吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 瑪麗開刀過程(長)

懷孕前後今日: 25|主題: 329735

收藏本版

發帖

返回列表

跳至頁

查看: 18108 | 回覆: 65

瑪麗開刀過程(長) [複製鏈接]

12 3 4

290

複式洋房

積分: 378

1^#

發表於 15-11-17 20:14 |只看該作者 |倒序瀏覽 |打印

想分享一下大約一年前我係瑪麗生仔既過程. 首先, 我係一個唔高既女仔, 5尺都冇. 平時好鐘意運動, 又唔怕痛. 當知道有左, 完全冇唸過要花錢係私家生, 5位數字同3位數字既分別, 我當然要享受做港女既優惠啦. 所以一開始, 會選擇政府生...我當然知道政府生同私家生既分別啦, 我覺得生仔對我黎講唔係問題, 我心裡都預左會痛, 但個個都係咁生啦, 我一定得既....(大家睇到呢到, 係咪覺得我好天真呢...)

我EDD係11月24日 (2014年), 點知到24日都未有反應, 咪傻下傻咁走上瑪麗見姑娘問點算, 點知姑娘話: 你之前冇係母嬰BOOK催生咩? 我唸唸下, E, 又好似MISS左去母嬰BOR, 我就話冇呀, 可唔可以比個期我催生...當然, 好串咀既姑娘就比左個期我, 我一睇張Appt 紙, 12月4日早上8時入院催生...心唸...唔係呀化, 仲要等多10日.... 是但啦, 你話幾時就幾時啦....姑娘仲同我講, 如果呢10日內有作動, 直接上k9得ga la...就係咁...我就反屋企又等....

係呢10日....日日都疑神疑鬼, 小小肚痛都以為作動, 又鋪哂床展, 怕會訓訓下穿水, 出街又帶多條褲, 唉...好似神經質咁....

等呀等....終於到12月3日晚上大約8時, 我見到有小小血, 又唔係好多, 都心唸應該係時候黎, 慢慢開始有d肚痛, 呢種痛有d似m痛...但接受到, 我知道第一次生一定好耐, 所以我一d都唔急, 仲沖涼, 洗頭, 食d野, 行下, 坐下....係床到自己開始din下din下, c6都好平常心, 因為我表現得ok, 冇事冇事...費事攪到大家都好緊張....
其實12月4日早上8時係我原本入院催生, 唸住而家先12點幾, 等多8個鐘按原定時間入院啦...所以一直忍痛係床din多一陣....點知...真係越來越痛, 好快就放棄左要死忍好型既態度, 同c6講...都係唔得啦...好痛...不如入院啦....個時...c6開始緊張, 馬上執野...

我老豆係查夜更的士, 唸住博一博係唔係附近, 平時唔會咁快聽電話既老豆今次一響就聽, 仲要原來係我家樓下洗車....嘩...有冇咁q, 咁仲唔拿拿淋落樓....原來老豆心裡唸緊我可能會呢幾日作動, 特登係我家樓下stand by....真係呢世人最醒呢次!

可能自己老豆車, 老公又係到, 心裡定一定. 一直都冇緊張過, 去醫院過程好順利, 好快就到左瑪麗, c6就陪我直上k9, 當時係深夜4點.

上到產前病房, 當時燈光好暗, 當然啦, 半夜...心有少少寒, 因為好靜....個個好似訓哂覺....去到counter, 我就比哂d文件佢, 母嬰薄呀, 身份証等....又問我去到咩情況, 我話見紅左幾個鐘, 有陣痛, 大約15分鐘一次, 每次一分鐘到啦, 忍受到既痛.....攪完一輪, 姑娘最後先見到我張appt 紙原定係今日 (4號)8點入院, 佢就好大聲講, 太太, 原來係已經有appt今日入院催生, 早講呀ma....心唸, 車...我鬼知咩, 當然, 我知道政府姑娘態度係咁上下, 死狗咁, sori sori, 係既, 我應該一早講....

之後就比左件袍我, 叫我去換, 同順便滴小便驗尿, 我拎住袍, 驗尿紙入到廁所, 肚又不時抽住抽住痛, 攪左好耐先換好衫, 又要滴尿係條驗取紙, lei咁hae....終於攪點比姑娘, 之後發現老公唔見左....姑娘一見我出黎就安排我訓係張床到, 有個好似測心機既野博係我個肚, 係check住bb心跳. 仲有個手製, 姑娘話一feel到痛就禁一下, 當時仲有一個大肚婆係我隔離床, 同我做緊同一樣野, 我起初唔知目的係咩, 直到隔離位太太叫姑娘話好痛, 姑娘問, 你有冇禁製呀, 呢位太太話冇, 好痛呀....姑娘好大聲講: 你唔禁製計住陣痛次數, 唔夠一定數目我要你由頭再計過.....其實我當時陣痛唔太密, 又唔太痛...聽到咁, 有你冇你, 禁多幾野先, 因為我想落床搵c6....我係張床到禁左大約30-45分鐘, 姑娘就反黎check, 話ok, 夠多次數啦, 之後就比我落床, 我問姑娘, 我可唔可以見我老公, 佢又比我出去....
出到去, 見我老公坐左係到, 我同佢講不如反去先啦, 我唸我冇咁快生得....c6就反左家...

續...

點評

Krispig

發表於 16-7-18 22:50

0 0 0

私人傳訊

plt.t

別墅

積分: 666

2^#

發表於 15-11-17 20:28 |只看該作者

回覆：瑪麗開刀過程(長)

留名睇我出年1月都係瑪麗生

私人傳訊

Emmamawo

複式洋房

積分: 448

3^#

發表於 15-11-17 22:19 |只看該作者

回覆：瑪麗開刀過程(長)

我都係一月，第二胎💪🏼💪🏼

私人傳訊

290

複式洋房

積分: 378

4^#

發表於 15-11-17 22:32 |只看該作者

(二) 剛剛講到叫C6反屋企先...我入反去病房, 果時已經差唔多天光, 我當時陣痛都忍到, 唸住執下野, Whap app下屋企人, 報住平安, 離不開都係同人講少少痛啦, 未生得...等....到左7點, 醫院開始巡房, 隔離床, 對面床d人開始打開床廉, 終於見到有大肚婆. 當醫生黎到我床位, 問我肚痛唔痛, 我話ok, 仲算忍到. 之後呢位男醫生同姑娘第一次檢查陰道, 睇下開左幾度, 醫生一野插入去, 再liu, 我叫左一聲, 醫生問我好痛呀, (我心唸: 更係痛啦, 你咁大力....) 口講, ok啦....唔痛....唔痛....之後醫生拎反隻手出黎成手都血, 我問醫生開左幾多度, 佢話....一度!

其實我當時唔知一度既痛係有幾痛, 我知道度數越大, 會越痛....我心開始計數, 我而家先一度, 就咁痛....計下計下....十度....咪十倍既而家?!!!! 成個人開始有驚慌感覺....過左一陣, 姑娘冇啦啦係我隻手種左粒豆豆, (即係預備必要時掉鹽水) 但原來又唔係真係掉鹽水, 只係種定粒豆係到姐.

嘩, 我心唸, 我陣痛時手握到實, 咁隻手咪好痛....!!! 算! 我忍你.....當時我都好樂觀....同自己講....得既...個個係咁生...自己又平時做運動, 又健康, 大肚又未嘔過, 對自己仍然信心十足.....

之後姑娘就叫我, 唔好訓係床....多走動會對你生產有幫助, 呢樣我都知, 平時大住肚都日日散步, 我當然死都行, 不停行.....發現成個病房得我一個係到行, 其他人都冇陣痛, 好自在咁食下野, 睇下電視, 玩下電話咁...我唔理人地啦, 再行....唔知行左幾多個圈, 有d累, 反去自己床休息下...

見到我隔離床個大肚婆, 原來佢前日已經係到, 入醫因為懷疑穿水, 入左黎兩日, 冇陣痛....佢仲同我講我入黎前一晚, 有個鬼婆叫到折天, 冇覺好訓....我心即使唸, 好在我冇痛到大叫......

我陣痛次數越來越密, 越來越長, 我行下, 又坐下.....唔經唔覺又到12點探病. 老公同阿媽黎左, 我當時又好想沖涼, 因為隻手有豆豆, 怕除衫會勾到, 叫阿媽陪我沖涼, 洗下妹妹, 好似平時m到, 有好多血....沖完涼, 上反床, 開始又痛, 但都係忍到唔駛大叫, 我阿媽見我咁, 就講: 你今晚生得ga la, 睇你咁痛發, 好快......探病時間到, 阿媽就走, 我同c6出去lift口坐...

續

私人傳訊

yyaann12345

複式洋房

積分: 424

5^#

發表於 15-11-18 11:07 |只看該作者

我12月頭生啦

私人傳訊

Littlelittlefa

複式洋房

積分: 267

6^#

發表於 15-11-18 19:44 |只看該作者

我黎緊都係QM 生

私人傳訊

小李的媽媽

大宅

積分: 4494

7^#

發表於 15-11-19 02:27 |只看該作者

引用：(二)+剛剛講到叫C6反屋企先...我入反去病房

原帖由 290 於 15-11-17 發表
(二) 剛剛講到叫C6反屋企先...我入反去病房, 果時已經差唔多天光, 我當時陣痛都忍到, 唸住執下野, Whap app ...

毛呀～

私人傳訊

nataliE228

複式洋房

積分: 446

8^#

發表於 15-11-19 12:50 |只看該作者

好詳細呀

留名睇！

私人傳訊

ChrisZone

複式洋房

積分: 367

9^#

發表於 15-11-19 16:01 |只看該作者

我都係瑪麗生~ thx for share

私人傳訊

290

複式洋房

積分: 378

10^#

發表於 15-11-19 23:39 |只看該作者

(三) 上回講到, 過左晚上探病時間, 老公一定唔可以入病房, 所以唯有我忍痛陪佢係LIFT口坐....我見到有幾個大肚婆都同老公坐係出面, 佢地完全冇陣痛, 仲係到食野, 談心咁....唔理人地啦, 自己忍緊痛...老公就扶住我慢慢係出面行, 其實當時陣痛開始密左, 長左, 痛多左....每次陣痛,我都行唔到, 企定...咪埋隻眼, 合埋把口...UM....UM.....咁忍住申吟....你都知我要型, 又咁多人係到, 唔想好似做SHOW咁...(其實個個都望住我)....行呀...行呀...大大話話如是姐兩個鐘....開始大部分死磨難'斜'果D老公都走得7788, LIFT口只有一對仲係到, 個大肚婆就係正正我隔離床果個, 到咁上下, 我既陣痛真係好痛, 痛到震住痛, 眼淚終於忍唔住, 我咁要型又要面既人終於真係忍唔住, 堅開始放聲一路痛一路喊, 果位大肚婆見我痛成咁, 佢同我講: 不如你叫姑娘幫你CHECK下開到幾多度啦, 昨晚有個大肚婆最初開得兩度, 之後好似你而家咁痛, 佢一CHECK, 嘩, 開到8度, 馬上入產房...你可能而家開到8度....

聽佢咁講, 即刻醒醒地, 用最快既龜速行反入病房, 用最淒慘既表情同姑娘講.....姑娘...我...真係好痛...可唔可以CHECK下開左幾多度.....姑娘好話: 太太, 你未得呀, 不過...你等等啦, 我做埋D野幫你睇下啦......
我: ...好...唔該....之後姑娘幫我CHECK, 我當時心唸...應該起碼5-6度LA GUW, 點知姑娘話: 你開得兩度JAR WOR...我:下....咁痛都係得兩...早上醫生CHECK又係兩度, 而家又係兩度....? 咁幾時先可入產房呀....
姑娘: 最少都要開左3度先可以入...你仲未得....
我: 姑娘...我真係好痛......之後姑娘比左一部好似WALKIE TALKIE咁既野, 叫做 'TENS'好似咁串...其實係一部電流機, 有兩塊野貼係尾龍骨, 就會有電好似針吉下吉下, 當你陣痛時, 中間有個製你禁就會有一次性好大既電流炸你尾龍骨, 等你既痛楚轉移及有D麻醉感覺...
老實講, 去到果個位, 咩你都試, 唔會真係減輕痛楚, 只係心理上痛既時候有D野查下手, 禁下製咁....

我唯有出去搵反老公, 同佢講都係得兩度, 繼續行....果時得反我地係LIFT口, 唔好話冇人, 有人我都要叫.....真係好痛....有位姑娘見我咁辛苦, 拎左個FIT波出黎比我UN....(因為我身材唔夠高, Standard fitball我係坐唔到, 唔夠腳長) 佢拎左個細波比我, 我就坐下un下, un un下, 我冇痛時, 就訓著, 大約6-7分鐘, 一痛, 又醒......感覺好似坐係到un 好過死行....un到大約1am, 我真係好眼訓, 想反上床休息, 老公又累, 之後我叫老公走....

反到入病房, 姑娘見我咁痛, 仲贇我, 你!痛得最靚, 夠痛就越快生, 咁多個你痛得最靚! 我心唸: 囉景定赠興呀....係就比我入產啦....

呢一晚, 係我人生最無助, 最痛苦既一晚, 我唔係怕痛生仔, 我預左生仔一定係痛, 呢個我好明白, 令我咀'喪'係....我痛左咁耐先得兩度, 已經咁痛, 我幾時先開到10度生仔, 我既痛楚好似一個無了期....唸下唸.....又黎痛, 我忍住唔叫, 只係he he ha ha, 申吟.....終於行左出sofa位坐 (唔想嘈到人), 自己係到din.....如事者...痛呀痛....又坐到3-4點, 堅眼訓, 又反上床din....

好唔容易, 等到7點, 醫生巡房, 個人又醒一醒....心唸: 醫生快d check我啦, 我想入產房打無痛, 希望夠3度啦...

醫生黎啦, 快快除定褲等佢check. 點知, 醫生話都係開得兩度!
我: 咩話!又兩度?! 我昨晚入院到而家係兩度? 點解既?
醫生: 係呀, 頭3度係開得最慢既, 過左3度後一般都一個鐘開一度.....
我個心....寒一寒...唔係呀化......

醫生再睇我床頭資料後, 同姑娘講, 佢入產房崔生啦, 原本都係book左今日崔生, 都41周了....聽到呢個消息, 真係笑左出黎...因為...我個心只有...無痛針!

我換好袍, 執哂野, 就入左產房....

續.

私人傳訊

mybaby123

大宅

積分: 1895

11^#

發表於 15-11-20 00:08 |只看該作者

好精彩呀！

私人傳訊

fongml001

別墅

積分: 773

12^#

發表於 15-11-20 09:28 |只看該作者

回覆：瑪麗開刀過程(長)

好好睇，樓主快d打落去

私人傳訊

家有B女

大宅

積分: 1482

13^#

發表於 15-11-20 16:17 |只看該作者

好生動啊,緊張

私人傳訊

290

複式洋房

積分: 378

14^#

發表於 15-11-20 16:57 |只看該作者

四) 上回講到終於入到產房, 姑娘叫我打電話叫老公黎, 當時係早上8點, 我心唸都唔會咁快生得, 所以我唔想佢咁早黎, 想佢訓多d, 就同姑娘講等到10點, 11點先打比老公. 姑娘仲話我對老公好好, 其實我覺得佢黎到都冇用, 都係睇我表演…反而我生左之後佢會有排忙, 比佢訓多一陣….

姑娘之後駁住一個測心跳機係我個肚到, 一直Monitor住個心跳機, 好快, 姑娘就同我講, 一陣會有醫生黎同我人工穿水, 同埋落崔生藥.
大約過左一陣, 醫生就黎, 同我解釋, 要人工穿水, 穿水後bb會快d落產道, 同埋我當時只開得兩度, 要落崔生藥, 穿左水同崔生藥後8個鐘內一定要生, 如果唔係就要半身麻醉開刀.

之後用一個長長既夾放入妹妹到, 起初我好緊張, 以為人工穿水好痛, 點知一d都唔痛, 好快就有好多好多水流出黎, 成張床都係水.
醫生走左後, 只有我同姑娘, 當我唔痛既時候, 同姑娘有講有笑, 最記得我地傾計傾到, 原來一般要去到3度先可入產房, 如果當時產房FULL哂, 都要係病房等, 再睇情況, 換言之, 如果當時醫院產房FULL哂, 即使開到6,7,8度都未必比你入…咩藥物都唔會有, 咁…我真係好好彩, 起碼我黎時唔FULL, 2度又比我入….

傾下傾下, 又痛下痛下….姑娘就比我聞笑氣, 我不停吸, 一D感覺都冇, 我仲同姑娘講: 姑娘, 老老實實…其實個笑氣係唔係呃人, 只係心理作用…點解我吸極都係好痛…..
姑娘就笑住答我, 係咁上下啦…..我: 完全明哂…..唯有同自己講, 吸啦, 吸左唔痛GA LA…

點知, 陣痛只會越來越痛….痛到一個地步, 我同姑娘講想打無痛, 姑娘就用好多理由同我講, 打左無痛有機會咩…咩咩….不如打止痛針先啦….不過唔係真係完全止痛, 只係令到你WING WING地…聽完, 我要有型既性格又出黎, …..UM….其實都忍到既….好啦打左止痛針睇下點啦….我估OK既…….好快就幫我打左支止痛針, 打完後我真係覺得自己好WING, 可能又加埋眼訓啦…好似合著左30秒…..好快就醒, 因為下一次陣痛又黎…..其實真係唔會減到痛, 但好似飲左酒咁WING….

大約11點到, 姑娘再提我打比老公, 好快老公就黎左, 我都唔知佢幾時出現左係我床邊, 我只係好有印象我老公拎住部單反 (相機), 好似隨時get ready幫我影相咁…
唔理咁多啦, 我有我係到痛, 每次痛我已經流哂眼淚, 叫哂呀…呀….呀….
姑娘開始叫我: 太太, 你痛時要聞笑氣, 唔好叫, 你叫係吸唔到氣…..你吸啦, 吸呀…
我: 呀..呀…呀…吸囉…吸…..吸緊….呀…呀..
姑娘: 你呀咩呀…吸呀…
我:吸..咪吸囉…..
陣痛過後, 都比姑娘罵我…太太…唔係呀…你出聲點吸氣…..
我: 我有吸, 不過真係好痛…..

原本不經不覺, 姑娘加大左崔生藥, 所以我越來越痛…
我終於又要放下我無聊既自尊…同姑娘講…我…要…打…無…痛針…..
姑娘又重覆, 啦..打無痛針呢^*%%((&(
我: 知道, 明白, 清楚, 咁係咪可以打呀…..
姑娘: 等一陣麻醉師會黎….
我: 唔該…
好快, 麻醉師又真係黎左, 要我好似蝦米屈起, 陣痛完左就同佢地講, 叫我千其唔好動. 我FEEL到打落去果下, 真係好痛, 但比起陣痛, 我覺得仲可以接受.
續.

私人傳訊