吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 瑪麗催生分享

懷孕前後今日: 2|主題: 329722

收藏本版

發帖

返回列表

跳至頁

查看: 7044 | 回覆: 13

瑪麗催生分享 [複製鏈接]

Wannii

大宅

積分: 1026

1^#

發表於 17-2-6 18:49 |只看該作者 |倒序瀏覽 |打印

過左預產期小b都唔出黎，最後醫院俾左催生期我，醫生同我講第一日只係入院檢查，如子宮頸夠軟第二日就安排催生，如果唔夠軟就要塞藥，塞完藥成功就第二日安排催生，如果唔成功就要第二日繼續塞藥，如此類推，值到子宮頸夠軟夠成熟先可催生，當日早上我已執好行李同埋希望子宮頸夠軟夠成熟第二日就可催生，唔使重覆又重覆甘塞藥，入左院換好醫院衫，係床等姑娘，姑娘check 完話都ok夠軟，但係宮口未開到3 ,我只欠少少開左2點幾，所以要塞藥，check 宮頸同塞藥都係好痛，佢check 完手套有血，佢話係正常的，雖然痛但係忍一下就會過去，我覺得痛既指數係可以接受既，跟住就去左博機聽bb心跳同胎動，係床到打左少少則訓，又唔郁得成粒鐘，真係好辛苦，因為個肚已經好大，好唔舒服條腰勁痛，跟住個肚越來越痛，痛到出冷汗，問左姑娘佢話係好事因爲證明塞藥有效，博完機起番身又無甘痛了，行得走得，係個陰道同個肚有d陰陰痛甘，到6點幾晚上，開始黎料，唔可以行太耐，總之就係痛，但係我都覺係可以接受范圍，見到有瑜珈球，就去un 下波仔，真係有用唔痛了，un 左一排行下坐下甘，好快就到左夜晚，我住間房有6張床，一廁所，廁所比想像中乾淨同大，有埋沖涼。而原來瑪麗好多外藉人士，我果度6個人已有3個是，題外話，眼見醫生姑娘醫院姐姐，對外藉人士態度同本地人唔同，我個人感覺，佢地對外藉人士係會再詳細同耐心有同理心一d, 本地就講完佢想講的就走，唔會有咩安慰或者同埋心，呢種感覺到生完都係甘覺得。

0 0 0

私人傳訊

Wannii

大宅

積分: 1026

2^#

發表於 17-2-6 19:24 |只看該作者

到了晚上我痛到訓唔到，到左唔知幾點，又唔痛了，可能藥力過左，甘就訓左一陣，到左第二日，姑娘就黎左一check 就話效果好好今日可安排催生，我就開始要執野準備入產房了，係我對面床果個媽媽尋晚見到佢咸，聽到醫生同佢講話已經塞左2日藥都未得，第三日要休息咩都唔做，第四日先再開始塞，我心中都希望佢都可以快d,唔好甘大壓力。等去產房果刻，好開心之餘，又有少少緊張。

到左產房，係一人一間房，間房好大景好靚，姑娘叫我去左廁所先，去完佢就安排我吊催生藥同人手穿羊水，吊左無耐藥，開始肚痛，一陣一陣的陣痛好辛苦，好急屎甘,我同老公講話要無痛分娩，佢同d姐姐講話我好痛，跟住d姐姐俾左笑氣我嗅，但根本無料到，我成程都好清醒，吸極都係好痛，成個過程我要左4次無痛，知姑娘係甘話d副作用又俾單張我叫我考慮清楚，我已經不斷要求但佢都係到hea我，最後我話我真係忍唔到啦，真係要無痛，佢先至話咁如果你堅持嘅話咁我就幫你安排啦，果時我覺得已經到左極限冇可能再忍到，姑娘打電話叫麻醉師到場同時佢幫我check度數，喺短短個幾鐘頭原來已經開到七度，佢同我講已經冇可能安排都無痛，跟住佢叫我忍下，但我已經要痾出黎，忍唔到，姑娘話係甘家啦，你會唔會係街到痾屎？忍下啦。我話對唔住我真忍唔到了，我已經忍唔到痾左2下，佢望下我下邊，話bb心跳有d低，所以要開始準備生，話忍唔到就由佢但唔好出力痾，跟住佢地set好哂野，間房好多人突然之間，姑娘叫我出力痾，我痾左幾下，bb就出來了，成個過程陣痛加生2個半鐘完成，下邊無剪，但2級撕裂左，佢都用左半個鐘聯針:( 但係我想講，生完果刻見到bb，馬上忘記頭先既痛楚，bb係最好止痛藥，見到佢個心溶化了。

私人傳訊

Sabrina246

別墅

積分: 871

3^#

發表於 17-2-7 16:51 |只看該作者

Wannii 發表於 17-2-6 19:24
到了晚上我痛到訓唔到，到左唔知幾點，又唔痛了，可能藥力過左，甘就訓左一陣，到左第二日，姑娘就黎左一ch ...

唔係助產士接生嗎？點解係姑娘？

私人傳訊

RubyYu07

珍珠宮

積分: 39566

4^#

發表於 17-2-7 16:57 |只看該作者

做媽咪真係好偉大，恭喜恭喜！

私人傳訊

katiehoki

複式洋房

積分: 193

5^#

發表於 17-2-7 18:45 |只看該作者

Wannii 發表於 17-2-6 19:24
到了晚上我痛到訓唔到，到左唔知幾點，又唔痛了，可能藥力過左，甘就訓左一陣，到左第二日，姑娘就黎左一ch ...

我下星期先預產但一諗起bb出世一刻所有痛都會忘記(emoji)(emoji)(emoji)(emoji)(emoji)(emoji)(emoji)(emoji)(emoji)(emoji)

私人傳訊

chulalala

男爵府

積分: 5270

6^#

發表於 17-2-7 21:22 |只看該作者

"而原來瑪麗好多外藉人士，我果度6個人已有3個是，題外話，眼見醫生姑娘醫院姐姐，對外藉人士態度同本地人唔同，我個人感覺，佢地對外藉人士係會再詳細同耐心有同理心一d, 本地就講完佢想講的就走，唔會有咩安慰或者同埋心，呢種感覺到生完都係甘覺得。"
Very agree lor

私人傳訊

Wannii

大宅

積分: 1026

7^#

發表於 17-2-9 11:04 |只看該作者

Sabrina246 發表於 17-2-7 16:51
唔係助產士接生嗎？點解係姑娘？

生完果時我話多謝醫生，跟住幫我接生果個就話我地唔係醫生，係姑娘黎家，甘其實醫生姑娘同助產士我都分唔係好識分，佢地無話我知佢地係邊個。

私人傳訊

Wannii

大宅

積分: 1026

8^#

發表於 17-2-9 11:04 |只看該作者

RubyYu07 發表於 17-2-7 16:57
做媽咪真係好偉大，恭喜恭喜！

多謝，生左bb先知媽媽係好辛苦同偉大

私人傳訊

Wannii

大宅

積分: 1026

9^#

發表於 17-2-9 11:18 |只看該作者

chulalala 發表於 17-2-7 21:22
"而原來瑪麗好多外藉人士，我果度6個人已有3個是，題外話，眼見醫生姑娘醫院姐姐，對外藉人士態度同本地人 ...

其實我覺得唔好有雙重標準，在產後房時左手邊有個大陸女人，我聽到好多人（特別是d打雜呀姐）都俾說話佢聽，例如（個大陸女人帶左個行李箱去醫院，剛生完訓係床，因為佢個人物品放到周圍都係）個阿姐好大聲：「嘩！你真係當正呢度自己屋企wo」我敢講，如果佢係外國人，個阿姐唔會甘講野囉！外國都好多cheap 精，r著數家！到我出院時聽到個大陸女人一個人在咸，其實佢真係幾慘，特別做左媽媽，好明白佢的心情。

私人傳訊