04 |只看該作者

引用：加油，待心情好返時再努力 +

原帖由 catcat2056 於 15-10-28 發表
加油，待心情好返時再努力

多謝你的鼓勵

私人傳訊

積分: 627

11^#

發表於 15-10-28 19:09 |只看該作者

引用：傷心、喊係正常的！但唔好卑自己傷心太耐！

原帖由 Haomommy 於 15-10-28 發表
傷心、喊係正常的！但唔好卑自己傷心太耐！起碼你都可以自然懷孕！由細到大我都好渴望做媽媽，我 ...

恭喜你呀～祝你同bb健康快樂每一天～多謝你的分享，給我好大鼓勵作用。我經過今次都要勤做運動同改掉自己緊張的性格，我都覺得心態同身體狀況都會有影響。希望我調節好心理同身體後，小天使可以再返到我身邊啦

私人傳訊

積分: 627

12^#

發表於 15-10-28 19:11 |只看該作者

引用：其他人真係未必會明呢種感受…..特別係可能

原帖由 keepsecret 於 15-10-28 發表
其他人真係未必會明呢種感受…..特別係可能佢地好易就有
我都係等左唔知幾多年都仲未有
JM要加油呀! ...

多謝你的鼓勵，大家一齊努力呀

私人傳訊

積分: 627

13^#

發表於 15-10-28 19:15 |只看該作者

引用：回覆+shirleykt+的帖子你可以自然懷孕，系

原帖由 bearming 於 15-10-28 發表
回覆 shirleykt 的帖子

你可以自然懷孕，系福氣，或者身體缺乏某d hormone 陀吾搵，而我就連卵子都無，驗 ...

多謝你的鼓勵，給我很大的鼓勵作用。今次小產醫生有檢查到子宮裡面有部分位置供唔到血比bb，我諗緊係咪我血氣不足都有關，而家積極睇緊中醫調理，希望調理好後，3個月後再接再厲

私人傳訊

ksviola

伯爵府

積分: 19382

虎到金來勳章畀面勳章

14^#

發表於 15-10-28 19:19 |只看該作者

回覆：等了3年，最後都小產，感覺好難受

唔好諗
過左就算了
展望未來
加油！！！

私人傳訊

chloelittle

積分: 1110

15^#

發表於 15-10-28 20:12 |只看該作者

回覆：等了3年，最後都小產，感覺好難受

加油，小天使好快再降臨，我也等我小天使等到頸都長

私人傳訊

chengkitty2002

積分: 609

16^#

發表於 15-10-28 20:28 |只看該作者

回覆：等了3年，最後都小產，感覺好難受

加油呀，我既小b都離左開我一年，雖然有時都會諗起，但只係放係心入面記住，希望佢下次健健康康返黎，雖然唔知等幾耐，但緣份到就自然會發生架啦，唔好諗咁多，好好調理身體

私人傳訊

yuenyuen9

積分: 1639

17^#

發表於 15-10-28 23:02 |只看該作者

回覆：等了3年，最後都小產，感覺好難受

樓主，加油！會過去的！

私人傳訊

cookie26f

積分: 3113

美好大世界2017勳章

18^#

發表於 15-10-29 03:41 |只看該作者

回覆：shirleykt 的帖子

呢一刻除左小產過的人可能明多少少。但其實面對都係我們。只能說時間可以沖淡啲。但個生命中出現過的。你永遠也是當過媽媽的。我試過1刮宮藥流，這個時間係最易再有的。好好調理自己身體。等自己預備另1個的回來。唔好接觸果啲媽媽住。你會好難過的。

私人傳訊

babypig2017

積分: 1853

19^#

發表於 15-10-29 07:11 |只看該作者

引用：等左3年，又試過食排卵藥，iui+做左3次，結

原帖由 shirleykt 於 15-10-28 發表
等左3年，又試過食排卵藥，iui 做左3次，結果都係失敗，跟住book 晒機票旅行，諗住差下電等自己心情輕鬆d返 ...

JM 加油！我也等了七年，最後ivf成功。由於頭三個月我都係作小產，臥床臥左三個月，所以我明你感受。你失去左，我知你一定難受一千萬陪。
你既然試過一次自然受孕，證明其實你身體係可以懷孕嘅。或者，你調理一下身體，俾多少少時間試吓自然懷孕，如果唔得嘅話，就再進取做ivf,相信小寶寶會好快翻返你身邊。加油!!

私人傳訊