夫婦情感

收藏本版
發帖
返回列表
跳至頁

首頁
12345...7

尾頁
   4
catcatbox2012


大宅

積分: 2211


1#
發表於 15-12-17 11:27 |只看該作者
(Sorry lee 個呻文有點長)

這個 weekend 就係我倆結婚一周年，但我吾覺得開心。 或者應該講，過去既一年，我大部分時間都吾開心。

講吓背景先 - C6 本身係 sales， 我就做寫字樓……

C6係大仔，在未結婚前我已經好清楚，婚後一定要同6299住，加上未婚既叔仔，婚後就同一屋簷下，一起生活。

拍拖既時間， C6 已經係 \"一舊木頭\" + \"災難先生\" 既化身。

婚後頭3個月，係我過去lee年黎，最感到幸福既日子， 當時我未搵到工作， 除左見工之外，差不多全日待在家裏，6299算是容易相處， 除左吾太鍾意我倆不早起身 & 2老係亞視 dead heart fans 之外 (雖然 TBB 都…)， 大家相處算係無咩大問題。

家務方面 2 老愛包辦， 我間中就會幫手 (除左我既衣服， 會每星期自己開一機洗之外 <- lee 個係我十數年既習慣， 自己衣服自己洗，我接受吾到同其他人一齊洗) 99 知道後都由得我。

仲間陪99行吓工展會、 落街買餸、 採吓親戚咁……

惡夢由農曆年開始，99由農曆新年左右， 就開始皮膚瘙癢……

3月頭，我証實懷孕了，結果搵工一事， 只好無奈地暫停……

4月頭做第2次產檢時，醫生發現胎兒跟第1次產檢時，沒有太大變化，可以講胎兒停止左成長，我在診所喊左出黎。

我想，在2次產檢之間我沒有見紅，又沒有肚痛過，又沒跌親過，點解會咁既???

攞住私家醫生既信，去政府醫院排期見醫生 & 做人工流產手術。 好排吾排，就排正我倆拍拖記念日黎做， 唉…

由lee段時間開始，我夜夜以淚洗面左1段時間，嗰段時間不停問自己點解會小產。

後來去搵朋友傾訴，同時我搵到份臨時工做預計半年， 心諗 “都好， 記情於工作，分散自己既主意力，無咁容易俾自己鑽牛角尖”就慢慢從谷底走出黎。

99方面開始既時候，大家以為係普通既食物過敏。前前後後由普通科，到皮膚科醫生都睇左5~6個。

C6本身孝順，明知99有病，但醫生們毫無頭緒，加上C6公司不停哋追佢哋sale target, 令本身有情緒問題既C6，情緒起伏更大，不停地向壞方面鑽牛角尖，嚴如 \"災難先生\" (或者 \"阿愁\")上身。

見到C6這個樣子，一向重視生日既我，今年同C6響屋企附近，食左餐火鍋草草了事算數。

最後那位皮膚科醫生，以當時病徵初步診斷 99 應該係 \"皮肌炎\" ，所以醫生寫左幾封俾99，抽血抽組織去化驗云云，証實醫生既初步診斷正確與否。

幾日後朝早99起身後發現，半邊身用吾到力，驚住再次中風，自己靜雞雞坐車走左去急症室(唉…)， 急症室醫生都驚佢係中風，立即收左佢入院。

99留院後，主診醫生前前後後反覆檢查左1個月有多，可以做既基本檢驗都已經做過，就係搵吾到病因，期間我哋講過N次，有專科醫生懷疑99係\"皮肌炎\"，最後出黎既化驗結果， 証實那位專科醫生既估計正確， 99的確係 \"皮肌炎\"，同時確診99有腫瘤。 聽醫生講發現得早， 算係第1期， 電療會好返。

作為枕邊人 & 屋企曾經有人患過腫瘤，算是過來人既我， 自然盡力安慰C6…

自己小產傷痛都未完全好返，就要去安慰C6，之前沒再以淚洗面既我，再加上份臨時工做左個幾月，俾公司轉左我去跟其他工作 & 要跟另外一個阿頭，俾新個阿頭話我 handle 吾到份 job， 炒左……

我既心情再次跌落谷底，今次俾人炒令到我自我形象低落， 本已再無以淚過洗面過日子既我，又再次以淚洗面，C6係一直都吾知，我前前後後以經淚洗面了多少晚…

99這個情況，一向孝順既佢，仲邊有心情慶祝自己生日呀？ (C6 好重視自己生日，以往正日佢一定放假的) 於是又響屋企附近，食左餐飯韓燒就草草了事…

同月外父生日飯C6要返工，加上明知佢根本無心情， 所以我都放過佢， 俾佢缺席。

響99準備做電療之前，已經要好似返工咁，星期一至五出入醫院，游走各部門作電療前既檢查。

99開始做電療既時候， 就好似返工咁，星期一至五去醫院電，電完就返屋企。 電左10幾次之後，某個星期六朝早發現 99 發燒，C6 立即 call 十字車送左99入醫院…

99這次入醫院，醫生話要佢做晒整個療程先俾佢出院，所以轉左99去沙田醫院。

自始，我就開始每日黃昏去醫院探99， 後來搵到份 full time job， 就變成放工， 就直接去醫院探99， C6份工一星期先得一日例假， 所以間中又要俾 C6 同 99 視像吓。 99老人家邊識用 lee d 科技野，咪又係我一手攞住個電話， 另外一隻手攞住條 handfree 囉…

99響醫院鬧情緒， 又係我負責去氹吓佢開心， 所以如果我連續2日無出現， 佢就會打俾 C6 問我係咪病左， 係就休息吓吾好去探佢， 醫院菌多……

62就…
佢會數住我有幾多日無去探99， 跟著問你 (我聽落似係質問口吻多d lor) 幾時去… 本著多一事不如少一事既心態， 我都無話過俾 C6知道 lee 樣野…

有時我覺得， 自己連家庭傭工都不如……

起碼家庭傭工每個月都收緊4千幾 & 每個星期都有一日休息日……

探完99就等C6收工一齊食飯 & report 99最新情況俾C6聽 & 聽C6 呻工作上既麻煩野。

我明白C6自從99病發開始就心情吾好， 間中又有d衰客玩野 & 佢公司班管理層真係……， 佢發脾氣我基本上都盡忍， 最多都係吾出聲 + 黑面， 佢最後會知衰氹吓我我就算。

探完病返屋企之後 & 星期六日未去醫院探99， 就響屋企幫手做家務，C6例假都有自動波落手做家務。

我去探99既密度，基本上星期一至日都去，班護士開始既時候仲以為我係99 個女， 嗰段時間99 自我照顧能低左，簡單如企響道都企吾穩，更加無可能自己去沖涼，99又愛乾淨，3日吾沖涼洗頭已經係佢極限，所以幫佢沖涼洗頭既責任，就自然落左響我既身上。

其實， 99有返咁上下重量， 佢坐左上張椅度推佢去沖涼係好容易整到條腰的，所以當時 C6把口經常話辛苦曬我， 會錫我多D……

好喇， 十月頭做晒療程 & 康復情況良好，醫生放聲氣話，會短時間內放99返屋企，吾單止 C6， 我都好高興。

我高興既係，我吾洗再同62困獸鬥。 62俾我形容為一部壞左既錄音機，少少事佢就會無限 loop 住不停咁講， 由吾煩講到你好煩發火都吾收聲的…

再加上62既清潔程度同99比， 簡直一個天堂、 一個地獄。 C6曾經開過聲話， 99住緊醫院， 無謂煮喇 (另一原因係62視力退化， 根本睇吾清楚)，但62啋C6都傻照煮，但62既重口味… (如果你接受到一個飯碗麥片落一粒雞精的話， 你哋可以做 buddy) 更大件事既係， 62煮完飯洗完碗之後，整個廚房都油淋淋的， 本身沒有潔癖的我 & C6， 真的頂62吾順。

結果，我同C6每日晚食完飯返到屋企，又要幫62所有餐具再洗一次。

去到 lee 個位大家都發現， 叔仔 lee 個人好似無出現過咁既???

婚前不時聽C6講，叔仔無幾多份工可以開到 mpf 戶口 & 佢2兄弟自細就關係麻麻。 做家務方面， 叔仔俾C6形容為 \"蛋都吾識煎\" 既人， 所以我對佢既印象平平。

但響我婚後既觀察，叔仔係好明顯俾6299種壞（6299 根本係直升機家長始祖）自細就同叔仔講，你咩家務都吾識做， 你行開吾好阻住喇。結果， 叔仔自覺咩都吾識做， 吾阻住地球轉就當幫忙， 所以永遠吾會做家務。

響99要出入醫院既時段， C6 直頭同叔仔講， 你吾好做喇， 你留響屋企負責陪99出出入入喇。 叔仔每逢周未都去酒店做吓炒散， 幫補吓佢自己既開支喇…

10月中左右， 99終於出院， 快樂既時光只係為持左不足2星期…… 響某個晚上， 我同C6響房， 各自玩緊電話既時候， 房外突然傳黎一聲跌野聲， 心感不妙立即開門一睇， 99響跌左落地撞到後腦流血， lee 個時候當然又係 call 十字車既時候， 那個晚上響急症室陪99到天光， 醫生再一次收佢上房……

那個星期六係我表妹出嫁既日子， 最後當然全日缺席喇， 我班親戚係咁問我媽咪， 好想知道我為咩吾去飲……

這次一跌99又住左差不多1個月醫院， 出入醫院去幫佢沖涼、 服侍佢、 氹99、 氹C6、 安慰C6又變成我既指定動作……

我想講， 我自己阿媽都未試過有咁好服侍

我不得不相信， 我今年工作運極差， 我再一次人事關係失去工作…… 我真的無晒自信， 什至開始諗我係咪應該轉行???

我終於望到99再次出院， 見到佢一日比一日好轉我心都定d， 但C6繼續滿面擔心。

響99出院後既安排， 同C6嘈過2句，響我既各度立場， 要開始放手俾佢試吓照顧自己， 始終我哋總會全部人返晒工， 得返佢2老響屋企既日子。

屋企又加裝左平安鐘， 同響客廳加裝 ip cam……

我當時好天真咁諗， 我哋應該可以好好安排慶祝吓我哋第1個結婚周年記念吧！

我明， 今年正日係星期日， C6你一定無假放， 我一早已經同C6講， 我明日你無可能正日同我慶祝， 我完全接受提早 / 後補慶祝。

C6 一向係一 \"look\" 木頭， 搞浪漫 lee 家野佢識條鐵咩!!!

所以我都講得好白咁俾佢知， 我好好好耐無食過自助餐喇、 結婚既時候你連求婚都無做， 近 lee 幾年送禮物俾我都係手提電話， 我好想你送隻鑽石戒指俾我呀， 細細細細粒我都好滿足 ka la， 戒指吾會好似電話咁過幾年就壞， 我又吾追新款電話既。

但我再問C6今年點慶祝， C6最後居然答返大陸按摩， 我……

我見到 lee 個答案嗰一刻， 真係好吾開心到忍吾住喊左出黎 ， 我已經黑左C6你2日面， 第1年你都咁求奇， 過幾年你諗住吾洗慶祝 la……

自助餐， 無……
戒指， 無……

咩都無你仲問我仲咩黑你面， 你返大陸按摩到底滿足我， 定滿足你自己可以鬆一下呀？

你完全無理過我感受的， 咁多年黎花都無送過俾我我都無出過聲呀!!!

我d要求好過份咩???
吾做晒都做一樣呀!!!

我宜家吾要你送鑽石戒指喇， 我自己無咩， 你外母我媽咪， N年前我成年就已經買過俾我喇， 我仲咩咁吾要面係要你送俾我呀???

我當日會自己約朋友食下午茶自助餐， 我宜家吾會再諗住同你食飯呀， 你去食西北風喇!!!

食完自助餐我會同朋友直落睇 Snoopy 3D， C6 你自己慢慢BT喇!!!

你連某餐廳換緊Snoopy 你都吾換俾我， 我自己換
私人傳訊

eggpudding


子爵府

積分: 14327


2#
發表於 15-12-17 11:40 |只看該作者

回覆：結婚一周年， 但我不覺得開心

唔...
結婚前都知佢係咁
其實佢一直都係做自己
唔好彩，你地經歷低潮
而大家都做唔到大家精神支柱
好可惜...
未經本人同意,請勿轉載內容!
私人傳訊

茶靡


大宅

積分: 1119


3#
發表於 15-12-17 11:40 |只看該作者
我老公又係一碌木, 所有浪漫既野, 只有我做, 佢永遠唔會做
所有日子既禮物, 都係我自己諗完搵完叫佢俾錢架咋
講真, 我唔要求咩名牌, 我只係想佢花下心思啫
你自己整又好, 買又好, 我嘜都會開心架
私人傳訊

HH.C


大宅

積分: 1073


4#
發表於 15-12-17 11:42 |只看該作者

引用：(Sorry lee 個呻文有點長)這個 weekend 就

原帖由 catcatbox2012 於 15-12-17 發表
(Sorry lee 個呻文有點長)

這個 weekend 就係我倆結婚一周年，但我吾覺得開心。 或者應該講，過去既一年 ...
都係果句，對自己好啲啦！

私人傳訊

tommy715


男爵府

積分: 6304


5#
發表於 15-12-17 11:49 |只看該作者

回覆:結婚一周年， 但我不覺得開心

樓主你都知佢係一舊木，冇情趣浪漫可言，我係你就揾啲老友自己興祝，一係返外家興祝把啦?
私人傳訊

siujanjan


珍珠宮

積分: 30197

BK Milk勳章


6#
發表於 15-12-17 11:53 |只看該作者
catcatbox2012 發表於 15-12-17 11:27
(Sorry lee 個呻文有點長)

這個 weekend 就係我倆結婚一周年，但我吾覺得開心。 或者應該講，過去既一年 ...
經濟上ok? 如果係就不如唔好工作, 而家99都要你去照顧, 分唔到身去返工呢
小產一事唔需要自責, 唔係每次懷孕都會成功, 呢一刻似乎都唔係一個適當時候去有BB

你老公娶到你係佢福氣, 你對佢父母咁好, 唔好唔開心呀~ 加油~ 對自己好D~
私人傳訊

Mamazaki


大宅

積分: 1894


7#
發表於 15-12-17 11:55 |只看該作者
catcatbox2012 發表於 15-12-17 11:27
(Sorry lee 個呻文有點長)

這個 weekend 就係我倆結婚一周年，但我吾覺得開心。 或者應該講，過去既一年 ...


呻完了... 心情好d未?
結左婚就係一家人, 我c6都係一碌木, 完全明白你感受的
不過生活唔好同自己鬥氣, 想點, 就直接同c6表達吧
依種c6唔畫公仔畫出腸係唔明的, 千祈唔好要佢估, 佢係101%估唔到架
要加油呢, JM
私人傳訊

monlee313


大宅

積分: 1616

BK Milk勳章


8#
發表於 15-12-17 11:56 |只看該作者

回覆：catcatbox2012 的帖子

睇曬全部，感同身受，同意J m 所講的，對自己好D！
私人傳訊

0030


侯爵府

積分: 24953

認識瑞士牛牛第二回 認識瑞士牛牛第一回


9#
發表於 15-12-17 12:02 |只看該作者
開心點啦，你盡職做到好新抱或好c9，相信你c6看在眼裡～
私人傳訊

Nancy20090615


瑪瑙宮

積分: 128502


10#
發表於 15-12-17 12:22 |只看該作者
如果我有個您咁 ge 新抱就好囉. 您咁樣做得出對佢地呀媽/老婆, 佢地應該多謝您.

私人傳訊

菩提子


大宅

積分: 3987


11#
發表於 15-12-17 12:24 |只看該作者
catcatbox2012 發表於 15-12-17 11:27
(Sorry lee 個呻文有點長)

這個 weekend 就係我倆結婚一周年，但我吾覺得開心。 或者應該講，過去既一年 ...
算了,嬲完就無事...可能第一年你會介意D..但當過多幾年,可能唔想花錢去慶祝果個系你自已..

想法子令自已開心D..唔好等人去令你開心..加油
私人傳訊

Jolin_Yuen


珍珠宮

積分: 44802

2018復活節勳章 BK Milk勳章


12#
發表於 15-12-17 12:44 |只看該作者
siujanjan 發表於 15-12-17 11:53
經濟上ok? 如果係就不如唔好工作, 而家99都要你去照顧, 分唔到身去返工呢
小產一事唔需要自責, 唔係每次懷 ...
好同意, 樓主加油撐落去呀!!
有時我地撐落去係需要動力, 或者你C6 "可能" 對你唔好, 令你唔知日日咁撐為嘜。
但每件事我地付出, 對得住天地良心就OK了, 係咪?
更何況, 大吉利是講, 你身邊既男人對你好唔好唔係睇平時小事上, (結婚男人更加),
而係睇真係有大件事上, 佢會點同你一齊面對。

你做得好好
相信你奶奶都知你錫佢架

今日奶奶靠你, 可能日後你要靠奶奶...
他朝君體也相同
加油呀!
我慶幸我是水瓶星座.
爸爸是我心中的大樹.
媽媽是我一生的偶像.
姐姐是我一世的知己.
弟弟是我生活的依賴.
多多是我平常的歡樂.
一家人嘛!
私人傳訊

tasa


男爵府

積分: 9133


13#
發表於 15-12-17 12:46 |只看該作者
JM 你懂得令自己快樂已經好好了, 加油!
而你對99咁盡心盡力, 每天去醫院照顧她好有心, 同老公開心見誠講出你既感受, 唔她屈住係心.
私人傳訊

mwmyway


侯爵府

積分: 20051


14#
發表於 15-12-17 13:02 |只看該作者

回覆：結婚一周年， 但我不覺得開心

第一年就發生甘多事又辛苦，相信無一個人會開心，你真係好善良。我結婚時6299年紀都好大，成日入院，好明白你果句自己父母都無甘照顧過就要甘樣照顧佢地。對你ge承受能力真係好佩服，要相信因果，你今日種下ge種子，以後會有回報。我老公都係一look木，好處係佢唔重視d紀念日，我都煩少d唔洗搞花神

點評

木妙妙    發表於 15-12-17 17:58
係post到傾下好啦，不接受加好友同打招呼謝謝！
私人傳訊

mothercare8888


大宅

積分: 1334


15#
發表於 15-12-17 13:03 |只看該作者

引用：Quote:catcatbox2012+發表於+15-12-17+11:2

原帖由 siujanjan 於 15-12-17 發表
經濟上ok? 如果係就不如唔好工作, 而家99都要你去照顧, 分唔到身去返工呢
小產一事唔需要自責, 唔係每次懷 ...
咁嘅環境一定要做野.唔係下年同朋友食自助餐嘅錢都冇
私人傳訊

hwlau1


別墅

積分: 776


16#
發表於 15-12-17 13:45 |只看該作者

回覆：catcatbox2012 的帖子

嘩，你好叻女，好勁呀！加油! 一年內發生咁多事一定唔好受。你要頂著呀！你真係好善良同好愛你老公。佢娶到你係好有福氣。但你自己都要對自己好d，多d搵fd,做多d令自己開心嘅事。多留意自己情緒，無左bb唔多唔少都會影響到荷爾蒙。唔好比自己走入抑鬱，加油!&#128538;
私人傳訊

biloveu


子爵府

積分: 10063


17#
發表於 15-12-17 13:47 |只看該作者

引用：(Sorry lee 個呻文有點長)這個 weekend 就

原帖由 catcatbox2012 於 15-12-17 發表
(Sorry lee 個呻文有點長)

這個 weekend 就係我倆結婚一周年，但我吾覺得開心。 或者應該講，過去既一年 ...
支持，加油！

買隻戒指返嚟叫佢埋單！
私人傳訊

mini1204


翡翠宮

積分: 79224


18#
發表於 15-12-17 13:48 |只看該作者
樓主好心地, 係好身抱

一年發生咁多事, 相信成家人都謝哂皮, 不如輕鬆D2個人去長州行下算啦; 大家都抖下氣.
私人傳訊

haribobo


大宅

積分: 1787


19#
發表於 15-12-17 14:16 |只看該作者
樓主, 你心地真係好好, 對99既照顧不遺餘力!!!

係呢一年裡面你經歷左咁多唔開心既野, 當中既痛苦一定非筆墨可以形容。不過我相信好人有好報, 你為你c6家庭既付出個個都會見倒, 你將來既生活一定會好幸福!!!
私人傳訊

大細心


男爵府

積分: 6480

開心吸收勳章 美好大世界2017勳章 最關心BB問題熱投勳章 認識瑞士牛牛第一回


20#
發表於 15-12-17 14:39 |只看該作者
讚下你先, 你真是一個好心抱, 日日去醫院照顧99。你都說C6是木頭, 所以你想食BUFFET, 你應該直接講, BOOK位比較好。我C6一樣, 完全沒有SURPRISE。有時, 突然會吱下你, 玩下, 已經心滿以足。
私人傳訊


首頁
12345...7

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見