吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 嬰兒用品› 剛8週好大壓力

嬰兒用品今日: 0|主題: 93239

收藏本版

發帖

返回列表

跳至頁

查看: 24959 | 回覆: 113

剛8週好大壓力 [複製鏈接]

12 3 4 5...6

Yausamsam

別墅

積分: 956

1^#

發表於 16-2-8 20:15 |只看該作者 |倒序瀏覽 |打印

同c6努力左好耐都唔得，最後ivf bingo左 twins baby 但知道係twins後好大壓力，日日都好擔心，又擔心早產要係政府醫院生（本人對政府醫院係冇好感的），又擔心自己會有事，我真係日日都好驚，唔知自己想點，有時諗諗下仲想喊tim，我真係唔知可以點做！！

0 0 0

私人傳訊

cherrycoey

大宅

積分: 1370

2^#

發表於 16-2-8 21:32 |只看該作者

順其自然吧！
我都係Ivf bingo twins, 開頭都唔想接受，一照到都喊，護士以為我感動，但實際係好大壓力！
我仲要係無返工！不過隨住時間咁過，由你見到閃閃，到之後胎動等等，都慢慢接受！
係個天送俾你嘅，萬事都可以解決，咁大壓力又係咁過，不如輕輕鬆鬆面對，相信BBs亦會同你一齊努力，唔好睇少佢地呀！加油！

私人傳訊

Yausamsam

別墅

積分: 956

3^#

發表於 16-2-8 21:39 |只看該作者

回覆：cherrycoey 的帖子

我都係冇番工，日日自己係屋企亂諗野，都唔知係唔係產前年抑鬱tim,你bb而家幾大，生左未

私人傳訊

Happywinner

男爵府

積分: 5488

4^#

發表於 16-2-8 23:04 |只看該作者

回覆：Yausamsam 的帖子

一步步來！要開開心心！政府醫院對孖胎特別重視及照顧，祝順利！

私人傳訊

KrystalSitu

別墅

積分: 749

5^#

發表於 16-2-9 04:16 |只看該作者

我都系ivf bingo左孖，一照到系孖嗰刻好開心之後就各樣擔心同害怕，不過系個天送的，畢竟行到IVF呢步唔容易，所以只有同BBS一齊努力,日日夜夜同BBS講要系媽咪肚耐D，加油啊，而且私家如果早產定BBS有咩都系去返政府，政府設備先support 到，所以我反而對政府有信心D，你都唔需要擔心。

私人傳訊

cherrycoey

大宅

積分: 1370

6^#

發表於 16-2-9 14:18 |只看該作者

Yausamsam 發表於 16-2-8 21:39
我都係冇番工，日日自己係屋企亂諗野，都唔知係唔係產前年抑鬱tim,你bb而家幾大，生左未

...

我今個禮拜35w喇！過兩日返醫院book埋開刀期。
你試下搵媽媽谷入，得閒同多d人傾計啦！有咩疑惑都大把人答你架，所以無咩要緊張！

私人傳訊

prettysilly

大宅

積分: 1360

7^#

發表於 16-2-9 16:35 |只看該作者

引用：同c6努力左好耐都唔得，最後ivf+bingo左+tw

原帖由 Yausamsam 於 16-02-08 發表
同c6努力左好耐都唔得，最後ivf bingo左 twins baby 但知道係twins後好大壓力，日日都好擔心，又擔心早產要 ...

放鬆D啦。我系自然有孖胎，家族冇遺傳。第一次產檢嘅時候只係check到一個B，到第二次產檢，醫生同我講有兩個b嗰一刻我直情響醫生面前唔小心講咗粗口。😓
我完全明白有兩個BB有幾咁大壓力，無論精神上，金錢上，甚至外來的壓力。又覺得會有人閑言閑語，又唔知可以點湊。又唔知自己經濟上負唔負擔得到。
到解決咗呢啲問題，由有咗嗰一刻開始有成日怕早產，又怕BB有問題，又怕自己有問題。我個人都係對公立醫院都係十分反感的。到到知道如果34周之前早產係要去公立醫院生之後，我不安左幾乎成個孕期。
後來，不停問醫生，不停自己上網睇資料，又問我響外國做醫院兒科嘅朋友。
好好彩，我等到36w2時先至響私家開刀。兩個BB，各5磅8oz. 唔需要入箱。

我嘅經驗係，既然陀嘅係孖胎。千祈唔好逞強。有其他三姑六婆同你講有咗都要做下運動，行多啲，各樣那樣等等等等千祈唔好聽。佢哋嗰啲係陀單胎嘅經驗。
如果你唔想早產，記住千祈唔好郁咁多。
頭六個月我都有成日出街嘅。不過出街一定係的士出的士入。盡量搵多啲機會坐或響屋企就瞓低。你需知道孖胎，我地五個月左右已經會好似人哋生得個肚咁大。如果你行太多或者企太多，會好容易越陀越低，咁就真係會早產。
到到六個月之後我已經好少出街。都有，但係唔多。亦係的士出的士入，車出車入。一有機會就坐。響屋企，除咗食飯或者去廁所我一定係打側瞓低。
千祈唔好唔信邪，後來我個工人到，響33w6嘅時候,我企響度教佢做嘢企左一個鐘頭。即晚，我見粉紅血絲要入院了。醫生check,真係話開緊。然後計劃第二朝一早七點開刀。後來第二朝開刀前我個醫生再幫我check。瞓咗一晚醫院之後，情況不算太嚴重。佢俾兩個選擇我。1，響醫院瞓床瞓到生，或者比我返屋企但係唔可以再郁了。
返到屋企我十分聽話，由嗰日起我冇再出過街。我一直響屋企除咗食就係訓。所以可以等到36週先開刀。

私人傳訊

prettysilly

大宅

積分: 1360

8^#

發表於 16-2-9 17:09 |只看該作者

引用：同c6努力左好耐都唔得，最後ivf+bingo左+tw

原帖由 Yausamsam 於 16-02-08 發表
同c6努力左好耐都唔得，最後ivf bingo左 twins baby 但知道係twins後好大壓力，日日都好擔心，又擔心早產要 ...

至於孖胎養胎。我其實算好彩，拕孖胎兩個出世嘅時候都有五磅八。我做左幾樣野去養胎嘅。
1. 千祈唔好食媽媽奶粉。拕孖胎好容易會有妊娠糖尿。媽媽奶粉比較甜，唔啱我哋。但係我每日有食孕婦維他命。

2. 呢個係我問外國響醫院做嘅朋友，然後又自己問醫生，又上網搵資料既。
響3個月之前我每日會食一隻全熟蛋連蛋黃，加1盒屋仔脫脂skim milk。要用熱水座暖d奶。
三個月之後開始每日食兩隻全熟蛋白，但一隻蛋黃。加兩盒（早晚）屋仔脫脂skim milk。
6個月後，每日食兩隻全熟蛋連蛋黃兩隻加三盒（早午晚）屋仔低脂奶。6個月後轉左飲低脂。
原因係蛋白係超級長胎，蛋黃係幫BB腦部發展。奶係要高鈣，又係幫助長胎兼且補充媽媽自己鈣質流失。
當然另外自己媽媽都會㷛下花膠湯飲下。但係因為我唔識煮飯嘅所以如果我自己響屋企（其實係大部份時間）嘅時候我就係會用蛋同埋奶去養胎。
但係除此之外其實我嘅飲食唔係十分健康嘅。例如我一日早午餐都係叫外賣。我又會自己煮公仔麵，食餐肉腸仔。我亦都間唔中有飲奶茶。（一星期起碼都有飲一次）我成日食麥當勞食埋薯條。有食零食例如薯片。

當然你千祈唔好跟我。只不過我話比你聽係我飲食唔係十分健康但係可能食蛋飲奶，所以Touchwood, 佢哋都出世磅數ok.
再者拕孖胎已經好大壓力, 食下d自己鍾意嘅嘢我覺得反而開心啲輕鬆啲。當然你千祈唔好食魚生等等呢啲違禁品。嗰啲係真係有李斯特菌會影響BB。其實好多人都話薯片又唔好，咖啡奶茶又唔可以飲等等。何必信咁多。媽媽自己開心，心情反而對BB仲健康。

當然亦都冇人叫你日日食幾包薯片，三餐都食麥當勞，飲10杯奶茶。

最後3. 因為我從來唔煮飯，一直都係食街外食物，又飲食唔太健康。所以我都有去睇中醫。去清下胎毒。

我希望可以幫到你因為我都明白你個心情。想當日我亦都有你呢d問題但係嗰一刻唔係太多人幫到我, 個人真係會好徬徨！

以上所講嘅純粹我嘅個人經驗，不喜勿插。Sorry先

點評

eeeeee6eet

發表於 16-8-29 00:39

兔兔小馬甲

發表於 16-8-6 23:29

私人傳訊

Yausamsam

別墅

積分: 956

9^#

發表於 16-2-9 22:26 |只看該作者

回覆：prettysilly 的帖子

見到你咁詳細既回覆，我真係覺得好感動，其實我同你差唔多而家一日三餐都係外賣，由有到而家8週，醫生都同我講叫我32週前都唔好行咁多，我而家日日都係瞓同瞓，咩都唔敢做，街都唔敢出，好希望bbs可以足肥沖涼足磅出世我就好滿足，但係自己一個人係屋企c6又要返工所以成日亂諗野，其實係到見到咁好孖胎媽媽都係咁都開始放心，係呢你係邊間醫院生，你講比我知既飲食對我好有用，我一定會跟足，咁你生既時候係唔係開刀，你bbs而家幾大，一定好可愛好得意祝你bbs快高長大，真係好多謝你