想生BB

跳至

首頁

尾頁
   53


別墅

積分: 768


發表於 16-8-10 17:32 |顯示全部帖子
去年做 IVF 放胎後心情好緊張, 每日都上網睇人地 BINGO 後身體既變化,
以下紀錄了等待 Bingo既心情同感覺, 等各位可以參考:

8/8
(
放胎日)
星期六
今朝遲了起床, 老公即CALL的士, 幸好7:45am到達醫院登記, 之後去大家樂食早餐, 9點入病房, 老公不能入房陪我, 所以自由活動, 姑娘吩咐我要飲水, 令肚脹, 與房友傾計至11點幾後放胎, 過程似做抹片測試, 首先姑娘用u/s按在肚皮上,醫生可確定放胎位置, 然後用鴨咀鉗固定子宮頸後, 再用導管放胚胎入子宮腔, 醫生話唔需要日日訓床, 同平時一樣活動便可, 返到病房, 個肚有少少谷, 有啲攰, 令我想起抽卵後既感覺, 當然今次情況好好多啦, 食完lunch,
大家訓床休息了一會, 1點半便離開, 姑娘話25/8可自行在家或返瑪麗驗尿Check bingo, 其實, 要咁遲先驗到咩?



9/8 (放胎後第2) 星期日
在家休息, 冇返沙田, 老公一早去堅尼地城打波, 起身食左2隻烚蛋, 奇異果, , 一片90%黑朱古力, 希望增加黃體, 幫助著床,


今日個肚冇感覺, BBS有冇跌左出黎?


10/8 (放胎後第3) 星期一
請左一日假在家休息, 原先唸住返娘家, 但費事周居勞動, 最後留在家, 朝早煮左飽魚麵 + 2隻烚蛋 + 奇異果 + , 繼續煲劇, 瞓覺. 晏晝煲熱鴻福堂既花膠湯飲, 其實唔知有冇效用
, 今日個肚仍然冇感覺, 但去左3次廁所, 到底 BBS仲起度嗎? 其實有點覺得唔需要放假, 返工好過


11/8 (放胎後第4) 星期二
返工了, 同事們都問侯我, 叮囑我唔好搬重野, 放慢腳步, LUNCH TIME, 肚依然冇感覺, 我去洗手間時摸住肚皮同BBS: 你們在嗎? 可唔可以比啲反應比媽媽呀? 點知, 下午, 開始感覺M feel, 上網睇BK, m feel 係好的, 我心踏實了!


12/8 (放胎後第5) 星期三 M Feel 感覺仍然存在, BBS好似努力中呀! 呢幾日開始每日上網睇BK, BLOG, 尋找每人放胎後的感覺, 希望有人同我感覺一樣後BINGO! 放工時排隊等小巴時感覺更強烈, 腰骨勁痛


13/8 (放胎後第6) 星期四
M Feel
冇了, 又開始擔心, 其實一向都擔心因為放雪胎而冇針打, 冇藥塞, 因為自然週期下, 排卵後身體自行會分泌黃體幫助著床, 食晏時Whatsapp左舊同事, 問佢經驗 (8年前起瑪麗做IVF後成功誕下女兒), 佢話當年放雪胎都有藥塞的, 可能現在改制了, 不過佢話唔好自己去配藥塞, M FEEL或肚谷谷都係正常的, 叫我唔好咁擔心! 到下午, 又開始感到谷M Feel, 好似又有希望了!


14/8 (放胎後第7) 星期五
今日乜Feel都冇了, 其實呢幾日除左有M Feel, 人們說什麼胸漲, 水狀分泌, /右肚拮拮下或者拉扯感覺都沒有, 惟有安慰自己, 每人身體狀況不同, 不用太在意! 但心裡已打定輸數, 認為自己冇咁幸運, 一次就中, 認定自己已失敗, 反而今日返工放鬆了, 步伐都大了, 希望M小姐來臨時, 無咁大打激!


15/8 (放胎後第8) 星期六
今日又有返M Feel, 仲好強勁添,
正常計, 如果排卵日是 5/8, 14, 真正來M應是19/8, 今日既M Feel, 可能就是為M小姐來臨前既準備, 早上跟媽媽通電, 報告一下好似有黎M的感覺, 佢即時反應叫我唔好亂講野,
感受到佢失望既聲音, 其實我希望佢預左失敗先, 到時不用咁失望!


16/8 (放胎後第9) 星期日
M Feel 依然強勁, 好似就湧出黎, 我已經括出去, 當作已經失敗, 所以9點幾起身執屋拖地, 之後返娘家, 放胎後都冇返過去了, 爸媽一定好掛住我, 出門前仲唸好唔好換大M巾添, 等地鐵其間, 突然有一下勁想訓覺, 似是被人打左迷暈劑一樣, 好想即刻搵張床訓覺, 好在老公起身邊, 可以有得倚靠, 行街行左一陣見攰, 最後返左娘家休息



17/8 (放胎後第10) 星期一
同尋日一樣, 一早起身M feel 感依舊, 但中午又消失, 每次去洗手間時都會看看護墊, 睇有冇M, 有冇咩特別分泌, 但到臨收工, 有啡色分泌物, 直至返到屋企, 仲有少許, 之後就冇左了


18/8 (放胎後第11) 星期二
M Feel
冇左, 食晏時同事問我情況如何, 我話有黎M既感覺, 佢地顎然地問點解既, 唔會既, 你太緊張喇…. , 大佬, 我心唸都想問點解, 一早講左唔係一定得啦, 唔係因為時不時要請假, 我真係唔想同佢地講!
晚上問老公, 仲有3次機會, 我地做唔做埋佢, 因為放雪胎每次都要大約$24,000, 好在大家意見一致, 有當然做埋佢啦! 夜晚訓覺半夜, 感覺M要黎喇!


19/8 (放胎後第12) 星期三
起身返工, 用了大M巾做定準備, 因為今日姨媽一定會探我, 今日個肚成日都怨住怨住咁, 同平時黎M感覺一模一樣, 好似就黎湧出黎咁樣, 點知時間一路一路過, 去到放工都未有, 只見有一兩撻淺啡色分泌! 返到屋企就有啲淺啡加少少粉紅, 跟住又冇喇, 天呀, 要黎就黎喇, 我都唔想成日估估下呀!












別墅

積分: 768


發表於 16-8-10 17:32 |顯示全部帖子
20/8 (放胎後第13日) 星期四  今日又冇左怨怨下既感覺, 分泌都冇, 白雪雪, 雖然仲未黎, 但我知唔代表我有左, 只因呢十幾日既壓力所至, 令m遲來, 所以一日未到25/8, 我都唔會驗孕, 免得哂左支驗孕棒, 下午, 同事問我會否請陪月, 費事到時奶奶煮野唔岩食, 我話有左先講啦, 之後呢個問題起我腦海盤旋,  請唔請, 最關建係錢, 如成功的話IVF 已用了10萬,  陪月要成萬幾蚊, 未計買送錢, 到時其他開支又大, 所以我唔請, 但又唔想奶奶幫我, 或者可以去起娘家坐月呀, 等媽媽照顧, 我亦安心好多, 算喇算喇, 咁長遠既野, 有左先講, 唔令自己咁大壓力!  臨瞓前, 又有黎M感覺。


21/8 (放胎後第14日) 星期五  照道理 14日, 要有既都驗到了, 可能我怕面對失敗, 唔想見到支棒冇線而失望, 晚上感到個人好熱, 臨瞓又有谷m feel



22/8 (放胎後第15日) 星期六  今朝老公去上環打波, 我就去整負離子, 曾經有懷疑適合去嗎, 藥水是否有影響, 不過最後不敵呢把蓬鬆又長又厚既頭髮, 的起心肝去坐左5粒鐘, 半夜急醒左3次, 點幾, 3點幾, 6點幾, 加上個人好熱, 好興, 心唸係未成功呢? 好多人都話有左會尿頻喎, 但我唸返好似尋晚又食粥又飲湯, 多尿都唔奇, 然後又唸一大抽有左之後負面野, 好擔心, 瞓唔返, 到底我適唔合適



23/8 (放胎後第16日) 星期日  朦朦矓矓瞓到9點起身, 要同奶奶飲茶, 之後約左朋友12:30去沙田食晏,   當中談及我做左IVF, 佢都好鄧我緊張, 叫我唔使緊張同擔心咁多, 但叫我負擔得起既一定要請陪月, 除非我媽媽好有拍力啦, 返到娘家, 媽媽煲左花膠湯, 今次落足料, 好多花膠, 真係世上只有媽媽好!



24/8 (放胎後第17日) 星期一  今日左邊小復有少少痛, 返到公司, Whatsapp 收到好消息, 就係放胎當日既房友驗孕剛剛成功左, 佢計埋今次係第6次放同, 真係好鄧佢開心, 對於我來講, 試一次就夠, 但係佢試左6次, 並唔係人人做到, 實在太令人感動喇, 暫時未知中1個定2個, 點都好, 我都沖心祝福佢能順順利利旦下佢地其待已久既BB!  我明早就揭曉喇, 唔知結果會點呢



24/8 (放胎後第18日) 星期二  零晨2點幾急醒, 我唸應唔應該驗呢, 呢篤係未算係晨尿呢, 都係唔驗住, 等瞓醒先, 跟住發夢驗孕Bingo左, 札醒左原來係發夢, 個心囉囉攣, 典來典去, 瞓唔返, 終於5點幾起身去廁所驗, 我用Clearblue既電子驗孕棒, 冇幾耐出現Pregnant 字樣, 然後不段閃下閃下, load緊野咁, 維持左大約一分鐘, 呢分鐘過得真漫長, 真係怕佢會最後出現NON 呢個字, 點知出現左 Pregnant 2-3 (week), 嘩, 我係未發夢, 我9秒9沖入房拍醒老公同佢講, 然後再打比媽媽嘈醒佢報喜, 跟住Whatsapp亞姐, 太興奮喇, 夠竟我係未發梗夢, 但未至於感動到喊, 原來我既反應會係咁, 之後同老公冷靜過後, 大家禱告, 多謝天父賜給我們BB, 希望BB能順利出世, 亞門, 然後唸住瞓多一陣, 但係瞓唔返喇, 原來夠鐘起身返工, 打電話通知瑪麗, 冇幾耐佢回電約我 8/9 照超聲波, 吩咐我必須出值, 因為當日是計算週數, 而我最擔心既係, 到時照唔照到胎囊, 一個定兩個, 實心定空心, ….一連串擔心起腦中盤旋


最後結果係點? 我剛剛幫囝囝擺左百日宴喇, 回想起一年前既今日, 仲其待緊bb既出現, 而家bb就起我眼前, 感覺好奇妙, 非常感恩!



祝各位想生bb既jm, 心想事成, 早日成功!

點評

hyy1009    發表於 17-3-28 16:35
Hermesianne    發表於 17-3-28 14:31


複式洋房

積分: 349


發表於 16-8-10 20:13 |顯示全部帖子

回覆樓主:

祝仔仔快高長大


大宅

積分: 2391


發表於 16-8-10 20:33 |顯示全部帖子
恭喜樓主


大宅

積分: 1716


發表於 16-8-10 21:09 |顯示全部帖子


大宅

積分: 1195


發表於 16-8-10 21:37 |顯示全部帖子
Joycelau123 發表於 16-8-10 17:32
20/8 (放胎後第13日) 星期四  今日又冇左怨怨下既感覺, 分泌都冇, 白雪雪, 雖然仲未黎, 但我知唔代表我有 ...

樓主,多謝你嘅寶貴分享。我剛剛放咗胎一星期,又係有時有谷m feel, 好擔心! 睇咗你嘅分享,心情又好返啲! 希望好運會臨到我身上啦! 祝你bb健康成長!


男爵府

積分: 7000


發表於 16-8-11 06:43 |顯示全部帖子
恭喜你,滿滿的正能量⋯⋯
生活可以将就,生活也可以讲究⋯⋯


男爵府

積分: 9485


發表於 16-8-11 07:44 |顯示全部帖子
Joycelau123 發表於 16-8-10 17:32
20/8 (放胎後第13日) 星期四  今日又冇左怨怨下既感覺, 分泌都冇, 白雪雪, 雖然仲未黎, 但我知唔代表我有 ...

祝福


別墅

積分: 750


發表於 16-8-11 08:09 |顯示全部帖子
Joycelau123 發表於 16-8-10 17:32
20/8 (放胎後第13日) 星期四  今日又冇左怨怨下既感覺, 分泌都冇, 白雪雪, 雖然仲未黎, 但我知唔代表我有 ...

多謝分享


大宅

積分: 1420

MommyPanel勳章 開心吸收勳章


發表於 16-8-11 15:45 |顯示全部帖子


大宅

積分: 1395


發表於 16-8-11 17:55 |顯示全部帖子
恭喜您呀!我見到你得左嗰下,差D喊左出黎,希望我都可以快D親身感受


大宅

積分: 1325


發表於 16-8-12 01:22 |顯示全部帖子
好勵志啊!!!


別墅

積分: 768


發表於 16-8-12 12:09 |顯示全部帖子
回覆 啦啦隊 的帖子

我知等待既日子係好漫長, 希望你保持輕鬆心情, 祝福你成功!


複式洋房

積分: 383


發表於 16-8-13 14:03 |顯示全部帖子
恭喜樓主! 我2星期前剛經歷了這種等待,真的身同感受呢!


男爵府

積分: 5468

開心吸收勳章


發表於 16-8-13 14:51 |顯示全部帖子
恭喜!!希望我都可以有你的福氣!!多謝分享!!祝福


複式洋房

積分: 408


發表於 16-8-13 15:47 |顯示全部帖子
放胎後⋯⋯⋯渡日如年既感覺⋯⋯⋯成日叫自己放鬆,但又忍唔住上黎bk睇,想工作忙d忘記佢,但又實在無野做⋯⋯⋯救命⋯⋯好難放鬆唔諗,放胎前一晚重緊張到失眠,成晚眼光光⋯⋯身邊d朋友話都無噤快就有左,我就搞一大輪都係無⋯⋯銀旦又有限,唔可以一直做ivf....



複式洋房

積分: 158


發表於 16-8-13 18:41 |顯示全部帖子
Joycelau123 發表於 16-8-10 17:32
20/8 (放胎後第13日) 星期四  今日又冇左怨怨下既感覺, 分泌都冇, 白雪雪, 雖然仲未黎, 但我知唔代表我有 ...

請問你在那做ivf? 十萬係for 抽卵?每次放卵就2萬4?係咪視乎首次抽到幾多卵?


別墅

積分: 768


發表於 16-8-13 20:36 |顯示全部帖子
993204 發表於 16-8-13 18:41
請問你在那做ivf? 十萬係for 抽卵?每次放卵就2萬4?係咪視乎首次抽到幾多卵?
...

我起瑪麗做私家症,10萬係做成個ivf過程, 因我仲有雪胎存放瑪麗,如日後想再生,比$24000就得


別墅

積分: 768


發表於 16-8-13 20:38 |顯示全部帖子
amychaumomo 發表於 16-8-13 15:47
放胎後⋯⋯⋯渡日如年既感覺⋯⋯⋯成日叫自己放鬆,但又忍唔住上黎bk睇,想工作忙d忘記佢,但又實在無野做 ...

呢啲感受,唔係人人能夠體會,只有同路人才能明白


別墅

積分: 768


發表於 16-8-13 20:39 |顯示全部帖子
delimali 發表於 16-8-13 14:03
恭喜樓主! 我2星期前剛經歷了這種等待,真的身同感受呢!

2星期?好快知結果喇,祝福你

首頁

尾頁

跳至