理工大學噚日舉行論壇，立法會議員劉小麗、游蕙禎、譚文豪同鄭松泰受邀出席。對於年青人不斷被縮窄嘅生存空間，游蕙禎就話大專生畢業後，要還Grant loan(學生資助計劃)，亦都負擔唔起屋租，其中一句「就算我哋o依家想去扑嘢（做愛），都搵唔到房去扑，呢個係好現實嘅問題」。其大膽言論令現場唔少人嘩然！
對於游蕙禎用「扑嘢」一詞，才子陶傑今日回應《蘋果》話：「佢(游蕙禎)講嘅係實情，但『扑嘢』呢個字眼，唔應該宣之於女性之口，講『做愛』得，亦可以用一啲優雅啲嘅英文字眼去講，你問我，我唔會用中文，我會用"The flats are not big enough to place a single bed for a young couple to do usual things other than sleeping"。第一女仔唔好開口講『扑嘢』，就算搞Les或者係Tomboy都唔應該講，因為你係有教育嘅人，亦唔係做網台，你做網台嘅，教主你可以開口埋口講粗口，「我X你屎忽」，但你唔係做緊網台嘛，係中華人民共和國香港特別行政區立法會議員，你講嘢咁粗鄙，影衰中華人民共和國，就算習總講嘢，開口埋口都講四書五經啦！」
發表於 
發表於 
返回列表
